الصحة الجنسية والأسماك.. 8 حقائق طبية حتدهشك!

حقيقة ولا خرافة!

زمان قالوا أن السمك بيساعد على تعزيز الصحة الجنسية للرجل، وكنا فاكرينها عادات وتقاليد بتتنقل وخلاص، بس اللي وضحته الأبحاث بعد كدة بيأكد المعلومات دي!

أهمية الأسماك للصحة العامة لك

• مضاد للالتهابات قوي، وبالتالي بيمنع حدوث تلف للخلايا، وبالتالي يقلل من أمراض كتير على سبيل المثال أمراض المناعة.
• تقليل مخاطر سرطان القولون والمستقيم.
• انخفاض معدل الأمراض الخاصة بالبروستاتا.
• الحفاظ على صحة القلب والأوعية الدموية.

أهمية الأسماك للصحة الجنسية للرجل

• تنظيم مستوى التيستوستيرون في الدم، واللي بيساعد على زيادة الرغبة الجنسية.
• يحافظ على الكتلة العضلية للجسم، والموضوع دة حيهم أكتر اللي بيروحوا الجيم.
• بيرفع من مستوى الطاقة في الجسم.
• بيقلل من مخاطر أمراض القلب والأوعية الدموية، واللي بتأثر بالسلب على الصحة الجنسية بسبب قلة الإمداد الدموي للأعضاء التناسلية.

العناصر الضرورية الموجودة في الأسماك

1. أوميجا 3: ودة من أهم العناصر الموجودة في الأسماك لأنه عبارة عن سلسلة من الأحماض الدهنية اللي ليها دور كبير في تنظيم مستوى هرمون التيستوستيرون في الدم.
2. الزنك: من العناصر المهمة جدا لصحة الرجل أيضا، لأنه بيزود تدفق الدم في الأعضاء خصوصا الأعضاء الخاصة، وبيزود مستوى الخصوبة عند الرجل لأنه بيحسن من كفاءة الحيوانات المنوية وحركتها.
3. البروتينات: بتساعد على بناء العضلات وزيادة الطاقة في الجسم.
4. البوتاسيوم.
5. الماغنسيوم.

الفيتامينات المهمة في الأسماك لصحة جنسية أفضل لك

• فيتامين د، واللي له دور في تقوية المناعة، والعضلات.
• فيتامين ب 12، لدعم صحة الجهاز العصبي.
• فيتامين أ، واللي بيحافظ على صحة البروستاتا.

أمثلة للأسماك التي تدعم الصحة الجنسية

1- المحار

يتميز باحتواءه على نسبة عالية جدا من عنصر الزنك بنسبة 673% من القيمة اللي بيحتاجها الجسم يوميا، واللي قولنا من شوية أنه بيساعد على زيادة الخصوبة، والمحار على سبيل المثال بلح البحر والجندوفلي أيضا.

2- سمك السردين

من الأكلات اللي بتحافظ على صحة القلب، وبتقلل من حدوث الجلطات علشان فيه كميات كبيرة من الأوميجا 3، وكذلك وجود فيتامين ب 12، و3، وفيتامين د، والبروتينات، والحديد بيزودوا من قيمتهم الغذائية للرجل.

3- سمك السالمون

يحتوي على أوميجا 3، و كذلك بروتينات بنسبة عالية على سبيل المثال لو 100 جرام من سمك السالمون يحتوي على 22-25 جرام من البروتينات، وكل وجبة لازم يكون نسبة البروتين فيها من 20-30 جرام من البروتينات.

ويحتوي على مادة السيلينيوم أيضا اللي بيحافظ على صحة العظام، وزيادة كفاءة الحيوانات المنوية.

4- سمكة التونا

احتواءها على كل من اليود، والسيلينيوم، والحديد، والبروتينات، وأوميجا 3، وفيتامين ب 6 بيعزز من قيمته الغذائية للرجل.

5- الجمبري

من الأكلات المهمة جدا لصحة الرجل علشان بتحتوي على نسبة كبيرة من البروتينات.

خللي بالك وأنت بتشتري الأسماك!

لما تشتري الأسماك اتأكد من المصدر اللي أنت حتجيب منه الأسماك دي لأن المصدر بيفرق جدا في القيمة الغذائية ليها، وكذلك من سلامتها يعني طازة ولا لأ علشان لو مش طازة ممكن تكون فاسدة وحتسببلك مشكلات كبيرة أنت وعيلتك أيضا.

كم مرة يمكنك أن تتناول وجبة متكاملة من الأسماك؟

العلماء والأطباء بيفضلوا تناول وجبات الأسماك من مرتين لتلات مرات أسبوعيا، لأن عند التزامك بعدد المرات دي حتحس بفرق كبير في صحتك بعدها، وخصوصا ولو فرحك قرب وعايز صحتك تكون كويسة، وتكون هرمونات جسمك نسبتها كويسة.

في مجتمعنا العادات والتقاليد هي المسيطرة أكتر من أي نصائح طبية ممكن تتقال، وزمان كانوا بيقولوا أن الأسماك مفيدة جدا للعريس المقبل على الزواج ممكن كنا نسمع الكلام دة وخلاص، ولكن الحقيقة أن الكلام علمي 100%.

اقرأ أيضا: 4 حاجات العريس مينفعش ينساها يوم فرحه.

اقرأ أيضا: أماكن بيع الأثاث في مصر الأفضل والأضمن.