إزاى تختاري ستائر مودرن لكل غرفة في بيتك في 2025!

ولأن الستاير مش مجرد قطع قماش في جوانب شقتك، اعرفي معانا إزاى تختاري ستائر مودرن مناسبة لكل غرفة في شقتك..

إزاي تختاري ستائر مودرن لكل غرفة؟

اختيار ستائر مودرن لغرف بيتك بيكون مرتبط بالموازنة بين الجانب الجمالي والوظيفي في كل غرفة. فكري في مدى الخصوصية اللازم لكل غرفة، وكمية الضوء اللي محتاجة دخولها في كل غرفة سواء غرفة المعيشة أو الأطفال أو مطبخك.

ستائر مودرن لغرفة المعيشة:

ولأن غرفة المعيشة هي غرفة الأسرة، لازم تفكري في كم الخصوصية اللازم توفيره. وحيث إن ضوء الشمس مهم جداً خلال اليوم، فكري في كمية الضوء اللازمة للغرفة. ننصحك تستخدمي طبقات من الستائر المودرن الشفافة لجو مشرق أثناء اليوم، وممكن تستخدمي ستائر مودرن ذات أقشمة تقيلة للتحكم في كمية الضوء وتقليلها وقت ما تحتاجي. المزج بين الأقمشة الشفافة والمعتمة أو التقيلة هيساعدك تتحكمي في الضوء الداخل كويس.

• الخامات: اختاري أقمشة تجمع بين الفخامة والعملية وتلائم طبيعة غرف المعيشة. نوصي لكي في 2025 بالكتان أو القطن المعالج
• الألوان: فكري في الألوان الفاتحة زي الرمادي أو البيج لأنهم عصريين وليهم دور في اعطاء احساس بالاتساع للغرفة.
• الطراز أو التصميم: فكري في ربط التصميم بكمية الضوء المرغوبة، واستخدام الطبقات الشفافة لزيادة كمية الضوء.

ستائر مودرن لغرفة النوم:

وحيث إن غرفة النوم أكتر مكان محتاجين فيه للخصوصية والاسترخاء، فكري في استخدام الستائر ذات القمشة التقيلة واللي هتكون ذات مستوى جمالي أميل للفخامة والرقي. نوصي لكي بدمج الستائر التقيلة مع طبقات داخلية شفافة تكفل ليكي التحكم في الضوء والخصوصية.

• الخامات: يُفضل خامات تمنحك الخصوصية وتعزل الضوء (القطيفة أو البلاك أوت)
• الألوان: فكري في الدرجات الهادية لأنها هتساعدك في تحقيق الاسترخاء
• الطراز: التصميمات البسيطة الغير متكلفة هتساعدك كمان في ضمان جو هادئ ومريح وعصري في غرفة نومك.

ستائر مودرن لغرفة الأطفال

عادة ما بتكون غرفة أطفالك هي من أكتر الغرف اللي ممكن تحتاج تنظيف متكرر، لذلك استخدمي أقمشة سهلة التنضيف وكمان الخالية من أي أجزاء غير أمنة على طفلك أو قابلة للقطع.

• الخامات: حاولي تستخدمي خامات تلائم طبيعة غرفة الأطفال وتكون سهلة التنظيف زي الأقمشة القطنية.
• الألوان: حافظي على ألوان مبهجة أو ستائر مزينة مناسبة لعمر طفلك.
• الطراز: استخدمي تصاميم أمنة على طفلة وخالية من الحبال الطويلة.

ستائر مودرن للمطبخ

مطبخك هو أكتر مكان لازم تكون الستائر فيه مخصصة. بمعنى إن الخامات تكون مقاومة للحرارة وآمنة وغير طويلة عشان تلائم وظائف مطبخك.

• الخامات: اختاري الأقمشة المقاومة للحرارة والرطوبة في مطبخك زى البوليستر أو الستائر المعدنية.
• الألوان: نوصى لكي بالألوان المشرقة والهادية لمطبخك في 2025.
• الطراز: الستائر القصيرة هي الملائمة للمطبخ لتجنب تعرضها للإتساخ.

نصائح عامة عند اختيار ستائر شقتك

الستائر هي أحد القطع التي لا تقل أهمية عن أي قطعة في بيتك، واختيارك الأمثل ليها لا يقل أهمية عن اختيار كل ركن في بيتك. بنقدملك نصائح تساعدك في نجاح اختيارك للستائر في 2025:

• توافق الألوان ركن أساسي في تصميم بيتك، احرصي على توافق لون الستائر في كل غرفة مع ألوان الجدران والعفش بشكل متناسق.
• في 2025، دخول ضوء الشمس لبيتك أصبح ضرورة لكل بيت، وحيث إن النوافذ والفتحات المختلفة في شقتك هيا مصدر الضوء الطبيعي، احرصي على اختيار ستاير تكفل كمية ضوء كبيرة أو تحكم وتوزيع للضوء في كل غرفة .
• الستائر الذكية في 2025 هي الإتجاه الحالي والمستقبلي، بيتم التحكم فيها عن بعد أو من خلال التطبيقات الذكية اللي بتساعدك في التحكم في ستائر غرفتك بسهولة وأمان.

اعرفي أكتر عن اختيار خامة الستائر المناسبة لديكور عشكم الجديد

للمزيد من المعلومات والنصائح، زور مجلة ايجي ويدينج

الاسئلة الشائعة