ازاى تتخلص من قشرة الشعر نهائيا قبل فرحك؟

قشرة الشعر من المشكلات اللي بتواجه شباب كتير، وبيكونوا مشغولين خصوصا وقت التجهيز للفرح ، ومش عارفين ينتظموا على علاج مناسب ليها.

تتكون قشرة الشعر بسبب ضعف وتفكك في فروة الرأس.

أنواع فروة الرأس اللي بتسبب القشرة

فروة الرأس الدهنية: تراكم الزيوت اللي بتخرج من الغدد الدهنية في فروة الرأس بتزود معدل وجود قشرة الشعر.
فروة الرأس الجافة: بيظهر فيها القشرة بشكل كبير.

اسباب قشرة الشعر

الضغط النفسي من الأسباب الرئيسية للقشرة، ووجود الفطريات أيضا من ضمن الأسباب.

وجود فطريات بتتغذى على الزيوت الموجودة في الشعر.
بعض منتجات العناية بالشعر.
بعض الأمراض المناعية، وحنتكلم عنها في السطور اللي جاية.
الأمراض اللي بتأثر على الجهاز العصبي على سبيل المثال مرض الشلل الرعاش.

الصدفية والإكزيما وقشرة الرأس

الإكزيما من الأمراض المناعية التي تصيب الجلد وفروة الرأس.

من أسباب ظهور القشرة هي الصدفية والإكزيما، ودة بسبب قلة المناعة اللي بيسبب ضعف شديد في فروة الرأس بالإضافة للحكة المستمرة في منطقة الإصابة.

اعتقاد خاطئ!

فيه ناس كتير بتعتقد أن القشرة معدية، ولكن الكلام دة مش حقيقي، ولكن الأفضل متستخدمش الأدوات الشخصية للي عنده المشكلة دي.

أماكن أخرى تصاب بالقشرة

ليس الشعر بس الذي يصاب بالقشرة، بل الذقن، والشارب، والحواجب.

مش بس الرأس اللي بتصاب بالقشرة، ولكن الحواجب، والشارب، والذقن بيتصابوا كمان.

مين أكتر ناس معرضة لقشرة الرأس؟

غسل الشعر من مرتين لثلاث مرات أسبوعيا يفيد شعرك في حالة إصابته بعدة مشكلات.

الرجال أكثر من النساء.
الشباب في سن متوسط والمراهقون هم أكثر عرضة للإصابة من كبار السن.
الأشخاص اللي عندهم أمراض مناعية.

قشرة الشعر والضغط النفسي

الضغط من المسببات الأولى لظهور القشرة في الشعر.

الأبحاث أثبتت أن زيادة الضغط النفسي على الشخص ممكن تزود من معدل قشرة الرأس، عشان كدة متستغربش لو في فترة التجهيز للفرح لقيت شعرك مليان قشرة كتير لأنك بعد الفرح ولما ترتاح شوية حتلاقي بنسبة كبيرة القشرة بتقل جدا في الشعر.

علاج قشرة الشعر

في حالة أن قشرة الشعر متوسطة

حاول تستخدم شامبو بشكل يومي بينضف الشعر من الزيوت المتراكمة خصوصا لو فروة رأسك دهنية، والانتظام على الشامبو دة حيخفف القشرة بنسبة كبيرة، ولو لاحظت أن القشرة قلت استخدمه من مرتين لتلات مرات أسبوعيا بس.

أمثلة لشامبوهات تنظف فروة الرأس

شامبو فاتيكا.
شامبو الو إيفا.
شامبو كانتو.

في حالة أن قشرة الشعر كتيرة

استخدام الشامبو اليومي أو شامبو ضد القشرة هما الاختياران عند البدأ في العلاج.

استخدم شامبو علاجي مضاد للقشرة، بس المهم تستخدم شامبو مناسب لسبب وجود القشرة.
ولو استخدمت كذا نوع ومفيش نتيجة لازم تروح لدكتور جلدية على طول، لأن زي ما قولنا من شوية الاستخدام الخاطئ لمنتجات الشعر بيسبب ظهور القشرة بشكل أعلى، وحيكون صعب السيطرة عليه.

أنواع شامبوهات ضد القشرة

شامبو نيزابكس nizapex shampoo.
شامبو نيزورال nizoral shampoo.
دركوس شامبو dercos shampoo.
بولي تار polytar shampoo.
سيلينجينا selengena shampoo.
سيلينو كير seleno care shampoo.
انفينيتي داندل infinity dandel shampoo.
لوشن كيريللا kerella lotion.
مرهم كيريللا kerella ointment.

وأخر منتجين متميزين أنهم بيستخدموا لعلاج الصدفية كمان، لأنهم بيقللوا الحكة، والالتهاب الموجود في فروة الرأس.

تعليمات وأنت بتستخدم شامبو القشرة

خللي بالك أن شامبو القشرة مينفعش تستخدمه بشكل يومي، ودة لأنه ممكن يأثر على الشعر بشكل سلبي أكتر، وللأسف لو استخدمته بشكل يومي حتلاحظ نشفان في شعرك أكتر من الأول!