فستان كتب كتاب مميز .. تصميمات فساتين فريدة
حفلة كتب الكتاب من الأيام المميزة ال بيتم التخطيط ليها فترة من الزمن، خصوصًا لو هيكون فيه فرق كبير بين كتب الكتاب ويوم الفرح. علشان كده لازم كل حاجة في اليوم ده تكون مميزة بداية من الاختيار بين تصاميم فستان كتب كتاب مناسب لغاية منديل كتب الكتاب.
وفي المقال هنا جمعتلك اجمل وارق تصميمات فساتين كتب الكتاب بالصور، علشان تختاري منهم المناسب ليكي وشخصيتك. والفستان الأخير مفاجأة.
فستان كتب كتاب ابيض
اللون الأبيض بيكون اكتر الاختيارات ال بتميل ليه العروسة في اختيار تصاميم فستان كتب كتاب يتناسب مع ذوقها. علشان كده جمعنالك اكتر التصميمات الحديثة والمميزة لفستان كتب كتاب ابيض.
الفستان بالأكمام الدانتيل الكالوش من عند الكوع للكفوف، والخبرة الدانتيل على التصميم بالقماش الأبيض السادة. بتعطيكي شكل الأميرات، تصميم رقيق وهادي يناسب يوم كتب الكتاب.
من التصميمات المميزة لفساتين كتب الكتاب هي تصميم الكت، المطرز من على الصدر والوسط لإبراز شكل الفستان. مع أكمام من الشيفون الناعم يناسب سهرة بسيطة ويوم مميز زي يوم كتب الكتاب.
نيجي بقى للتصميم الملائكي ال أخد ترند السنة في فرح ليلى احمد زاهر، لكن بصراحة التصميم مش أول مرة ينزل. إلا إنه لا يختلف عليه اتنين، فستان رقيق وتصميم راقي شبه أميرات ديزني، أو أميرات العصور الوسطى.
مع أكمام تل مرفوعة من الأكتاف لإبراز التصميم الراقي، وأزرار من الرقبة للخصر بتعطي شكل رائع للفستان والعروسة. كمان مميز في إنه ينفع للمحجبات مع تقفيل الدانتيل بطبقة تلبيسة.
فستان كتب كتاب للمحجبات
فساتين المحجبات تتميز برونقها الخاص ال بيعمل بالحجاب، ومن اكتر التصميمات المميزة هو الفستان المنسدل من الساتان والأحكام المقفولة والمرفوعة من الأكتاف.
مع إضافة الحرملة للحجاب بتعطي أنوثة وجمال وبسيطة للعروسة في يومها الموعود. وكمان فساتين المحجبات تنفع فساتين زفاف شتوية.
وبالنسبة للتصميمات ال بتظهر الأكمام فيها زي فساتين العصور الوسطى والبرجوازية، فهي اكتسبت إقبال كبير من العرايس لبساطتها وأناقتها. خصوصًا لأنها مش متكلفة بتطريزات ولا ترتبط ولا غيره.
والتصميمات السادة لفستان كتب الكتاب مع الاكمام المنفوخة، أو الوشاح على الأكتاف، وانسيابية في التصميم مع الاكسسوارات زي الجوانتي، والبرنيطة ال بتاخد شكل الحجاب من على الرأس. كلها إضافات بتبرز جمال الفستان وبساطة واناقة زوق العروسة.
وفي اختيار فستان ليلة مميزة زي دي، أنا بفضل الفساتين المتنوعة من قماش الساتان لأنها بسيطة. وفي نفس الوقت بتمشي على الموضة ال بترجع لعصر الخمسينات والتلاتينات ال بيتميز بتصاميم فساتين زفاف بسيطة.
فساتين كتب كتاب ملونة
اختيار فستان كتب الكتاب مش شرط يكون باللون الأبيض خصوصًا أن التغيير مطلوب، واللون الأبيض بيكونله طلة مميزة في يوم الفرح. علشان كده تعالي نختار فستان مميز بألوان مناسبة ليوم الكتاب.
اللون البينك أو البمبي من احلى الألوان ال ممكن العروسة تتميز بيها يوم كتب كتابها. والتصميم ده رائع وبسيط مع وشاح على الضهر وقطعة على الصدر مميزة.
وممكن نشوف التصميم الهادي ال بيشبه البدل الرسمية من الصدرية، لكن الاكمام الشيفون بتعطيله مظهر الفساتين الأنيقة ال بتميز العروسة. مع تطريزات بسيطة من اللولي.
وممكن نغير في تصميمات الفساتين التقليدية ونشوف التصميم ال شكل الروب ده بألوان صريحة زي الزيتي والأزرق والأخضر. مع صدر عريض وفيونكة عند الخصر لإظهار جمال التصميم.
واللون الدهبي من الألوان المميزة للحفلات زي كتب الكتاب ويوم الحنة وحتى يوم الخطوبة. والتصميم ده بشكل الحورية مع القطعة الشيفون من الوسط، وال ممكن تتشال عادي. والصدر المطعم بالجوبير مميز للحفلات والليالي المميزة.
نيجي لآخر قطعة وال بالنسبة لي مميزة في لونها وتصميمها. اللون الأخضر التفاحة من اكتر الألوان المحببة عندي، خصوصًا انه مش منتشر يعني هيكون لون مميز في يوم مميز.
وبالنسبة للتصميم؛ فالأكمام المنفوخة جميلة مع لمسة الفيونكة عند الطرف. والضهر المقفول بالاحبال مع كسرات الفستان من تحت. تصميم ممتاز.
هل محتوى المقال دة كان مفيد بالنسبة لك؟
نعم، مفيد!لا!
