أفضل ماركات أجهزة كهربائية للبيت سعر وجودة

عند اختيار أفضل ماركات أجهزة كهربائية للبيت بنركز على اختيار ماركات معروفة ومضمونة لسببين مهمين جدًا. السبب الأول عشان نضمن كفاءة الأجهزة وجودتها، وكمان عشان كفاءة الصيانة وسرعة الرد من فريق خدم العملاء.

وطبعًا السوق المصري مليان عدد كبير جدًا الماركات من أفضل ماركات أجهزة كهربائية في العالم. منها على سبيل المثال بوش وبيكو وإل جي ووايت ويل وتورنيدو وغيرهم كتير.

ودلوقتي هنعرف أهم وأفضل ماركات أجهزة كهربائية تقدروا تعتمدوا عليها في البيت دون أعطال متكررة وتدوم لعمر افتراضي أطول.

أجهزة التكييف والمبردات

في السوق المصري هنلاقي أسامي كتيرة جدًا في التكييفات، ولكن هنركز على الأكثر كفاءة وجودة، خاصة وإنها بتوفر ميزات مختلفة زي التبريد والتدفئة، وتوفير استهلاك الكهرباء، والمتابعة المتميزة من فريق الصيانة. ودا بنلاقيه مع أفضل ماركات أجهزة كهربائية زي شارب، كاريير، ال جي، تورنيدو.

أجهزة التدفئة

تعتبر أفضل ماركة دفاية كهربائية هي ماركة تورنيدو، لإنها بتقدم خيارات كتير من أحجام الدفايات. بالإضافة لخصائص ومميزات كتيرة جدًا زي الأمان والكفاءة العالية والفصل التلقائي مع السقوط، أو الفصل مع زيادة درجة الحرارة. كمان في موديلات موفرة للكهرباء سواء دفايات كهرباء سيراميك أو دفايات كهرباء زيت.

الثلاجات والفريزرات

تعتبر الثلاجات أساس البيت، لإن ممكن نستغنى عن أجهزة كتير في البيت أو نتنازل عن كفاءتها. لكن تبقى الثلاجة الجهاز الأكثر أهمية ولا يمكن الاستغناء عنه أو التنازل عن كفاءته. عشان كدا بنختار فعلًا أفضل ماركات أجهزة كهربائية عند شراء الثلاجة أو الفريزر.

ومن أفضل الماركات حاليًا في السوق المصري إل جي، وبيكو، وشارب، الأنواع الثلاثة كفاءتهم عالية جدًا. وكمان سعرهم مناسب جدًا مقارنة بأسعار ماركات تانية بنفس الكفاءة.

وأهم ما يميزهم سلاسة التصميم واتساع الجسم الداخلي، والأهم كفاءة فريق الصيانة وسهولة التواصل وتقديم شكوى أو طلب فحص ومعاينة.

سخانات الغاز والكهرباء

لحد دلوقتي المستخدمين بيعتمدوا على سخانات الغاز والكهرباء دون التركيز على نوع واحد منهم. ولكن لو هنركز على أفضل ماركات أجهزة كهربائية للسخانات الغاز فهيكون أريستون. والأفضل في السخانات الكهرباء هما يونيفيرسال وتورنيدو، طبعًا الأفضلية هنا للكفاءة والجودة وانخفاض معدل الأعطال، وتحمل الاستخدام المكثف خاصة في الشتاء.

كمان السخانات الغاز في السوق المصري حاليًا مدعمة بنظام أمان لفصل الغاز في حالة وجود أي عطل. فنسبة الأمان عالية فيه حتى في حالة عدم وجود أحد في البيت أو في مكان تشغيل السخان سواء مكتب أو مؤسسة.

مكانس كهربائية وأجهزة شفط الأتربة

من أكثر الأجهزة المريحة والعملية في كل بيت هي المكانس الكهربائية أو التحديث الأعلى الآن وهي أجهز شفط الأتربة وتنظيف المفروشات. وأيًا كان الاستخدام فضروري الجهاز يكون كفاءته عالية عشان يتحمل الاستخدام اليومي لأطول فترة ممكنة. ومن أفضل ماركات أجهزة كهربائية متخصصة في المكانس هي فيلبيس وكينوود لإنهم بيوفروا موديلات حديثة وبمواصفات حديثة كمان. زي نظام الفلترة اللي بيحافظ على نقاء الهواء ونظام التفريغ السريع من خلال الدورق الزجاجي بديل الكيس القماشي التقليدي.

الغسالات وأجهزة التجفيف

تأتي على القمة بلا نزاع ماركة إل جي، ودي من أقدم الماركات في السوق المصري ولازالت الأعلى كفاءة في الغسالات تحديدًا. بتتميز بتوفيرها لبرامج متعددة تناسب جميع أنواع الأقمشة، وكمان موفرة للمياه واستهلاك الطاقة. وفيها موديلات اهتزازها منخفض لتقليل الضوضاء. وطبعًا بتوفر أجهزة غسيل وتجفيف مدمجة يخرج منها الغسيل جاهز على اللبس.

أسعار أفضل أجهزة كهربائية في السوق المصري

طبعًا الأسعار متفاوتة من مكان لآخر على حسب عوامل كتير، منها موسم الشراء وحجم تجارة الموزع. المهم وقت شراء أفضل أجهزة كهربائية في السوق هنتبع أسلوب سهل جدًا لمعرفة السعر المناسب. هنصور الجهاز وقت الشراء ونرفع صورته على جوجل وهيظهر السعر الفعلي في كل المواقع الشهيرة، وكدا تقدروا تحددوا إذا كان السعر مناسب أو لا.

اقرأ أيضًا: استخدام الرخام في الديكور وتحويل البيت لتحفة فنية.

اقرأ أيضًا: تصاميم مطابخ مفتوحة على الصالة.