تجهيزات العروسة اللي محدش بيقولك عليها قبل الفرح

تحضيرات الفرح من أكتر الفترات اللي بتكون مليانة مشاعر مختلفة. بين فرحة كبيرة وتوتر وضغط بيخلّي العروسة ممكن تنسى حاجات كتير. ووسط كل الكلام اللي بيتقال عن الفستان والكوافير والمكياج. في تفاصيل تانية مهمة محدش بيركز عليها. ومع إنها مش مشهورة، لكنها بتفرق في راحة العروسة وثقتها بنفسها وسعادتها في اليوم اللي بتحلم بيه من زمان. وعشان تكملي فرحتك من غير قلق، جمعنالك في المقال ده كل تجهيزات العروسة اللي محدش بيقولك عليها قبل الفرح، لكنها أساسية وفعّالة في يوم الفرح.

أهم تجهيزات العروسة اللي محدش بيقولك عليها قبل الفرح

للأسف كتير من العرايس بيعتقدوا أن الاهتمام بالحاجات الأساسية بس. وإن التفاصيل البسيطة ممكن ميبقاش ليها تأثير. لكن في الحقيقة هي ليها تأثير كبير، وعدم الاهتمام بيها في فترة التجهيز بيسبب كوارث يوم الفرح، عشان كدا لازم نهتم بكل تفصيلة في الفقرات الجاية، عشان نعرف أهم تجهيزات العروسة اللي محدش بيقولك عليها قبل الفرح.

١-شنطة “النجدة” أو الطوارئ يوم الفرح

من أهم الحاجات اللي لازم تكوني مجهزاها من بدري، شنطة صغيرة فيها كل اللي ممكن تحتاجيه لو حصل أي ظرف مفاجئ. زي مثلًا:

• مسكن خفيف للصداع أو آلام الدورة.
• لزقة جروح أو بلاستر.
• مناديل مبللة وعادية.
• إبرة وخيط (يفضل بلون الفستان).
• دبوس مشبك ومشابك شعر احتياطية.
• برفان صغير، مزيل عرق، مناديل عطرية.
• مراية صغيرة، ومكياج خفيف لتعديل اللوك لو احتاج.

والشنطة دي تكون مع أختك أو صحبتك. عشان تكون قريبة ليكي لو حصل أي ظرف. وبكدا نقدر نتجنب مشاكل كتير يوم الفرح.

تجهيزات العروسة 2024

٢- التجهيز النفسي قبل الفرح

الجانب النفسي مش بس مهم ده أساسي. عشان كدا حاولي قبل الفرح بأسبوع تبدأي تخففي التوتر بالخطوات دي:

• نظمي نومك على الأقل ٧ ساعات في اليوم. ولازم نكون عارفين أن السهر الكتير لأي سبب هندفع تمنه من صحتنا.
• ابعدي عن السوشيال ميديا السلبية اللي بتقارن أو بتسبب قلق. لأن وقتها هيظهر ليكي صور لعرايس وتجهيزات وفساتين. والمقارنة هنا ممكن تضيع فرحتك.
• اقري قرآن. أو اسمعي حاجة بتحبيها، أو اكتبي مشاعرك في ورقة.
• اتكلمي مع حد قريب منك لو حاسة إنك مضغوطة.
  لازم نكون عارفين أن الموضوع مش بس فستان ومكياج. راحة بالك وانطباعك الداخلي هما اللي هينعكسوا على شكلك في اليوم ده.

٣- تجهيز البيت الجديد بالحاجات الصغيرة

الخطوة دي من أهم تجهيزات العروسة اللي محدش بيقولك عليها قبل الفرح. ودا لأن كل التركيز بيروح على العفش والتشطيب. وبننسى فكرو تجهيز الحاجات اليومية اللي بتفرق بعد الجواز، زي:

• أدوات الصحة الشخصية للعروسة.
• منتجات العناية الشخصية. لأن من الصعب أننا نخرج نشتري في الأسبوع الأول من الجواز
• لازم نوفر تجهيزات الضيافة ونكون جاهزين للزيارات. وإلا هنتعرض لإحراج كبير.

٤- ترتيب المهام وتقسيم الأدوار قبل اليوم الكبير

يوم الفرح بيكون مليان تفاصيل. ومينفعش تعملي كل حاجة لوحدك. من قبل الفرح بأسبوع لازم تعملي جدول بالمهام وحددي مين هيكون مسؤول عن إيه:

• مين هياخد شنطك من الكوافير للقاعة. ويكون مسؤول عن باقي المتعلقات الشخصية عشان منفقدهاش؟
• مين هيستقبل ضيوفك وأصحابك المهمين يوم الفرح. عشان يكونوا عارفين أن وجودهم فارق عندك؟
• مين هيكون معاكم في عربية الزفاف. ولازم نختار هنا بعناية لأن دي واحدة من أكبر أسباب المشاكل يوم الفرح؟
  التنسيق ده هيوفر عليكي لخبطة كتير. ويخلي يومك ماشي بسلاسة ومن غير ضغط.

استعداد العروسة

٥- تجهيز لبسك بعد الفرح مباشرة

كل التركيز بيكون على الفستان. لكن لبسك بعد الفرح مش لازم يتنسي. حضري لبس شيك ومريح لأول يوم في بيتك. ويكون عملي في نفس الوقت. وكمان جهزي هدوم نوم مريحة، روب. ومتنسيش كمان أدوات العناية الشخصية. لأنها ممكن تسبب إحراج كبير، عشان كذا لازم يكون معاكي:

• فرشاة ومعجون، مشطك، كريم بشرتك، وشامبو. وغيرهم من المنتجات المناسبة ليكي.
• شنطة صغيرة فيها الحاجات اللي هتحتاجيها أول يوم (زي مسكن أو حبوب ألم أو صداع، مناديل، إلخ).

٦- الأكل قبل الكوافير وبعد الفرح

عرايس كتير بينسوا ياكلوا بسبب التوتر. وده بيأثر على طاقتهم طول اليوم. عشان كدا لازم تاكلي حاجة خفيفة وغنية بالطاقة قبل الكوافير، زي:

• توست بجبنة، موزة، شوية مكسرات، أو عصير طبيعي.
  وبعد الفرح، خلي معاكي حاجة خفيفة تاكليها، خصوصًا لو الفرح متأخر. ممكن سناك في العربية أو في الشنطة (زي بروتين بار أو شوكولاتة).

تجهيزات العروسة، تجهيزات الشقة، تجهيزات العروسة 2025

٧- لحظات لنفسك وسط الزحمة

حاولي تسرقي لنفسك لحظة هدوء قبل ما تبدأي اليوم. اقعدي مع نفسك ولو ٥ دقايق، بصي في المراية ابتسمي وفكري إنك خلاص داخلة على مرحلة جديدة. اللحظات دي هتخليكي تحسي بالامتنان والفرحة بدل ما اليوم يعدي بسرعة من غير ما تستمتعي بيه.