الشعر التالف: أسبابه .. وطرق العناية به

مشكلة الشعر التالف بتواجه بنات كتير بسبب استخدام منتجات مش متناسبة مع نوع الشعر، أو استخدام طرق علاجية بتضر الشعر وفروة الرأس أكتر. والصحة إن نعرف سبب تلف الشعر، ونهتم بالعناية بشعرنا، ونتعلم استخدام المنتجات بالطريقة الصحيحة وبعد كده نعالج المشاكل بطرق سليمة.

الشعر التالف من الحاجات المزعجة بشكل كبيرة لكل عروسة، وكل بنت او سيدة في العموم. وده لأن الشعر تاج المرأة ومن أولويات اهتمامها ال ممكن اخلص عليها ميزانية الشهر، لكنه مش احسن حاجة في الآخر.

أسباب الشعر التالف

أسباب تلف الشعر ممكن تكون غير متوقعة بالنسبة لك، خصوصًا لو بتهتمي بشعرك بشكل دوري. والاهتمام ده في حد ذاته ممكن يكون واحد من أسباب الشعر التالف. تعالي نعرف ازاي:

غسل الشعر

غسل الشعر طبعًا من خطوات روتين العناية بالشعر، لكن الإفراط في غسيل شعرك بيكون سبب رئيسي في الشعر التالف، خصوصًا لو بتستخدمي شامبو مش مناسب مع نوع شعرك.

فلو شعرك دهني ودايمًا فروة راسك بتفرز زيوت، مفيش مشكلة انك تغسلي الشعر كل يوم لكن من غير الشامبو، ويقتصر استخدام شامبو الشعر الدهني 3 مرات في الأسبوع اكتر حاجة.

وفي حالة كان شعرك من النوع الجاف، فزيادة غسله يتسبب تلفه فورًا، لأنه بيحتاج الغسيل مرة واحدة في الأسبوع باستخدام الشامبو المناسب الشعر الجاف. وبيكون شامبو غني بالمرطبات علشان يعوض زيوت فروة الرأس المفقودة. وطبعًا استخدام بلسم أو زيوت مرطبة بعد الحمام بيكون ضروري جدًا في حالة الشعر الجاف، لتفادي جفافه اكتر.

الحرارة وتجفيف الشعر

استخدام السشوار في تجفيف الشعر، أو تعريض الشعر الحرارة العالية زي استخدام المكواة في تمليس الشعر، اوتجعيده.

ده من أسباب الشعر التالف، خصوصًا اختيار درجات الحرارة العالية. أو الاستخدام المفرط والخاطئ. كمان تجفيف الشعر بالفوطة وفرك الشعر بفوة بعد الاستحمام، أو الغسيل بيتسبب في تلف الشعر وتكسيره وتقصيفه.

وتقدري تقللي من الضرر ده بالطبطبة على الشعر بنعومة بالفوطة، أو أنك تلفيه بالفوطة لغاية ما ينشف ويكون رطب. و بالنسبة لاستخدام الحرارة والاجهزة، ممكن تقليل استخدامها وتخلي شعرك يتنفس لو مرة واحدة في الأسبوع.

ويفضل انك تستخدمي المكواة السيراميك، واحرصي على تطبيق زيت او بخاخ قبل المكواة أو السشوار الساخن لحماية شعرك من الحرارة العالية.

معالجة الشعر

في الفترة الأخيرة انتشرت جدًا معالجة الشعر بالبروتين، والكيراتين، وغيره. وكل دي حاجات بتدمر الشعر، وتتسبب في تلفه حتى لو حسيتي بتغيير جذري في شعرك بعد استخدام الجلسات دي، إلا إن النتيجة النهائية هتكون تلف في الشعر كله وتساقط رهيب.

كمان الإفراط في استخدام الصبغات وتلوين الشعر المسمر يسبب التهابات في فروة الرأس، وبالتالي يتلف الشعر.تقدري تستغني عن علاجات الشعر بالمكواة مرة في الاسبوع، أو لفي طاقية للشعر، أو جعديه بعمل ضفيرة والبكرة الفلين، وغير طرق كتير لاستايلات متضرش بشعرك.

النظام الغذائي

الريجيم القاسي، أو اتباع النظام الغذائي الغير متوازن بيأثر بشكل كبير على صحة الشعر. وده لأن افتقاد النظام الغذائي لعناصر معينة بيتسبب في تكسير الشعر وتلفه. ومن أهم العناصر الغذائية المساعدة في صحة الشعر زي؛ الحديد والزنك، وحمض الفوليك، ومضادات الاكسدة.

علاج الشعر التالف في البيت

علاج الشعر التالف في البيت بيكون من خلال اتباع روتين صحي للشعر، وتجنب الاسباب ال ممكن تزيد من مشاكل الشعر زي:

تغيير روتين الشعر التالف

ممكن تلحقي عن مشكلة تلف الشعر وتحاولي تغييريها، زي أنك مش عارفة نوع شعرك وبالتالي مش عارفة تستخدمي المنتجات المناسبة ليه. أو بتستخدميهم بطريقة غير صحيحة.

أولًا اعملي اختبار لشعرك علشان تعرفي مسامية الشعر ونوعه، وعليها تقدري تختاري المنتجات المناسبة من زيوت ثقيلة، أو خفيفة، ومن شامبو غني بالمرطبات أو شامبو يساعد على تنظيف الفرقة بعمق.

استخدمي شامبو مناسب، وبلسم الشعر بعد استخدام الشامبو، وحمام كريم مرتين في الأسبوع علشان تعويض الزبون والعناصر المفقودة من الشعر. خصوصًا في الطقس الحار والجاف. واتخلصي من الاطراف المقصفة مرة كل 3 شهور مع تسريحة الشعر بفرشاة واسعة، واتجنبي شد الشعر.

تقليل الاجهاد والضغط النفسية

كتير جدًا بيتسبب الاجهاد والضغط النفسية في تلف الشعر، علشان كده بينصح انك تقللي التفكير الزايد والاجهاد النفسية القليل فرص تلف الشعر وتساقطه. وتقدري تستعيني بالصلاة وقراءة القرءان، والخروج مع اصحابك، أو زيارة أماكن هادية وتغيير الالوان الغير مريحة للاعصاب.

نظام غذائي الشعر التالف

الاكل بيأثر بشكل مباشر على الصحة العامة للجسم وبيكون من اسباب تساقط الشعر، علشان كده ضروري اتباع نظام غذائي الشعر التالف ونجمع فيه كل العناصر الغذائية المهمة.

وفي الوقت ال بتفقدي فيه كمية كبيرة من شعرك، أو بتعاني من تقصف وضعف الشعر، تقدري تزودي نظامك الغذائي لعناصر زي البيوتين، والبروتين، وأوميجا 3، والحديد، والزنك زي:

• الكبدة.
• سمك السلمون والأسماك الدهنية.
• المكسرات.
• الافوكادو.
• البيض.
• منتجات الألبان.
• الحبوب والبقوليات.
• الخضروات الورقية.
• الفواكه الحمضية.
• اللحوم.
• الشوكولاتة الغامقة.

نصائح لشعر صحي

علشان تتمتعي يشعر صحي وتقللي من التساقط والتقصف، جهزنا قائمة بنصائح لشعر صحي وفروة صحي:

• استخدمي منتجات الشعر المناسبة لنوع شعرك.
• استخدمي الشامبو 3 مرات في الأسبوع فقط كحد أقصر الشعر الدهني والعادي. ومرة واحدة الشعر الجاف.
• جففي شعرك بلطف في الفوطة، أو عرضيه للهواء يجففه.
• اتجنبي استخدام الحرارة على شعرك لفترة طويلة، أو أيام متتالية.
• اعتمدي تسريحات غير محدودة لتجنب ضعف الشعر وتكسيره.
• ابتعدي عن الوجبات الجاهزة، واهتمي بنظامك غذائي فيه خضروات وفواكه وبروتين.
• تجنبي علاجات الشعر الكيميائية.

المصادر:

https://www.medicalnewstoday.com/articles/325026#treatment

https://www.healthline.com/health/hair-breakage