علاج مشكلة الصلع الوراثي قبل الفرح… إليك 5 خطوات

بنلاحظ حوالينا شباب كتير بيعانوا من مشكلة الصلع الوراثي من صغر سنهم، وفيه عرسان كتير بيفضلوا علاج المشكلة دي قبل فرحهم. النهاردة حنقولكم على أسبابها وحلول تعملها قبل فرحك.

ما هو الصلع الوراثي؟

الصلع الوراثي هو تساقط الشعر بشكل تدريجي، وبتحصل المشكلة دي للرجال والنساء، بس موجودة أكثر بين الشباب والرجال.

ولها مسميات أخرى على سبيل المثال تساقط الشعر الوراثي، وبالإنجليزية تسمى androgenic alopecia.

أسباب حدوث الصلع الوراثي

من العنوان واضح أن النسبة الأكبر أنها مشكلة وراثية موجودة في الجينات، وفيه أسباب أخرى على سبيل المثال:

• عوامل بيئية.
• هرمونات.
• بعض الأمراض على سبيل المثال: السمنة، ومقاومة الأنسولين، وأمراض البروستاتا، وبعض أمراض القلب.
• أسباب غير معروفة حتى الآن.

ازاي بيحصل النوع دة من الصلع؟

والصلع الوراثي مش بيحصل على مرة واحدة لأن زي ما قولنا في البداية أنه بيحصل بشكل تدريجي لأنه بيبدأ من منطقة الصدغ أو temple من الجانبين، وبعد كدة يستمر لحد ما الصلع يكون على شكل حرف ال M.

وممكن تلاحظ بعدها أن الجزء المتبقي من الشعر في قمة الرأس، وبيكون خفيف جدا وبيقل مع الوقت.

علاج الصلع الوراثي

دة أهم جزء في المقال كله لأن كل يوم في اكتشافات جديدة في علاج هذه المشكلة وحنتكلم عن العلاجات بالتفصيل.

العلاج الدوائي

فيه مواد فعالة كتيرة تم اكتشافها، ولكن أشهرهم على الإطلاق مادة المينوكسديل، واللي ناس كتير جدا على وسائل التواصل الاجتماعي بتتكلم عنه، والمهم هو الالتزام بيها لمدة 6 شهور على الأقل.

المينوكسديل والصلع الوراثي

المينوكسديل بيعمل على توسيع الأوعية الدموية اللي رايحة لفروة الرأس، وبالتالي بيزيد تدفق الدم، ودة بينشط بوصيلات الشعر مرة تانية وتبدأ تطلع الشعر.

وهو موجود على هيئة اسبراي والأفضل هو تركيز 5%، ولازم تستمر عليه ومتوقفهوش خالص علشان ممكن التصرف دة يوقع شعرك كله تاني.

زراعة الشعر

في الفترة الأخيرة أثبتت عمليات زراعة الشعر نجاح كبير، وبالفعل عملها ناس كتيرة وكانت النتيجة ممتازة، بس المشكلة أنها غالية شوية.

الأعشاب الطبيعية.. علاج فعال للصلع الوراثي!

ناس كتير بتفضل الرجوع للطبيعة في حل مشكلة الصلع الوراثي، وفيه أطباء جلدية كتير بيرشحوا العلاج دة مع العلاج بالأدوية وعلى سبيل المثال:

• مستخلص الروزماري.
• مستخلص المنشارة النخلية أو saw palmetto.
• مستخلص الكنباث أو horsetail.

وكل المستخلصات دي وغيرها موجودة في الصيدليات أو محلات عطارة تكون كويسة ومضمونة.

استخدام الخلايا الجذعية

الخلايا الجذعية من الطرق المعجزة لأنها فعالة في علاج أمراض كتير جدا وفيه منها الأمراض الصعبة والمستعصية، وتم إثبات استخدام التقنية دي في علاج الصلع الوراثي ونجحت بالفعل، ولكن بتكون غالية شوية وبتتعمل في أماكن محددة.

حقن البلازما

من الطرق المستحدثة لعلاج الصلع الوراثي، ولكنها محتاجة التزام في جلسات العلاج، وبتاخد وقت شوية، ومش فعالة بالدرجة الكافية (لو تم مقارنتها بطرق العلاج السابقة).

احذر الإعلانات الوهمية

متخليش استعجالك لعلاج المشكلة دي وخصوصا لو فرحك قرب أنك تصدق أي إعلانات مضللة أن فيه منتج تشتريه من على النت أو التلفزيون حيعالجك في أسبوعين مثلا، والأفضل أنك تستشير متخصص على سبيل المثال:

• طبيب الجلدية.
• طبيب مختص بالمشاكل الهرمونية.
• الصيدلي.
• طبيب تغذية.

ازاي تتجنب سقوط الشعر بشكل أسرع؟

•  متستخدمش علاجات مجهولة المصدر علشان سعرها أقل من اللي موجودة في الصيدليات أو عيادة الطبيب مثلا.
• لو استخدمت منتج معين للشعر استخدم النوع المناسب لفروة رأسك.
• متستخدمش الأجهزة الحرارية بشكل مفرط على سبيل المثال فرشاة الشعر الحرارية أو السشوار أو مكواة الشعر.

اقرأ أيضا: أفضل 10 وجهات سياحية لشهر العسل.

اقرأ أيضا: أفكار لسهرة رومانسية في شهر العسل.