فساتين زفاف ملكية للمحجبات لتكوني ملكة متوجة

أصعب جزء بيقابل كل عروسة هو اختيار الفستان خاصة لو كانت بتدور عن تصاميم فساتين زفاف ملكية للمحجبات لإن النوع دا من التصاميم تفاصيله كتيرة وصعب تلاقي اللي بتدور عليه.

وعشان نوفر عليكي عناء البحث عن فستان أحلامك هنساعدك تحددي احتياجاتك واللي يناسب وبكدا تفضل خطوة الاختيار وهتكون أسهل كتير عليكي.

إزاي تختاري فساتين زفاف ملكية للمحجبات تناسبك؟

باعتبار إنك في اليوم دا ملكة متوجة، فأيًا كان الفستان اللي هتلبسيه الأهم تكوني واثقة من نفسك. تعيشي لحظتك الجميلة بكل ثقة، وإن اختيارك للفستان أكيد كان مناسب وأكيد شكله مبهر. لإن الفساتين الملكية بشكل خاص بتدي انطباع بالفخامة والرقي، فأي تصميم مناسب ليكي هيعكس فخامة وجمال لا يقارن.

فستان يناسب جسمك

الفساتين الملكية بتكون منفوشة وواسعة جدًا من تحت، ولكن هل حجمها السُفلي هيتأثر بحجم جسمك؟ غالبًا لا عشان كدا بتشوفي اللي يناسبك من منطقة الوسط “الخصر” عشان يبرز جمالك ويتماشى مع هيئة جسمك. يعني على سبيل المثال لو جسمك على شكل ساعة رملية هتختاري فستان يحدد الوسط. ولو جسمك على شكل كمثرى هتختاري فستان في تفاصيل أو فصوص كتيرة زيادة في منطقة الصدر. ولو على شكل تفاحة يبقى محتاجين نخفف تفاصيل الصدر والوسط ونركز إنه يكون منفوش من أسفل الوسط أو منطقة البطن.

فستان يتناسب مع طولك

خلينا نأكد إن شكل الفستان الملكي بيتأثر جدًا بالطول أو القِصر. يعني لو إنتي قصيرة فالفستان الواسع جدًا من تحت هيقلل طولك بزيادة، فاختاري وسط قصير واتساع بسيط مع ديل متوسط لو حبيتي. أما لو إنتي طويلة فقدامك كل الخيارات وخاصة لو بتحبي فساتين زفاف ملكية للمحجبات ليها ديل طويل.

قماش الفستان ولونه

لما نقول فستان ملكي طبيعي هتبقى خامة القماش ثقيلة ولامعة. لإن الأساس فيها إنها تدي ثقل وحجم وبريق للفستان، عشان كدا هنركز في خامات زي الستان الثقيل، والدانتيل، والجوبير. أما اللون فاختيارك بين 3 ألوان، الأبيض أو الأوف وايت أو العاجي “الشوجري”.

مزايا تصاميم فساتين زفاف ملكية للمحجبات

من أفضل الاختيارات للعروسة المحجبة الفساتين الملكية، لأن كل تفاصيلها بتكون واضحة ومميزة. ولذلك هي مثالية لمحبي الفخامة والتميز مش البساطة والهدوء. فلو انتي من محبي الفخامة هتلاقي مزايا كتير في التصاميم، منها على سبيل المثال:

• حجم الفستان وتفاصيله بتقلل من توضيح الفستان لمعالم الجسم.
• الأكمام الطويلة تقدري تتحكمي في اتساعها، ممكن تصميم فستان أكمامه واسعة ونهايته ضيقة.
• الطرحة الطويلة بتكون مناسبة جدًا للتصميم ومش بتقلل من فخامته أو تداري تفاصيله.
• تقدري تتحكمي في نوع التطريز لو عايزاه بسيط، أو لو عايزة تحولي الفستان لتحفة فنية بالتطريز.

وبدون أي مبالغة تصميم الفستان مهما كان بسيط هيحسسك إنك ملكة متوجة، ودا أهم إحساس هتحتاحيه يوم فرحك.

تنسيق فساتين زفاف ملكية للمحجبات مع الاكسسوارت

رغم الفخامة اللي بيظهرها الفستان إلا إنه على العكس تمامًا مش محتاجين فخامة واضحة في الاكسسوارات. إزاي بقى نوفق بين الاكسسوارات والتصميم؟ ممكن نطبق دا من خلال:

• الحلق والسلسلة هنحتاج تصميمهم قوي لكن اللامعة فيهم بسيطة، أو لامعة واضحة لكن التصميم بسيط.
• شوز الفرح طبعًا هيكون هيلز كعب، مع تصميم ملكي مش هينفع العروسة تلبس كوتشي أو أي شوز عليه جوبير.
• بوكيه الورد هيكون بلون واحد ويُفضل الأحمر، أو نختار لون واحد لكن جريئ.

إزاي تنفذي تصاميم فساتين زفاف ملكية للمحجبات ؟

هنا النقطة الأكثر أهمية في الموضوع، جه الوقت اللي هتختاري فيه فستان أحلامك. لازم تشوفي مصمم أزياء أو دار أزياء بتنفذ النوع دا من التصاميم بكل دقة. ودا تقدري تتأكدي منه من خلال صفحاتهم على مواقع التواصل، وتشوفي موديلات تم تنفيذها بالفعل.

وبكدا تكوني جاهزة للفرح بأفخم فساتين زفاف ملكية للمحجبات اللي هتخليكي ملكة متوجة بفخامة مذهلة.

اقرأ أيضًا: وضعيات صور عرايس محجبات من غير لوكيشن تصوير.

اقرأ أيضًا: وضعيات تصوير دبلة الفرح صور منتهى الرومانسية.