تخطيط فرح بالنهار .. من الألف للياء

لو قررت انك تعمل فرحك بالنهار، فأنا محتاج تمشي على خطوات محسوبة لكل شيء. وعلشان كده احنا عملناك تخطيط فرح بالنهار من الألف للياء علشان نوفر عليك مجهود وزحمة الأفكار.

نصائح عند تخطيط فرح بالنهار

اختيار الفرح بالنهار مش تقليد عربي وخلاص، لأ! بنختار تخطيط فرح بالنهار في حالة دراستنا لمميزاته وعيوبه. وعلشان ما نقعش في أخطاء يوم الفرح العتادة.

فلو ميعاد فرح في الفترة من الربيع لأول الصيف، أو آخر الصيف للخريف، فاختيار الفرح النهاري هيكون موفق جدًا. خصوصًا لو في مكان مفتوح. علشان كده افضل بعض نصائح عند تخطيط فرح بالنهار:

• اختار تاريخ الفرح بشكل كويس يتناسب مع الطقس، وظروف الضيوف ال هيحضروا الفرح من أماكن بعيد.
• مكان الفرح من اهم الحاجات ال لازم تتأنى في اختيارها. ان كان المكان مفتوح أو مغلق، واتأكد من سهولة الوصول لمكان الفرح وانه يكون عند نقطة معروفة. مع الحرص على الأمان علشان الأطفال الموجودين.

• تخطيط فرح بالنهار محتاج تحديد وقت بداية الفرح بعد ما تحط في الاعتبار وقت سيشن الفرح، وتصوير فيديو الترحيب. ممكن يبدأ الفرح بعد الضهر، بعد الانتهاء من التصوير.
• بعد اختيار المكان والوقت، اسأل اصحاب المكان عن كل شيء، عن البوفيه، والوقت ان كان محدد أو مفتوح. واسأل عن العروض المقدمة من الإدارة، ولو متواجد إمكانية نقل المعازيم.
• اتفق قبلها بوقت مع الفوتوجرافر على مكان وميعاد الفرح، واتأكد من وجوده قبل الفرح بوقت كويس علشان الصور ال هتتاخد.

خطوات تجهيز فرح بالنهار

الفرح هو اليوم ال بتحلم بيه كل بنت من صغرها، علشان كده لازم يكون متخططله كويس واقل الأخطاء بنسبة كبيرة. وهنا خطوات تجهيز فرح بالنهار:

اختيار مكان الفرح

في الوقت ال اخترت فيه الفرح يكون بالنهار، اتفتح قدامك اختيارات كتير لمكان الفرح، يعني ممكن تختار:

• قاعة مفتوحة مع ممر من الورد وترابيزات بسيطة بمفرش ابيض وورد بسيط على كل ترابيزة.
• حديقة مفتوحة متحاطة بالنباتات والمناظر الطبيعية، وممكن تكون قريبة من النيل. مع كوشة بسيطة بفكرة مبتكرة من اغصان الشجر، وكراسي متغلفة بالساتان مع وجود ترابيزات أو من غير.
• مكان واسع قريب من شط البحر، مع كوشة من الساتان والورود الملونة، وكراسي بديكور بسيط يتناسب مع الجو.

اختيار فستان الفرح

فستان ولوك العروسة هو أصل الحفلة لأنها ليلتها، علشان كده اختاري فستان مناسب مع الافراح النهارية، والمكان ال هتعملي فيه الفرح. وراجعي تجهيزات العروسة يوم الفرح علشان متنسيش حاجة.

في حالة كنتي هتختاري فرح قريب من البحر والرملة، فاختيار الفستان قصير وبسيط يسمح بالحركة سيكون أفضل. كمان الابتعاد عن ديل الفستان الطويل.

والفستان المناسب بشكل الجسم، والتصميم الكتاب مع الطقس لو هتختاري فساتين زفاف شتوية في حالة الفرح كان في الشتاء. أو هتختاري تصميمات فضفاضة تتناسب مع أجواء الصيف.

سيشن الفرح

تخطيط فرح بالنهار، لازم يكون بالتعاون بين العروسين والفوتوجرافر علشان تظبيط اللوكات ووضعيات التصوير.

ابدأي تصوير ريلز الفرح مع بداية التجهيزات للاحتفاظ بذكريات يومك كله. وكملي الصور قبل بدء الحفل علشان تكوني في كامل رونقك قبل فرهدة الفرح والرقص وبهدلة الميكب أو الفستان.

تجهيزات لوك العروسة

لو هنبدأ الفرح بعد الضهر، فهنبدأ في تجهيزات العروسة من قبل 9 الصبح تقريبًا. واختاري تسريحة شعر بسيطة وسهل علشان ما تاخدش وقت كبير من وقت التجهيزات. وكمان اختاري لوك الميكب المناسب قبل الفرح ليوم اختصارًا للوقت.

قائمة الطعام والمشروبات

تخطيط فرح بالنهار هيساعدك كتير في اختيار قائمة الطعام والمشروبات بتكلفة قليلة، ازاي؟!

• اختار قالب كيك بسيط من دور واحد تكتفي بتقطيعه وقت الدخول.
• بوفيه من المقبلات والمعجنات الخفيفة مع قطع الجاتوه، والعصائر الطبيعية بدل المشروبات الغازية.
• ممكن تكتفي بتوزيعات بسيطة من الشيكولاتة والمعجنات لكل الضيوف.

استقبال الضيوف

اتأكد من إن مكان الفرح قريب وسهل الوصول ايه من اغلب الضيوف. وإن كان المكان غير معروف، اتفق مع باصات علشان الضيوف.

المصادر:

https://www.brides.com/unique-wedding-ideas-4845957