أفكار لأفراح الأوبن إير … تيمات تقدروا تستخدموها في أي وقت

أفكار لأفراح الأوبن إير هتحتاجوها لو كنتم هتتجوزوا في الربيع أو الصيف أو الخريف؛ لإن غالباً ممكن تفكروا في التوقيتات دي إنكم تعملوا فرحكم في الهواء الطلق.

وفي العادة ممكن تبقى الطبيعة المحيطة بيكم في المكان هي الديكور الأساسي للفرح، خصوصاً لو هتعملوا الفرح في مكان له مظهر خلاب.

لكن ده مش معناه إنكم متخلوش مظهر المكان يلهمكم بتفاصيل إضافية تساعدكم في اختيار تيمة الفرح أو استايل اليوم.

وفي الحقيقة من الطبيعي إن يكون أجواء المكان وموقع الفرح هم أول حاجة تلجأوا لهم وانتم بتخططوا لفرحكم.

وده لإن البيئة الطبيعية اللي حواليكم هتلهمكم في اختيار ألوان الديكورات والفستان والبدلة واكسسواراتهم.

ولو محتاجين إلهام أكتر؛ فاحنا هنا في المقال ده هنحاول نقدم لكم شوية من الأفكار اللي تقدر تساعدكم.

فتابعوا معانا المقال.

أفكار لأفراح الأوبن إير الصحراوية:

لو بتفكروا تعملوا فرحكم في منتزه جبلي صحراوي؛ فده هيكون خيار مميز ومختلف وممتع، والصحرا بحد ذاتها هتشكل خلفية خلابة لفرحكم.

ولما تختاروا انكم تعملوا فرحكم في الهواء الطلق في الصحرا تقدروا تستلهموا من جمال المكان الطبيعي وانتم بتضيفوا التفاصيل التانية الخاصة بديكورات الفرح.

لكن نصيحتنا في النقطة دي إنكم تفضلوا محافظين على البساطة، وده عشان متشتتوش انتباهكم وانتباه الضيوف عن الأجواء الطبيعية المحيطة في المكان.

فتقدروا مثلاً إنكم تعتمدوا في الديكورات والتفاصيل التانية على الألوان المستوحاة من المكان.

زي الألوان الترابية اللي منها البني الغامق والرمادي الترابي والأخضر المايل للرمادي مع اللون الأصفر اللي هيكونوا ممتزجين بشكل طبيعي جداً مع محيط المكان.

وكمان تقدروا تستخدموا الألوان المستوحاة من غروب الشمس زي درجات البنفسجي والأزرق؛ فدي هتبقى خيارات إضافية تدي أجواء خلابة للمكان.

أما بالنسبة لديكورات النباتات والزهور اللي ممكن تضيفوها للمكان وتستخدموها في زينة الترابيزات والاستقبال.

فممكن تستخدموا عشب البامباس والنباتات العصارية زي الصبار ونبات القرون الطويلة، وممكن كمان تستخدموا زخارف الشراشيب والمكرمية في التزيين.

وتقدروا برضه تحطوا بعض الديكورات من قطع النحاس في أماكن مختلفة على حسب نوع القطعة والديكور المستخدمة فيه.

فرح فخم في الهواء الطلق:

لو كان خياركم إنكم تعملوا فرحكم في حديقة قصر فخم مثلاً أو في فندق كبير ولكن في المنطقة المفتوحة منه.

فانتم هنا محتاجين أفكار لأفراح الأوبن إير الكلاسيكية الأنيقة، ودي تقدروا تستخدموا فيها الطابع الأوروبي.

اختاروا ديكور كلاسيكي بسيط يعكس أناقة المكان، وأكتر الألوان اللي هتكون مناسبة للأجواء دي هي الأبيض والبيج.

أما لو حابين تضيفوا معاها ألوان مميزة؛ فتقدروا تختاروا ألوان الباستيل الهادية.

ودي زي الوردي الفاتح أو الأزرق الباهت الألوان دي هتضيف بُعد جميل على ألوان الفرح من غير ما تبان غريبة وسط الأجواء.

ولو الألوان دي متناسبتش مع ذوقكم؛ فتقدروا تستخدموا ألوان الأبيض والأسود اللي عمرها ما هتكون مش مناسبة لو اتحطت وسط أي ديكور.

أما بالنسبة لقطع الديكور نفسها اللي تقدروا تستخدموها في فرحكم عشان تدوه أجواء فخمة في الهواء الطلق.

فتقدروا تستخدموا المفروشات الفاخرة والأباجورات الشيك وكراسي القطيفة وطاولات تقديم الأكل الطويلة.

كل دي تفاصيل هتضيف أجواء ملكية على فرحكم، وكمان تقدروا تصمموا خيمة مخصوص لتقديم الأكل.

أفكار لأفراح الأوبن إير على البحر:

أما لو هتعملوا فرحكم على شط البحر في منطقة ساحلية فتقدروا تختاروا حاجات كتير تناسب أجواء المرح اللي هيضيفها المكان.

وبالنسبة للألوان فالألوان الجريئة والملفتة للنظر هتكون أكتر الألوان المناسبة للأجواء المرحة دي، زي الفوشيا والفيروزي والأخضر.

الألوان دي هتضيف أجواء حيوية على الفرح، وتقدروا برضه تستلهموا ألوان من أجواء البحر الاستوائية.

ودي زي الأصفر الأنانسي والوردي الجريب فروت والبرتقالي الخوخي عشان تخلق أجواء مبهجة وحيوية في المكان.

أما بالنسبة لديكورات الفرح نفسه؛ فتقدروا تستخدموا فيها الصدف والقواقع واليفط الخشب القديمة اللي بتوحي بإرشادات الشواطئ.

وكمان تقدروا تستخدوا الشموع الطويلة المدببة تزينوا بيها الترابيزات المختلفة، وتقدروا تستخدموا زهور الأوركيدا أو نباتات النخيل الصغيرة في التزيين.

فرح في أجواء ريفية:

ممكن يبقى اقتراح إنكم تعملوا فرحكم في وسط الريف اقتراح مختلف ومميز خصوصاً لو مكنتوش من سكان الريف؛ فهتكون تجربة مختلفة ليكم.

طبعاً هيبقى صعب إنكم تعملوا فرح ريفي طبق الأصل من اللي بيعملوه الفلاحين فعلاً.

لكن ممكن تستثمروا الأجواء دي في أفكار لأفراح الأوبن إير في الريف، واللي هتكون مناسبة لفرح صغير بيضم الأهل والأصحاب بس.

وده عشان تستمتعوا بأجواء ريفية هادية ومريحة؛ فتقدروا تستخدموا فيها طاولات خشبية بسيطة مكشوفة ومفارش بسيطة.

والألوان المناسبة للمكان عادة هتكون الألوان المحايدة، لكن برضه تقدروا تختاروا ألوان جريئة وزاهية.

ودي زي الأصفر اللموني والوردي الفاقع والبرتقالي والأزرق واللي هتضيف لمسة من المرح والبساطة على الفرح.

وفي نهاية المقال نتمنى إننا نكون قدمنا لكم أفكار لأفراح الأوبن إير تكون مفيدة ليكم وتقدروا تستخدموها في فرحكم.

ونتمنى لكم فرح سعيد مليان بهجة ويكون بداية جديدة لحياة زوجية أبدية مليانة حب وفرح.