خرافات تفتيح الاماكن الحساسة الشائعة.. ايه هي وازاي تتجنبيها؟

المناطق الحساسة من أكتر المناطق اللي كل البنات نفسها تكون منورة، ومفيهاش التهابات ولا اسمرار أو غمقان أيضا. النهاردة حنقولك على خرافات تفتيح الاماكن الحساسة المنتشرة، ولو تجنبتيها هتلاقي نتائج مبهرة.

وصفات تفتيح الاماكن الحساسة

بنشوف ملايين الوصفات يوميا على السوشيال ميديا لتفتيح المناطق الحساسة بوصفات طبيعية، واللي فيه منها زيوت أو عناصر أخرى من الطبيعة.

والوصفات دي فيه منها الآمن ومنها الخطير وممكن يسبب التهابات وتحسس يؤدي لاسمرار قوي في هذه الاماكن، وهنتكلم عن كل نوع منهم.

الليمون.. وتفتيح الاماكن الحساسة

 بلاش تستخدمي الليمون بشكل مباشر على الاماكن الحساسة؛ لأنه يسبب تهيّج شديد للبشرة والتهابات، والأفضل تستخدمي مستحضر يحتوي على فيتامين سي و يكون من ضمن المكونات مواد مرطبة علشان تهدي البشرة.

خل التفاح

الأفضل متستخدميش خل التفاح أيضا، لأنه قوي على البشرة، وممكن يسبب حكة وألم في مكان استخدامه.

زيت العرقسوس

من أفضل الزيوت استخداما للتفتيح؛ لأنه يحتوي على مواد طبيعية على سبيل المثال: مادة Glycyrrhiza  واللي تقلل من صبغة الميلانين اللي بتساعد على الاسمرار عن طريق تكسير الأنزيم المصنع للميلانين.

تعليمات استخدام زيت العرقسوس في تفتيح الاماكن الحساسة

1. يتم خلطه بمواد مهدئة للبشرة عند الاستخدام على سبيل المثال: الجلسرين أو جيل الصبار.
2. حطيه الأول على جزء صغير من إيدك علشان تتأكدي من عدم وجود حساسية.
3. تجنبي خلطه بمواد فعالة زي مادة hydroquinone واللي موجودة في كريمات تفتيح كتير زي كريم ميلوكين لعدم التسبب في عدوى بكتيرية أو التهابات.

إعلانات تفتيح الاماكن الحساسة.. وهم!

التلفزيون و الانترنت مليانين إعلانات لمنتجات تفتيح المناطق الخاصة، وللأسف كتير منها بيكون مجهولة المصدر وبتسبب أمراض خطيرة، والأفضل عدم الانجذاب للنوع ده من الإعلانات.

خللي بالك من الاختلافات الفردية!

مش شرط كريم تفتيح معين كل صحابك بيشكروا فيه أنه يكون مناسب معاكي، ودة لأن فيه اختلافات كتير في بشرتنا، والأفضل تجربيه على منطقة صغيرة في إيدك قبل الاستخدام.

المواظبة

لازم تواظبي على الروتين اللي بتستخدميه لتفتيح المناطق الحساسة، وأطباء الجلدية بتقول المواظبة على الأقل شهر ونص علشان تلاحظي النتائج.

كريمات تفتيح المناطق الحساسة

أنواع كريمات التفتيح

خللي بالك أن فيه فرق بين كريمات تفتيح الوجه والجسم؛ لأن مكونات كريمات الوجه مختلفة عن كريمات المناطق الخاصة. لازم تفرقي قبل ما تشتري.

روتين كريم تفتيح الاماكن الحساسة

اعملي روتين خاص بيكي، ويكون أهم حاجة فيه:

• الترطيب يوميا بمواد ملطفة ومهدئة أيضا.
• تجفيف المناطق دي جيدا، وخاصة منطقة البكيني بعد دخول الحمام أو الاستحمام.
• تغيير الملابس الملامسة للمناطق دي يوميا، وفي الصيف مرتين يوميا، وتكون ملابس قطنية.

خدعوكي فقالوا!

الكلام المنتشر حاليا أنك لازم تكوني منورة وعلى أكمل وجه قبل فرحك دي أكبر خرافة؛ لأن دي طبيعة جسمنا، وخصوصا المناطق الخاصة أنها تكون أقل درجتين من باقي الجسم؛ بسبب إفراز صبغة الميلانين فيها.

جلسات تفتيح الاماكن الحساسة

بسؤالنا لاخصائيين في عيادات التجميل قالوا أن مش شرط تعملي جلسة تفتيح للاماكن الحساسة قبل الفرح، ودة لأن بيكون الغمقان غير ملحوظ في معظم الحالات. والأهم يكون عندك ثقة بأنك جميلة، وأنك مش محتاجة أي حاجة.

الغسولات النسائية

أنواع الغسولات النسائية

• غسول يومي: ودة بيحتوي على مواد مرطبة للبشرة زي الجلسرين والصبار ومادة السينتيلا أيضا.
• غسول أسبوعي: ودة بتستخدميه مرتين أسبوعيا.

شروط استخدام الغسولات النسائية

• يكون غسول مخصص للمناطق الحساسة.
• يكون PH للغسول والمنطقة الحساسة متشابه، وفي الحالة دي اسألي الطبيب أو الصيدلي.

أمثلة لغسولات المناطق الحساسة

• Briofem foam.
• Uriage gyn-phy.
• Eucerin intimate wash.
• Sebamed feminine intimate wash.

اقرأ أيضا: مستحضرات وأدوات لا غنى عنها في شنطتك يوم الفرح.