مكياج العروسة | أخطاء شائعة تجنبيها للحفاظ عليه .

بنقدملك مجموعة من الأخطاء الشائعة اللي ممكن تؤثر بالسلب على مكياج العروسة، تجنبيها لإطلالة أفضل.

1- تجنبي اهمال العناية ببشرتك قبل الزفاف:

الاهتمام ببشرتك قبل الزفاف عامل أساسي في نجاح مكياج العروسة وإبراز جمالك. لو بشرتك فيها مشكلات أو مفتقدة لنضارتها، خصوصاً مع اجهاد تجهيزات الزفاف، ده ممكن يؤثر بشكل سلبي على نتايج المكياج.

لذلك يُنصح بزيارة دكتور الجلدية لمعالجة أي مشكلات في بشرتك قبل الزفاف بِشُهور، وده علشان تقدري تتابعي معاه من خلال الوصفات أو العلاجات أو الجلسات، وتقدري توصلي لبشرة نقية ومشرقة قبل الفرح

اعرفي أكتر: ازاى تهتمي بنقاء ونضارة البشرة قبل الفرح؟

2- اهمال التوافق مع ال Makeup Artist:

كلنا وقت الاتفاق مع ال Makeup Artist بنركز في خطط الأسعار والميزات ومدى الإبداع في اظهار جمال العروسة، لكن بنهمل عامل التوافق مع ال Makeup Artist.

اختيارك لشخص تقدري تتفاهمي معاه، ويفهم زوقك ورغبتك، ويخلي ساعات المكياج الطويلة ساعات مرح وانسجام هو أمر مهم لأي عروسة.

3- اتباع الموضة أو الترند لمكياج العروسة بشكل أعمى:

كتير من العرايس بتُقع في خطأ مجاراة الترند والموضة بدون الانتباه لما يناسبها. وأوقات بيكون الترند رائج وجرئ لكنه لا يناسب إطلالة عروسة. احرصي إن مكياجك يكون انعكاس لشخصيتك الفريدة، وبما يليق بمناسبة زي الزفاف.

4- تجريب لوك جديد تماماً لمكياج العروسة:

عرايس كتير مش بتكون عارفه الفرق بين الرغبة في التميز و خوض تجارب جديدة في المكياج أو الإطلالة. وده لأن حفل الزفاف مش الوقت المناسب للتجريب. لو كنتي غير معتادة على استخدام الألوان الفاقعة، يُفضل إن ما يكون الفرح هو يوم تجريبها الأول على وشك والظهور بيها، احرصي على التميز لكن في حدود اللي إنتي متأكدة من كونه مناسب ليكي. ده هيديكي ثقة أكبر ويُجنبك المخاطرة.

5- المغالاة في اللوك:

وظيفة المكياج اظهار جمال مَلامحك بما يناسب إطلالتك، والمغالاة في مكياج العروسة لدرجة اخفاء الملامح هو أمر سلبي على إطلالتك. مكياج الزفاف بيختلف عن المكياج العادي في إنه بيتطلب خطوات أكثر واحترافية أكبر، بالإضافة لخامات أكثر ثباتاً، مع الإبداع والدقة في اظهار جمال ملامحك، مش الإكثار في الكميات والألوان والطبقات.

6- تجاهل خبرة ال Makeup Artist:

تجاهل خبرة ونصايح ال Makeup artist عن الأنسب ليكي ولنوع المناسبة وطول ساعاتها هو خطأ شائع بتقع فيها عرايس كتير، افتكري دايما إن ال Makeup artist بيكون فاهم أكتر إيه المناسب لبشرتك و لإطلالتك. احرصي على اختيار Makeup artist محترف تقدري تثقي بيه، وكوني مُنفتحة على توصياته واقتراحاته.

7- تجاهل تأثير الإضاءة:

الإضاءة واختلافها عامل هام جداً في ظهور جمال مكياج العروسة، لذلك بينصح خبراء التجميل باختبار أو قياس تأثير الإضاءة على ظهور مكياج العروسة في بيئات مختلفة، سواء داخلياً أو خارجياً، لضمان الظهور الأمثل في الحالتين.

8- اهمال جودة خامات مكياج العروسة:

مش بالضروري الماركات الغالية، لكن تأكدي من إن ال Makeup artist بتستعمل خامات كويسة وآمنة على بشرتك، وتِكفل ليكي ثبات اللوك لأطول وقت. واسمعي لنصايح ال Makeup artist بخصوص الممارسات اللي ممكن تؤثر بالسلب على ثبات مكياجك بشكل كبير، زي طريقة التعامل مع المكياج و الوجه أثناء الفرح، والتعامل مع الدموع والحكة وغيرها. كمان اهتمي بفحص جودة وثبات مكياجك قبل التقاط الصور خصوصاً بعد الممارسات الخاطئة.

9- اهمال الاستعانة بال Makeup artist لإضفاء التعديلات:

لو لاحظتي تَغير في مكياجك نتيجة للمارسات الخاطئة أو لظروف الحفل أو حالة الجو، استعيني بال Makeup artist، وده علشان يطبق التعديلات بشكل صحيح ويحافظ على تناسق اللوك. اتفقي مع ال Makeup arist على البقاء معاكي لفترة بعد بدأ مراسم الحفل والتصوير. بعض خبراء التجميل بيكون ده خِيار مُتاح بالنسبة ليهم والبعض الآخر بيوفره كخيار مدفوع.

وأخيراً، مكياج العروسة هو من أهم عناصر الإطلالة المميزة ليها، والاهتمام بالتفاصيل السابقة بيساعد في ظهوره بشكل متناسق ومناسب وفريد.

اعرفي أكتر: ويدنج بلانر – 7 أسباب ليه ممكن تحتاجه لفرحك

اعرفي أكتر: قبل ليلة الزفاف | 5 نصائح إزاى تحافظي على مجوهراتك.

الأسئلة الشائعة: