أماكن بيع الرخام بأسعار أقل من المعارض

يعتبر الرخام من أهم المواد الأساسية في التصميم الداخلي، سواء للبيت أو مكان تجاري أو أي أغراض تنظيم. فلو بتدوروا على أماكن بيع الرخام في مصر هنساعدكم تعرفوا أهم أماكن بيع وتفصيل وكمان أهم نصائح لشراء رخام جودته عالية وسعره مناسب.

أكبر أماكن بيع رخام جملة في مصر

لو هتستخدوا الرخام بشكل مكثف في الشقة يعني زي أرضيات أو جدران فأكيد هتحتاجوا أماكن بيع رخام جملة بحيث تشتروا أكبر كمية بأقل سعر.

أكبر مركز بيع جملة “شق التعبان”

أكبر مكان مخصص لبيع الرخام في مصر هو شق التعبان، وهي مركز تقطيع وصناعة وتوزيع رخام مشهورة محليًا وإقليميًا. خاصة وإنها بتوفر كل الاحتياجات سواء كانت محلية أو مستوردة، وبأسعار أقل من نصف السعر بالمعارض.

أنواع وأسعار الرخام

في شق التعبان تتوفر كل أنواع الرخام تقريبًا، بأسعار تبدأ من 200 جنيه للمتر وحتى 800 دا للرخام المصري. أما الرخام المستورد فأسعاره متفاوته جدًا لإن السعر بيبدأ من 800 جنيه للمتر وممكن يتجاوز 3000 جنيه للمتر الواحد حسب جودة الرخام وقوته ونقاؤه.

وطبعًا لو هنحتاج كميات يبقى أكيد دا المكان المناسب للشراء. أما لو الاحتياج محدود لرخام المطبخ مثلًا أو من 10 ل 20 متر فالأفضل شراءه من المعارض المتخصصة ولكن في أسواق الرخام زي المتوفرة في حلوان ومدينة بدر لأنها هتقدم سعر أقل كتير من المعارض.

أماكن بيع الرخام بأسعار متوسطة “معارض البيع”

لو مش عايزين تتعبوا في الشراء من أسواق الجملة وبتحبوا الشراء من المعارض الجاهزة فأفضل مكانين مناسبين هما المهندسين والمعادي، لأن فيهم عدد كبير جدًا متخصص في بيع الرخام تقدروا تكتبوا كلمة معارض رخام في بحث الخرائط وهيظهر معاكم عدد كبير جدًا. والمهم إن المعارض دي بتوفر مزايا كتير:

• هتلاقوا أنواع كتير من الرخام المحلي والمستورد بكل الأنواع والألوان.
• أسعار الرخام متوسطة تبدأ من 350 تقريبًا للمتر وتصل لـ 1000 جنيه للمصري والمستورد فئة ثانية. أما المستورد فئة أولى فسعر المتر بيوصل لـ 4 آلاف جنيه.
• تجربة الشراء في المعارض مميزة لإنها بتعرض أشكال الرخام بشكل واضح يساعد المشتري على تخيل شكل الرخام بعد تركيبه.
• وطبعًا بيقدموا استشارات لمساعدتكم في اختيار الأنواع المناسبة ليكم، وبيهتموا بآرائكم وتقييماتكم بعد الشراء.

أماكن بيع وتفصيل الرخام

طبيعي اختيار الرخام بيتوقف على الاحتياج الشخصي، يعني للمساحة وللغرض في المكان. سواء سُمك الرخام أو طوله أو صلابته، وأحيانًا بيكون صعب تلاقوا احتياجكم في المعارض وأماكن بيع الرخام، لكن هتلاقوا احتياجكم بسهولة في الأماكن المختصة بتفصيل وتقطيع الرخام. وفي أماكن متخصصة بالفعل في مدينة بدر وحلوان:

• بتقدم أنواع كتير من الرخام وبمقاسات خاصة حسب الطلب.
• أسعار مناسبة جدًا خاصة في شراء كميات كبيرة.
• بتنفذ نفس التصميم المطلوب وفي المدة المحددة.

أماكن بيع الرخام بأسعار منخفضة

هنا هنركز على أماكن المعارض الكبيرة اللي بتقدم تخفيضات على الرخام خاصة في أوقات المعارض المحلية للرخام. ودي موجودة في السوق الصيني في العبور، والمعارض المحلية في الإسكندرية، ومعارض مدينة نصر.

الخصومات بتبدأ من 20% على الأنواع المستوردة والمحلية، وخاصة الرخام الصيني والمصري. يعني سعر المتر هيبدأ تقريبًا من 250 جنيه أو أقل شوية.

ولكن نركز جدًا عند الشراء وفحص الرخام لإن أكيد بعض المعارض ممكن تبيع رخام فيه عيوب مش واضحة. وطبعًا مش دي بس أماكن بيع الرخام في مصر لإن في كل محافظة أماكن كتير، ولكن دي الأماكن الأشهر والأقل سعرًا. يعني لو من محافظة بعيدة عن القاهرة الكبرى ولكن محتاجين كميات كبيرة من الرخام فالأفضل شراءه من أسواق الجملة أو أماكن التفصيل.

اقرأ أيضًا: استخدام الرخام في الديكور وتحويل البيت لتحفة فنية.

اقرأ أيضًا: تصاميم مطابخ مفتوحة على الصالة.