مفروشات أساسية للعروسة هتحتاجي تعرفيها لو بتجهزي

لكل عروسة معندهاش خبرة باحتياجاتها في التجهيزات هنساعدك تعرفي أهم أساسيات جهازك. وفي المقالة دي هنوضحلك قائمة مفروشات أساسية للعروسة لا غنى هنا مع توضيح أفضل خامات وأماكن تشتري منها.

مفروشات أساسية للعروسة للاستخدام اليومي

هنا بنوضح احتياجاتك اليومية من مفارش وملايات للاستخدام اليومي لغرفة النوم، وممكن نقسمها على سبيل المثال لـ:

أساسيات المفروشات

• ملايات السرير: ولازم تكون ناعمة ومريحة جدًا وقطن مصري أو كتان. دي بس الخامات اللي هتكون مريحة، وبالنسبة للعدد ممكن تكتفي بـ 6 أطقم مريحين أو 8 بالكتير. وطبعًا نوعي في الألوان اللي ماشية مع ديكور الغرفة وتريح العين في نفس الوقت.
• الفوط: هل الفوط بتدخل ضمن قائمة مفروشات أساسية للعروسة ولا لأ؟ طبعًا من المفروشات الأساسية جدًا لإنها كمان متواجدة في أماكن بيع الملايات. وبالنسبة للعدد مفيش عدد محدد لكن هتقسمي حسب الاستخدام للمطبخ أو الحمام أو التنشيف. والخامات تكون قطنية ناعمة وبلاش الخامات القطيفة أو المطرزة لإنها بتجرح البشرة.
• البرانس: برضو هتلاقيها متواجدة في نفس أماكن بيع الملايات أو حتى الأسواق الأون لاين. هتحتاجي طاقم برنس شتوي بيكون كم طويل، وطاقم برنس صيفي بيكون بدون كم.

مكملات المفروشات

• البطاطين: على حسب مكان إقامتك هتحددي عدد البطاطين، يعني ممكن تحتاجي بطانية خفيفة وبطانية ثقيلة أو اتنين من كل نوع. وممكن تكتفي ببطانية واحدة ثقيلة أو مفردة ومعها لحاف فايبر.
• الكوفرتات: دي بقى من أكثر الحاجات العملية في قائمة مفروشات أساسية للعروسة. لإنها بتناسب الاستخدام معظم أوقات السنة، وبتناسب كمان أماكن الضيوف للتدفئة وسط التجمعات.

نصائح عند شراء مفروشات أساسية للعروسة

زي ما قولنا إن أساسي الخامة تكون قطنية ناعمة، لكن هل ممكن تواجهك مشكلة في اختيار الخامة؟ طبيعي لو أول مرة تشتري ممكن متعرفيش القطن كويس، عشان كدا هنقولك شوية نصائح تساعدك:

• قبل ما تشتري أي قطعة شوفي الملصق الموجود عليها، هتلاقي عليه نوع الخامات ونسبة كل خامة. وطبعًا كل ما زادت نسبة القطن هتكون أفضل خاصة في الملايات والفوط.
• إلمسي الخامة بإيديك وشوفيها مريحة وناعمة ولا مش مناسبة أو مش مريحة بالنسبالك.
• اهتمي بإنك تجيبي خامات قوية ومتينة ومن ماركات معروفة بإنتاج مفروشات عالية الجودة. لإن المفروشات الأساسية للعروسة كل ما كانت جودتها عالية كل ما هتسهل عليها الاستخدام.
• ركزي على اختيار أنواع سهلة الغسيل ومش بتحتاج عناية خاصة، لإن هتحتاج منك جهد لوحدها. يعني في خامات أو منتجات هتلاقي عليها تعليمات غسيل خاصة، فلو مش هتقدري عليها بلاش تشتريها.
• اختاري ألوان معروف إنها مش بتغير لون مع الاستخدام أو كثرة الغسيل. زي الألوان الهادية اللي مش بتتأثر أو حتى لو غيرت لون هيكون درجة اللون حلوة.

لمسات بسيطة لتنسيق مفروشات العروسة

خلاص كدا المفروض حددتي هتشتري ايه من مفروشات أساسية للعروسة وحددتي الخامات. نيجي بقى لنقطة مهمة جدًا وهي تنسيق المفروشات مع لمسات بسيطة في غرفة النوم، على سبيل المثال:

• حاولي تختاري ألوان ملايات تمشي مع ألوان غرفة النوم والستائر والسجاد، هتلاقي ماتشينج مريح جدًا.
• استخدمي اباجورات جانبية في غرفة النوم هتخلي الأجواء هادية ومريحة للأعصاب.
• ممكن لمسة إضافة بديكور زرع صناعي أو طبيعي ولكن مناسب لجو الغرفة.
• اختاري قطع مُطرزة مميزة للمناسبات الخاصة تكون هاند ميد زي التريكو والكروشية.

دلوقتي تقدري تبدأي في تحديد أساسياتك من ضمن مفروشات أساسية للعروسة وتشتريها من أماكن بيع زي الموسكي والأزهر، أو أونلاين.

اقرأ أيضًا:

أماكن بيع جهاز العروسة في مصر.

إدارة ميزانية تجهيزات الفرح بكل تفاصيلها.