أهم 8 اسئلة تهم العروسين عن تحضيرات يوم الفرح.

ولأن يوم الفرح هو حلم كل عروسين، مع قرب الزفاف بيكون عند العروسين أسئلة كتيرة عن تحضيرات يوم الزفاف والتفاصيل المرتبطة باليوم. لذلك في المقال ده جمعنا ليكم مجموعة من أهم الأسئلة اللي ممكن تشغل بال العروسين، مع إجابات واضحة تساعد على الاستعداد لليوم ده بأفضل طريقة ممكنة.

1. امتى نبتدي تحضيرات يوم الفرح؟

أحد أكثر الأسئلة الشائعة عن يوم الفرح هو امتى بالضبط يبتدي العروسين يجهزوا ليوم فرحهم. والحقيقة إن تحضيرات الفرح أمر مرتبط جداً بتوقيت الفرح، بمعنى أن لو فرحك في موسم أفراح زي الصيف يُفضل تبتدي قبل الفرح ب 6 شهور تقريباً، بحيث تقدري في البداية تشوفي قاعات الزفاف وتحجزي في وقت مناسب.

من المهم يبقى معانا جدول زمني مبدأئي للتحضيرات، بحيث يشمل حجز ال Makeup artist والمصوريين ومكان التصوير وغيرهم من التفاصيل. كمان لازم قبل الفرح بمدة 10 أيام تقريبا نتأكد من كل الحجوزات اللي عملناها لتفادي أي طوارئ.

من المهم كمان تجريب الفستان والبدلة قبل الفرح بمدة مناسبة، وتجهيز احتياجات اليوم البسيطة وقائمة شنطة الفرح للعروسة وللعريس.

2. امتي العروسين يبتدوا يجهزوا نفسهم في يوم الفرح؟

يوم الفرح يوم مشغول جداً للعروسين، لذلك بننصح العروسة تبتدي تحضيراتها الشخصية من 9 صباحاً، بداية من حمامها الدافي ثم العناية بالبشرة والإفطار وبعدين تقدر تروح للكوافير أو تستقبل ال Makeup Artist.

أما بالنسبة للعريس ممكن يبدأ من 10:30–11:00 صباحًا، بالحمام الدافئ والحلاقة وتجهيز البدلة والتأكد من سريان الأمور والتفاصيل.

3. نأكل ايه يوم الفرح؟

ولأن عادات الأكل الخاطئة ممكن تسبب خمول أو انتفاخات أو حدوث طوارئ مختلفة، بننصحك يوم الفرح إن الإفطار يكون حاجة خفيفة وسهلة الهضم زي الزبادي والجبنة والعيش مع ثمرة فاكهة.

أما بالنسبة للغداء ممكن يكون طبق رز خفيف مع قطعة خفيفة من اللحم أو الفراخ. تقدروا تتجنبو المقليات والكافيين الزائد مع التقليل من السكريات الزيادة. كمان شرب الماء شئ مهم جداً مينفعش نتجاهله.

من المهم عدم اهمال تناول الطعام يوم الفرح، لأن ده أشد خطورة من الأكلات الغير صحية المذكورة.

4. ناخد ايه في شنطة افرح؟

من المهم تحضير شنطة الفرح الخاصة بالعريس أو العروسة بعناية لتجنب أي طوارئ. شنطة العروسة لازم يكون فيها الأوراق الشخصية والاحتياجات الأساسية للإطلالة مع احتياجات الطوارئ، زي مثلا قلم روج من نفس لون الروج المستخدم في مكياج العروسة، برفان العروسة، مجموعة العناية بالبشرة والنظافة الشخصية خصوصاً لو التحضيرات الأولية للفرح في فندق أو خارج المنزل، مناديل، إبرة وخيط.

تقدري تعرفي أكثر عن احتياجات شنطة العروسة من هنا.

أما بالنسبة للعريس فهو لا يختلف كتير عن العروسة لكن مهم يكون فيه أزرار احتياطية وفرشاة شعر احتياطية وطبعا فلوس كاش.

اعرف أكتر عن احتياجات شنطة العريس من هنا.

5. إزاي أتغلب على التوتر؟

التوتر يوم الفرح أمر طبيعي جداً للعروسين خصوصاً وسط زحمة تحضيرات يوم الفرح، لكن ببساطة تقدروا تتغلبوا عليه من خلال:

• وضع جدول زمني مسبق لليوم وتحضيراته.
• التأكد مسبقاً من الحجوزات وتفاصيل اليوم.
• الصلاة والتقرب لله واليقين فيه.
• العروسة تقدر تفوض حد من الأهل أو الأصدقاء للرد على المكالمات.
• افتكروا دايماً إنه مش امتحان … ده بإذن الله بداية أجمل يوم في حياتكو.

المزيد من النصائح للتغلب على التوتر يوم الفرح

6. لو حصل موقف طارئ أتصرف إزاي؟

الأمر بسيط جداً:

• لو طرحتك اتقطعت أو حصل فيها مشكلة؟ خدي واحدة احتياطي معاكي.
• كعب جزمتك اتكسر؟ خدي شوز مريح إضافي
• مشكلة حصلت في المكياج؟ أدوات makeup بسيطة معاكي ومراية والأمور باذن الله هتبقى تمام.
• مشكلة في التنظيم؟ الأمور بالتفاهم والتفكير بهدوء بتتحل.

خليكو ايجابيين وتفائلو…

7. هل أعمل جلسة عناية بالبشرة أو سكراب يوم الفرح؟

من الأفضل إنك ترتبي جلسات العناية بالبشرة قبل الفرح بأيام، لكن في يوم الفرح نفسه يُفضل يكون كل شيء بسيط وناعم. البشرة النظيفة المرتاحة بتدي نتيجة مكياج أفضل بكتير من البشرة المجهدة أو اللي فيها التهابات طارئة.

8. إزاي أعتني بالأناقة والإطلالة المميزة خلال اليوم؟

لإطلالة الجميلة للعروسة مش بس في التفاصيل ، لكن في الراحة النفسية والاستعداد الذكي من أول اليوم.

لكن متنسيش تركزى على:

• إنك تبتدي يومك (بعد نوم حوالي 8 ساعات) وتصحي بدري وتخدي شاور دافئ لانتعاش الجسم وراحة الأعصاب.
• اهمي بروتين بشرتك اليومي، استخدمي غسول لطيف، ثم مرطب خفيف، وبلاش أي منتجات جديدة على بشرتك في اليوم ده.
• خلي معاكي شنطة الطوارئ اللي رتبتيها قبل ما تنامي وفيها كل الاحتياجات والاحتياطات.
• اجهزى باحترافية لاطلالتك الفريدة.
• اشربي ماء وخدي نفس عميق وتفائلي.
• ابتسامتك سر الإطلالة الأجمل مهما حصل للإطلالة أو المكياج.
• ممكن تاخدي معاكي هواية أو مروحة لتجفيف المكياج المتأثر بالعرق أو المجهود.

وعلشان نوفر عليكو مشاوير وبحث كتير، زورو منصة إيجي ويدينج لكل ما يخص تحضيرات يوم الفرح وتجهيزات العروسين وعش الزوجية.