آخر صيحات تورت الأفراح اتعرفوا عليها هنا
آخر صيحات تورت الأفراح هي من أهم الحجات اللي لازم تركزوا فيها قبل فرحكم عشان تختاروا التورتة اللي هتناسبكم وتناسب موضوع الفرح.
فتاني أهم فقرة في أي فرح هي قرة تقطيع التورتة، طبعاً بعد فقرة الرقصة السلو والقبلة الأولى بين العروسين.
وفي كل سنة المتخصصين في تصميم التورت ومحلات الحلويات البراندات الكبيرة بيطلقوا العنان لخيالهم.
وده عشان يبدعوا أنواع وتصميمات أكتر من التورت.
خصوصاً في مواسم الأفراح اللي بيكون الإقبال عليهم فيها أكبر من أي وقت تاني.
وفي المقال ده احنا حاولنا نجمع لكم أكبر عدد من التصميمات المختلفة الجديدة لتورتة الفرح.
وده عشان تقدروا تحددوا أي تصميم منهم ممكن يناسبكم أكتر وتقدروا تختاروه لتورتة فرحكم عشان تبان بمظهر يعبر عنكم.
فتابعوا معانا المقال.
آخر صيحات تورت الأفراح من الزهور المضغوطة:
عادة خباز التورتة ممكن يضيف عليها قطع الفاكهة التقليدية أو أشكال من عجينة السكر.
لكن دلوقتي كمان يقدر يزينها بزهور مضغوطة من كل الجوانب مش بس من فوق.
وده مش بس بيخلي مظهر التورتة مختلف ومميز، لكن كمان بيناسب أصحاب الذوق البسيط ومحبي الطبيعة.
وغير كدة كمان بيدي ألوان مختلفة للتورتة؛ فحتى لو كانت تورتة كريمة أو شوكولاتة أو أي نوع بيدي لون واحد، الزهور المضغوطة عليها هتديها ألوان مختلفة تزينها.
وكمان من مميزاتها إنها مناسبة لأي فرح في أي وقت من السنة، وتقدروا تطلبوا من بائع الزهور إنه يساعدكم في اختيار زهور معينة تناسب الوقت والأجواء اللي هتعملوا فيها فرحكم.
وبرضه بائع الزهور اللي هتشتروها منه يقدر يضغطها لكم وانتم عنده بحيث تكون جاهزة لتزيين التورتة على طول.
لكن افتكروا برضه ان فيه بعض أنواع الزهور مبتكونش مناسبة أو صحية في انها تضاف للأكل.
وفي النقطة دي تقدروا تستشيروا الخباز اللي هينفذ لكم التورتة، وتسألوه عن أنواع الزهور المناسبة اللي ممكن تضيفوها.
التورت الأدوار:
على الرغم من إننا بقينا في نص عشرينيات القرن الواحد والعشرين إلا إن آخر صيحات تورت الأفراح فيه بدأت ترجع لصيحات أوائل القرن العشرين.
وطبعاً كان من أشهر الصيحات في الفترة دي التورت الأدوار، اللي اختفت تدريجياً بعد كدة، وبقى بيحل محلها ان التورتة تكون طبقات مدهونة بالكريمة.
لكن دلوقتي هترجع تاني في إنها تكون طبقات منفصلة بأدوار متدرجة زي زمان، لكن اللي هيختلف هو شكل الأدوار دي.
زمان كانت التورتة الأدوار بتتحط في صواني أحجامها مختلفة من الأصغر فوق للأكبر تحت، والصواني دي مربوطة مع بعض بعمود نحاس.
دلوقتي هيبقى العمود ده بشكل أشيك عبارة عن متوازي مستطيلات من الباغ، يدي التورتة شكل أطول وأكتر بهجة.
ومتوازي المستطيلات ده اللي رابط أدوار التورتة ببعضها ممكن يفض فاضي بحيث يبقى كإنه مراية بتبين اللي وراه.
أو ممكن يتملي بزهور وورود ملائمة لبوكيه العروسة والورد المستخدم في الديكورات، أو يتحط بدالها فواكه موسمية تكمل البوفيه.
آخر صيحات تورت الأفراح واستخدامات عجينة السكر:
عادة كنا بنستخدم عجينة السكر في الأوقات الأخيرة عشان نضيف بيها أشكال مفضلة على التورت أو نستخدمها كإطار لصورة تتحط على التورتة.
لكن مؤخراً بقى ممكن كمان نعمل منها أشكال زهور وورود بتحاكي الأشكال الطبيعية ليها لكن بشكل أشهى وألذ.
وده بيخلي التورتة تاخد نفس الاستايل المعتمد في الديكورات وزهور بوكيه العروسة واكسسواراتها.
كمان الاستايل ده بيكون مناسب جداً للأفراح الأوبن اير والمعمولة في حدائق أو مناطق ريفية.
ومش بس كدة كمان تقدروا تستخدموا عجينة السكر في التزيين بطرق مختلفة زي إنكم تطلبوا من خباز التورتة إنه يدهن عجينة السكر بضربات فرشاة عشوائية.
ونتيجة الحركة دي إنها هتديكم مظهر ثلاثي الأبعاد لتورتتكم مشابه للوحات الفنانين الكبار في المتاحف.
وده هيبقى مظهر مناسب ليكم لو كنتم من محبي الفنون، وكمان مناسب لأجواء فرح كلاسيكي هادي.
وفي النهاية نتمنى إننا نكون قدمنا لكم آخر صيحات تورت الأفراح اللي تساعدكم في اختيار ستايل التورتة المناسبة ليكم.
ونتمنى إنكم تكونوا استفدتوا من المقال، وإنه يكون عنصر سعادة وراحة في يومكم المميز اللي هيكون بداية لحياة سعيدة أبدية ليكم مع بعض إن شاء الله.
هل محتوى المقال دة كان مفيد بالنسبة لك؟
نعم، مفيد!لا!
