الحمام المغربي للعرائس | 5 ميزات و 6 عيوب

كتير بنسمع عن الحمام المغربي للعرائس، وما بين ميزات وعيوب الناس بتخوفنا منها، بنحتار هل هو خطوة مفيدة للعروسة يوم فرحها ولا ممكن تعملها مشاكل. هنعرف من خلال المقال ده أهم ميزات وعيوب الحمام المغربي.

إيه هو الحمام المغربي للعرائس؟

الحمام المغربي هو أحد تقاليد الثقافة المغربية القديمة لتنظيف البشرة وإزالة الجلد الميت والسموم منها، وليه فوايده الجمالية والصحية لجسمك.وهو عبارة عن مجموعة من أساليب التنظيف للجسم والتنشيط للدورة الدموية بمكونات طبيعية وأدوات مُخصصة.

مكونات الحمام المغربي:

• الطمي المغربي: وده غني بالمعادن علشان يُغذي بشرة جسمك وكمان يُنقيها.
• الصابون المغربي: وده بيكون مصنوع من زيت الزيتون، وهو أساسي لتقشير البشرة وتنظيفها.
• الليفة المغربية: ودي بتكون أداة خشنة علشان تستخدميها مع الصابون المغربي لتقشير الجسم بفاعلية.
• زيت أركان: وده لترطيب جسمك بعد التقشير.
• ماء ورد: لترطيب جسمك برائحة منعشة.

بيتم استعمال الأدوات دي وفقاً لخطوات معينة في مراكز ال Spa. وعلى الرغم من إنك ممكن تعمليها في بيتك، لكن بننصحك بتوخي الحذر لأن الحمام المغربي بيعتمد على الجلوس في البخار واللي ممكن يعرضك للاختناق بدون ما تحسي خصوصاُ لو جميع منافذ الهواء مقفولة لتجميع البخار. علشان كده نوصي بعمله في المراكز المتخصصة مع توخي الحذر أيضاً.

أعرفي أكتر: 4 طرق لعلاج جلد الوزة.. تعرفي عليها!

إيه هي فوائد الحمام المغربي؟

لو انتي عروسة، فالحمام المغربي ممكن يقدملك الفوائد دي:

• بيعمل تنظيف عميق لجسمك من خلال إزالة الجلد الميت وإعطاء جسمك النعومة واللمعان.
• البخار المُستخدم بيساعد على فتح مسام جسمك وإزالة السموم منها.
• التدليك بالمكونات الطبيعية للجسم يعزز تدفق الدم وبالتالي ينشط الدورة الدمورية، وده بيعطي نظارة لجسمك.
• بيعمل ترطيب الجسم باستخدام مكونات طبيعية زي الصابون المغربي والطمي.
• الإحساس بالاسترخاء وتخفيف التوتر.

إيه هي عيوب الحمام المغربي؟

على الرغم من الميزات السابق ذكرها، لكن فيه بعض العيوب اللي لا يمكن تجاهلها خصوصاً ليكي يوم فرحك:

1- تهييج البشرة: الحمام المغربي ممكن يُسبب ليكي تهييج لبشرتك في حالة استخدام الليفة المغربية بقوة أو لمدة طويلة. لذلك بننصحك باستخدامها بحركات لطيفة وتجنبي الفرك بقوة خصوصاً لو بشرتك حساسة.

2- جفاف البشرة: استخدام الصابون المغربي بشكل مفرط أو تعريض جسمك للبخار لمدة طويلة ممكن يسبب فقدان الزيوت الطبيعية من بشرتك وبالتالي جفافها. في الحالة دي لازم ترطبي جسمك كويس بزيت الأركان أو المرطب المُفضل ليكي.

3- مخاطر الجلوس في بخار الماء: أثناء الحمام المغربي بيتم جلوسك في البخار الكثيف لفترات طويلة، وده ممكن يسبب ليكي الدوار، وعلاوة على ذلك ممكن يحصلك الاختناق، خصوصاً الأشخاص اللي بيعانوا من مشاكل في الجهاز التنفسي. لذلك حاولي تقللي فترة جلوسك في البخار واتركي أحد منافذ الهواء، وتَجنبي الحمام المغربي لو عندك مشاكل تنفسية أو ممكن تتعبي.

4- نقل العدوى: إذا تم استخدام نفس الأدوات أو الليفة لأكثر من شخص بدون تعقيم، مًمكن يحصل انتقال للجراثيم أو العدوى الفطرية من شخص للتاني. علشان كده حاولي تستخدمي أدواتك الخاصة حتى في مركز ال Spa ، أو اتأكدي من إن الأدوات المُستخدمة عندهم لكل عميل جديدة.

5- الحساسية من الأدوات: بعض الناس ممكن يعانوا من حساسية تجاه الصابون المغربي أو الطمي المغربي. علشان كده جربي المنتج على منطقة صغيرة من الجلد قبل استخدامه على كامل جسمك.

6- الاستنزاف الجسدي: جسمك مُمكن يفقد سوائل وتحسي بالتعب نتيجة للجلوس لمدة طويلة في البخار والحرارة،. وعلشان كده اهتمي بشرب الماء قبل وبعد الحمام المغربي لتعويض المفقود، وبلاش تعملي الحمام المغربي في نفس يوم الفرح.

وأخيراً، زي أي منتجات وأدوات ممكن تكون ليها تأثير ايجابي وبعض السلبيات لاستخدامها، لذلك قيمي مدى احتياجك للحمام المغربي للعرائس، والفوايد اللي ممكن تجنيها منه مع أخذ الاحتياطات اللازمة لتجنب أي سلبيات.

الاسئلة الشائعة:

اعرفي أكتر: مكياج العروسة | أخطاء شائعة تجنبيها للحفاظ عليه .

اعرفي المزيد من نصائح العروسة يوم الفرح من فريق مجلة ايجي ويدنج