الثقة في النفس عنوان كل عروسة.. لازم تكتشفيها

أهم حاجة بتلفت نظر الناس في العروسة وقت الفرح وقبله وبعده هي الثقة في النفس اللي بتكون عندها.. وعلشان تكوني واثقة في نفسك أكتر لازم تكوني مهتمة بنفسك وبنضافة جسمك. 

حنقولك على شوية نصايح اعمليها وحتفرق معاكي!

١- خدي شاور يوميا خصوصا في الصيف

الشاور مهم جدا خصوصا مع نزولك يوميا تقريبا عشان تخلصي مشاوير الشقة والفرح، ولو احنا في الصيف لازم تهتمي بالموضوع دة بشكل كبير علشان تبقى ريحتك دايما حلوة، واستخدمي شاور چيل بتحبيه، ودة حيديكي انتعاش جدا. 

٢- إزالة الشعر..سر الثقة في النفس!

إزالة اشعر من الأمور اللي مفيش كلام عليها، ولازم تهتمي بيها مش علشان فرحك قرب بس، علشان دة حيخلي صحتك أحسن لأنك بتمنعى الالتهابات والحكة بشكل كبير وخصوصا في الأماكن الحساسة. 

استخدمي أي طريقة بس المهم تكون طريقة مناسبة مع نوع بشرتك. 

٣- اهتمي بنظافة أسنانك.. حتديكي ثقة في النفس عالية!

نضافة الأسنان مش رفاهية دي ضروري لأنها بتقلل من المشكلات اللي بتحصل في الفم على سبيل المثال قرح الفم.

استخدمي نوع معجون أسنانك مناسب لطبيعة اللثة خصوصا لو حساسة، واستخدمي غسول للفم لو حسيتي أن فيه التهاب أو مشكلة. 

٤- بلاش تستخدمي غسول نسائي من نفسك! 

طلع فترة ناس بتتكلم عن أهمية استخدام الغسول النسائي. ودي كارثة ستات وبنات كتيرة بتقع فيها، ودة لأن الغسولات دي بتغير من طبيعة منطقة البكيني، ودة حيسببلك التهابات وحكة ممكن تتعالجي منها فترات طويلة.

والأحسن تستخدمي بيتادين غسول مهبلي في حالة وجود التهابات وتحت إشراف الطبيب أو الصيدلي. 

٥- شيلي الفوط اليومية من قاموسك! 

الفوط اليومية ما هي إلا بيئة خصبة لنمو البكتريا وحدوث التهابات للجلد ومشاكل في المنطقة دي مش حتخلصي منها. 

الأفضل أنك تغيري كل شوية الملابس الداخلية لو لاحظتي وجود إفرازات كتير، وتكون ملابس قطنية. 

٦- شكل ضوافرك ..عنوان الثقة في النفس!

اهتمي بضوافرك وخصوصا لو بتتكسر أو لونها بيتغير وعالجيها واعرفي سبب المشكلة، ولازم كمان تهذبي شكلها بمعنى متخليهاش تطول أوي وتسيبي شكلها كدة لأنها مش بتجذب الانتباه بشكل كبير. 

ولو محتاجة حاجة كويسة لضوافرك من الصيدلية استخدمي محلول اسمه Nail 15 وحتلاحظي الفرق بعد وقت قصير!

٧- استخدمي اسكراب لجسمك كل أسبوعين

اسكراب الجسم ضروري لإزالة الجلد الميت وتنشيط الدورة الدموية مع تدليك الجسم، والأفضل تستخدميه على فترات متباعدة علشان مترهقيش بشرتك. 

٨- خللي كعب رجلك منور دايما! 

كعب الرجل من الحاجات اللي لازم تهتمي بيها لأنه بينشف بشكل مستمر خصوصا في الشتا مع جفاف الجو، والحل هو استخدام اسكراب كويس له على سبيل المثال اسكراب شركة ايڤا Eva مع استخدام حجر خفاف. 

٩- غيري الفوط الصحية باستمرار

لو عندك الدورة الشهرية اهتمي بتغيير الفوط الصحية كل شوية علشان تقللي وجود البكتريا على سطح الفوط دي، وحاولي تستخدمي أنواع خالية من العطور لتقليل فرصة حدوث أي التهابات. 

١٠-  الحمام المغربي.. من أهم خطوات الثقة في النفس

حاولي تعملي حمام مغربي بشكل دوري زي الاسكراب ودة حيديكي نتيجة مبهرة لو استمريتي عليه فترة، وحتلاحظي إشراقة ونعومة من خطوة سهل جدا تتعمل وأنتي أعدة في البيت. 

١١- اهتمي بترطيب شعرك!

شعرك زي بشرتك لازم تديه اهتمام خاص، وتغسليه كل يومين مثلا لو احنا في الصيف، واستخدمي حمام كريم أو حمام زيت لزيادة نعومته ولمعانه، وحتلاحظي أن ثقتك في نفسك بقت عالية بعد الخطوة دي. 

١٢- اعرفي بشرتك وشعرك عايزينك تهتمي بيهم ازاي!

مع اختلاف أنواع بشرتنا وشعرنا، ومع كتر المنتجات الموجودة في السوق المصري حاولي تثبتي على المنتجات اللي حستيها مناسبة معاكي، ومتعديش تكرري كل فترة قريبة منتجات مختلفة. 

اقرأ أيضا: ما هي فوائد الزواج؟

اقرأ أيضا: حقائق علمية لازم تعرفيها عن التهابات شهر العسل.