تاج العروسة | قائمة مقترحة بمصممين مصريين 2025

تاج العروسة هو قطعة فريدة وهامة لإطلالتك، بتختلف وتتنوع تصميماته بين التصميم الملوكي أو العصري البسيط حسب زوق العروس ونوع اطلالتها وتصميم فستانها. وسواء كنتي عروسة محجبة أو غير محجبة، جمعنالك قائمة بعلامات مصرية ومصممين مصريين لتاج العروسة ومختلف ال HeadPieces الأخرى علشان تلاقي اللي يناسب زوقك الرفيع بسهولة…

قائمة مرشحة لمصممين لتاج العروسة في مصر

1- MSHeadpieces:

وهي علامة مصرية بتقدم تصميمات مخصصة ل الHeadPieces بكافة أنواعها بما فيها “تاج العروسة” ، وبتتميز بمهارة حرفية محلية. وبتتنوع منتجاتها بين القطع المعدنية أو المصممة من الورود أو الؤلؤ والأحجار. ومش بس كده دي كمان بتوفر قطع لوصيفات العروسة وكافة اكسسوارات الفرح.

ومن التصميمات المعدنية:

ومن التصميمات الزهرية:

وتقدري تشوفي تصميمات أكتر لتاج العروسة وقطع الشعر على موقعهم

2- Halo Headpieces

Halo Headpieces بتقدملك تصميمات جاهزة ومُخصصة لقطع الشعر المناسبة للزفاف والسهرات والمهرجانات، وبتوفر تصميماتها في القاهرة ودبي. تصميماتها بتمتاز بالرقة والبساطة والتفاصيل الصغيرة، لذلك هيا مناسة للزوق الهادي للزوق الهادي وكمان الأزواق اللي بتحب المزيد من التفاصيل المناسبة لطبيعة الإطلالة.

وتقدري تشوفي تصميمات أكتر لتاج العروسة وقطع الشعر على موقعهم

3- Zirco jwellery

وهي شركة مصرية متخصصة في صناعة اكسسوارات الفرح بما فيها تاج الزفاف، وبتركز في تصميماتها على أحجار الزيركون اللامعة عشان تضيف لمسة فاخرة. لو انتي عروسة بتحبي التفاصيل الكتير في القطعة أو تصميمك لفستان الفرح بسيط ومحتاج قطعة عليه تظهر جماله بتفاصيل غنية، هتلاقي مع Zirco jwellery تصميمات فخمة وملوكية لتاج العروسة.

وتقدري تشوفي تصميمات أكتر لتاج العروسة وقطع الشعر على موقعهم

4- zeenaheadpieces

وهي علامة تجارية لتصميم قطع الرأس اليدوية الفاخرة واكسسوارات الزفاف والمجوهرات أنيقة. بتتميز كل قطعة بكونها مصنوعة بعناية فائقة واهتمامٍ بالتفاصيل الدقيقة، لضمان أن تجد كل عروسة ما يُناسبها. قدمت العلامة مجموعة واسعة من تصميمات تاج العروسة و ال Headbands ذات الإتجاه العصري الأنيق والناعم.

وتقدري تشوفي تصميمات أكتر لتاج العروسة ومختلف القطع واكسسورات العروسة على موقعهم

تاج كلاسيكي أو عصري ولا HeadPiece

كتير من العرايس بتحتار بين جمال اكسسورات الفرح خصوصاً تاج الزفاف وقطع الرأس المختلفة. علشان تحسمي الإختيار بنقدملك مجموعة من النصائح علشان تعرفي إيه الأنسب ليكي بين تاج الزفاف أو بقية قطع الشعر زي بنس الشعر أو توكة الشعر أو طوق الشعر.

• الاختيار بيعتمد على نوع إطلالتك، بمعنى إن الفستان الملكي يناسبه تاج العروسة لإكمال الفخامة، والفساتين الناعمة ممكن يناسبها توكة جانبية أو طوق هادي. لكن متنسيش إن أوقات لو الفستان بسيط جداً في تصميمه مهم يكون تصميم التاج أو القطعة غني بالتفاصيل.
• الاختيار كمان بيعتمد على تسريحة الشعر أوشكل الحجاب. لو شعرك مرفوع بالكامل هيكون التاج سبيل لإبراز جماله، ولو شعرك منسدل أو Wavy هتكون القطعة الرقيقة غاية في الجمال عليه.
• شكل الوجه عامل مهم. لو وجهك دائري تاج الزفاف أنسب ليه، ولو وجهك أميل لكونه طويل الطوق أو التوكة الجانبية هتكون أجمل ليه.
• زوقك وتفضيلاتك الشخصية عامل مهم. سواء كنتي من محبي الفخامة والتيجان الملكية أو بتحبي القطع الناعمة الرققة.

اختيار الأنسب للعروسة المحجبة

ولأن الحجاب للعروسة المحجبة هو قطعة أساسية من الإطلالة، لازم تختاري التاج أو الإكسسوار المناسب ليه. ودي مجموعة من نصائحنا اللي ممكن تساعدك كمحجبة ف الاختيار.

• طوق الورد سواء طبيعي أو صناعي بيضفي لمسة أنيقة وناعمة على الحجاب البسيط.
• القطعة الجانبية مش دايما بتكون مناسبة مع الحجاب.
• التاج الملكي العالي قد لا يتناسب مع شكل الحجاب.
• اتاكدي من تجريب التاج على لفة الحجاب للتأكد من كونه ثابت ومريح ومتماشئ مع الحجاب.
• سواء كنتي محجبة أو لا، اتجنبي التيجان التقيلة أو استخدميها فقط وقت جلسة التصوير أو الدخول للقاعة.
• لو الحجاب مطرز اختاري التاج أو القطعة تكون بسيطة.
• من أجمل الخيارات للمحجبات هي شابو الخمسينيات، خيار مثالي وأنيق ومناسب جداً مع لفات الحجاب لكتير من العرايس.

تقدري تعرفي أكتر عن نصائح الزفاف والعرايس من موقعنا:

فساتين زفاف 2025 | نظرة على أحدث صيحات بيوت الأزياء المصرية.

كوشة في البيت | أفكار وديكورات ونصائح.