أخطاء في تجهيزات الفرح إزاي تتجنبوها

حلم كل عروسين إن الفرح يتم بشكل مثالي بدون أي أخطاء. ولأن فترة ما قبل الفرح مليانة ضغوطات وتفاصيل كثيرة فالطبيعي تحصل أخطاء بدون قصد. ولكن هدفنا نتغلب على الأخطاء اللي ممكن تعكر صفو الفرح وتوتر العروسين. عشان كدا جمعنا أشهر خطاء في تجهيزات الفرح وإزاي العروسين يقدروا يتغلبوا عليها بالتخطيط المناسب لكل خطوة وكل تفصيلة. بحيث يكون فرحهم مميز وزي ما بيحلموا وأكثر.

أخطاء في تجهيزات الفرح في الميزانية والجدول الزمني

من أكثر المشاكل اللي بتقابل العروسين هي مصاريف ما قبل حفل الزفاف. لإن التخطيط للفرح بيبدأ بحماس وبينسوا يحسبوها صح أو بيحددوا ميزانية غير واقعية أو عشوائية. ومع اقتراب وقت الفرح يلاقوا نفسهم مضطرين يتنازلوا عن حاجات مهمة. عشان كدا هنوضح إزاي يتغلبوا على المشكلة دي في نقاط واضحة ومحددة:

• البدء بكتابة الميزانية قبل الفرح بمدة كافية، عشان تكون في مساحة من الوقت لتحديد كل بنود الصرف وتحديد المصادر المساهمة في الفرح، زي مساهمات أهل العروسين أو مرتبات ومكافآت وجمعيات.
• تحديد المبلغ المتاح لكل بند بدقة، سواء بند القاعة أو حفل الزفاف أو الفوتوجرافر.
• تحديد مبلغ جانبي للطوارئ، على سبيل المثال نحدد نسبة 10% من المبلغ المتاح للظروف الطارئة، أو المصروفات غير المتوقعة زي تفاصيل زيادة في الفستان أو تفاصيل إضافية لقاعة الفرح.
• متابعة المصروفات بكتابتها في ملف مشترك على أبلكيشن أو شيت اكسل، بحيث يقدر العروسين يتابعوا اللي اتصرف واللي باقي، أو متابعة البنود اللي انتهوا منها.

أخطاء في تجهيزات الفرح في التنظيم والعقود

يوم الفرح فيه تفاصيل كثير جدًا خاصة في التعاقدات مع منظم الفرح أو الفوتوجرافر أو مكان الفرح وحتى مع الميكب أرتيست. وعشان كل الاتفاقات والتعاقدات والتنظيمات تمر بدون مشاكل أو اختلاف بين العروسين والمنظمين يبقى لازم التركيز على نقاط هامة:

• رؤية نماذج سابقة سواء من أعمال منظمي الفرح أو الفوتوجرافر أو المكيب أرتيست.
• الاتفاق على كافة التفاصيل بشكل مكتوب سواء من خلال رسائل نصية أو عقد موقع من الطرفين.
• قراءة بنود العقد والتركيز على كل التفاصيل الصغيرة، خاصة فيما يخص مواعيد التسليم، وسياسة الإلغاء، والتعرف على أي مصاريف زيادة أو مش واضحة وغير مفهومة.
• يُفضل يكون الحجز مع أي طرف قبل فترة كافية من الفرح بحيث يقدر العروسين يختاروا أشخاص محترفين بدون ضغط في مواعيدهم أوقات مواسم الأفراح.
• التواصل معهم قبل الفرح لمراجعة تفاصيل الفرح والتأكد من الإلتزام بكل التفاصيل المُتفق عليها.

وبكدا يوصل العروسين ليوم الفرح بدون ضغوطات مراجعة الاتفاقات، أو خوف من حدوث أخطاء في تجهيزات الفرح توترهم وتعكر فرحتهم.

أخطاء في تجهيزات الفرح تجاه المعازيم

من أصعب الحاجات اللي بتواجه العروسين قبل الفرح مباشرة تحديد قائمة المعازيم، خاصة لو الفرح محدد بعدد معازيم مُعين. ومن أكثر أخطاء في تجهيزات الفرح فيما يخص قائمة المعازيم إن العروسين يعزموا عدد من الأصدقاء أو المعارف بدون تحديد أولويات وبالتالي يقعوا في مشكلة نسيان أشخاص مقربين من العائلة على سبيل المثال.

تحديد الأولويات

وعشان العروسين يتفادوا المشكلة دي ممكن يركزوا على تحديد قائمة المعازيم حسب الأولوية، وكتابتها قبل الفرح بفترة كافية. ممكن كمان تقسيم القائمة إلى “لازم يحضروا” و “ياريت يحضروا”. مع التركيز على إن المُتحكم في العدد إمكانية القاعة أو تكاليف الفرح، عشان يقدروا يعتذروا بلطف لأي شخص مش هقدروا يعزموه.

تفاصيل خاصة بالعروسين ضروري يركزوا فيها

طبعًا مش مناسب إن العروسين يركزوا في كل أخطاء في تجهيزات الفرح ممكن تحصل وينسوا يركزوا في التفاصيل الخاصة بيهم. ولإنهم أكيد هينسوا تفاصيل كثيرة، هنحاول نفكرهم بأهمها:

• التركيز في الصحة والتغذية قبل الفرح ويوم الفرح، لإن كثرة الحركة واليوم الطويل ممكن يأثر عليهم بدون ما ياخدوا بالهم.
• عمل بروفة على الفستان والبدلة قبل الفرح للتأكد من إنها مناسبة ومريحة ومش محتاجة تظبيط في المقاسات. وطبعًا الأمر نفسه لاكسسوارات الفرح والأحذية.
• كتابة أي تفاصيل خاصة بيوم الفرح في نوت والاحتفاظ بيه على الموبايل، عشان يقدروا يرجعولها بسهولة.
• تفويض المهام للأصدقاء والأقارب، يعني مش لازم كل حاجة يعملوها بنفسهم، عشان يقدروا يرتاحوا أطول وقت ممكن.
• تجنب تجربة أي حاجة جديدة، لإن من أشهر أخطاء في تجهيزات الفرح بيقع فيها العروسين تجربة حاجات زي ماسكات أو تسريحات بيعملوها لأول مرة.

في الآخر الفرح هيكمل بأفضل شكل ممكن، حتى لو حصل أخطاء في تجهيزات الفرح غير محسوبة يمكن تجاهلها عشان متأثرش في اليوم، أو تفويض شخص بالتعامل مع أي مشكلة طارئة، والعروسين يستمتعوا بيوم العمر.

اقرأ أيضًا:

• إدارة ميزانية تجهيزات الفرح بكل تفاصيلها.
• خطوات التخطيط للفرح خطوة خطوة.