ديكورات للفرح والبيت … أفكار ديكورات مختلفة
ديكورات للفرح والبيت ممكن يكون عنوان مش مفهوم أوي، إزاي هنستخدم ديكور الفرح في البيت؟!
بس الحقيقة إن فيه قطع ديكور كتير جداً من اللي بنستخدمها في الفرح نقدر نحتفظ بيها ونعيد استخدامها لديكور البيت.
الموضوع ده مش بس هيكون فيه نظرة موفرة لمحبي التوفير وعدم هدر الموارد.
لكن كمان معناه إنكم هتفضلوا محتفظين بأجواء فرحكم معاكم في بيتكم طول الوقت.
تخيلوا قطعة ديكور كل ما تبصوا لها مهما مرت السنين تفتكروا اللحظة اللي استخدمتوها فيها في فرحكم، وترجع لكم الذكريات من تاني.
وتخيلوا لما البيت كله حواليكم يكون مليان بقطع ديكور من النوع ده في كل أوضة؛ فمع كل مشكلة هتحصل بينكم هيبقى سهل انكم تفتكروا أول لحظة في حياتكم المشتركة لما قررتم تعيشوا مع بعض للأبد.
وده هيخليكم تفتكروا لحظاتكم الحلوة وتتجاوزوا أي خلاف أو خناق بسهولة، وانتم مش عايزين تضيعوا الذكريات الحلوة دي من إيدكم.
وعشان كدة احنا هنا في المقال ده هنجيب لكم شوية أفكار لقطع ديكور أو اكسسوارات تقدروا تستخدموها في أجواء فرحكم.
وكمان تقدروا تحتفظوا بيها بعد كدة كقطع ديكور لعشكم الجديد، وتعيش معاكم على طول.
فتابعوا معانا المقال.
ديكورات للفرح والبيت من شموع الفرح:
تقدروا تستخدموا الشموع كديكور في الفرح من خلال إنكم تحطوها على طاولة الاستقبال اللي عليها الويدنج بوك وصوركم الفوتوغرافية.
وكمان لو كنتم من محبي الزفات الكلاسيكية التقليدية بتاعة زمان؛ فممكن أطفال العيلة يمشوا حواليكم في الزفة بالشموع.
الشموع دي بقى بعد ما الفرح يخلص تقدروا تستخدموها كديكورات في عشكم الجديد، وعشان كدة تقدروا من الأول تختاروها شموع عطرية.
وبكدة هتوفر لكم أجواء استرخاء في البيت، وتساعدكم في إضافة أجواء رومانسية على لياليكم.
وحتى والشموع دي مش شغالة هتبقى جزء جمالي في ديكور البيت، وعشان كدة تقدروا تجيبوها ملونة بألوان تناسب ديكور الفرح وألوان ديكورات بيتكم كمان.
إطارات صوركم الفوتوغرافية:
طبعاً أكيد حطيتم صور ليكم على طاولة الاستقبال في الفرح، وممكن كمان تكونوا استخدمتوا صور تانية في أماكن مختلفة.
الصور دي بطبيعة الحال ديكورات للفرح والبيت لإنكم بعد ما تزينوا بيها جوانب الفرح تقدروا تاخدوها معاكم البيت.
وبالتالي توزوعوها في كل أوضة من أوض البيت تفكركم بأول يوم اتجوزوتوا فيه وبقيتوا فيه لبعض طول العمر.
ساعة رملية من ديكورات للفرح والبيت:
من الفقرات الرومانسية اللي ممكن تنفذوها في فرحكم انكم تملوا مع بعض ساعة رملية برمل ملون يعبر عن حبكم وعمق علاقتكم.
تقدروا تختاروا ألوان الرمل ده بان كل لون يعبر عن نوع مشاعر حابين تدوها تقدير أكبر في علاقتكم زي التعاطف أو الامتنان والتقدير.
كل واحد فيكم هيختار لون الرمل اللي بيفضله وتملوا مع بعض الساعة الرملية دي، وفي الآخر تاخدوها معاكم البيت.
ساعتها مش هتبقى مجرد قطعة ديكور تحتفظوا بيها في البيت وإنما رمز بيعبر عن لحظاتكم مع بعض وعمق علاقتكم.
وبكدة هتبقى ذكرى من فرحكم تخليكم متنسوش أبداً لحظة البداية اللي ابتدت منها علاقتكم وجوازكم وانكم لازم تحافظوا على سعادة اللحظة دي للأبد.
الاحتفاظ بزهور الفرح في بيتكم من ضمن ديكوراته:
لو هتستخدموا زهور طبيعية في فرحكم؛ فتقدروا تحتفظوا بيها وتستعملوها ديكورات للفرح والبيت.
وده عشان تقدروا تستمتعوا بيها لفترات أطول وتفضل ذكرى سعيدة من فرحكم ومتحسوش بتأنيب الضمير انكم دفعتوا فيها مبلغ كبير وبعدين اترمت بعد الفرح.
والزهور دي عادة بتستخدموها في تزيين القاعة ومدخل الزفة والكوشة وبوكيه العروسة نفسه ممكن يبقى من زهور طبيعية.
وتقدروا تحتفظوا بيها بعد الفرح بإنكم تجففوها أو تضغطوها، وفي حالة التجفيف فهتقدروا تحتفظوا بيها كبوكيهات ورد.
وبالتالي تقدروا تحطوها في الفازات في أوض البيت المختلفة وتبقى جزء من ديكور كل أوضة على حسب ألوانها.
أما في حالة الضغط؛ فتقدروا تستخدموها في أشكال مختلفة من الديكور، زي إنكم ممكن تدمجوها في الشمع المعطر.
الشمع ده عادة هتستخدموه في لياليكم الرومانسية وبالتالي هيبقى فيه ذكرى من فرحكم/ وحتى وانتم مش بتستخدموه.
فتوزيعه في أوضة النوم أو الليفينج روم هيدي مظهر شيك وسط الديكور، وكمان تقدروا تستخدموه في حالة الضغط دي بإنكم تزينوا بيه الحيطان أو قطع الأثاث وتلزقوه عليها.
وفي النهاية نتمنى إننا نكون قدرنا نفيدكم بأفكار تساعدكم في استغلال ديكورات للفرح والبيت عشان تحتفظوا بذكريات فرحكم معاكم في بيتكم للأبد.
ونتمنى لكم بداية حياة زوجية سعيدة تستمتعوا فيها بحب أبدي تعيشوه مع بعض طول العمر، وتفضل ذكريات فرحكم أحلى ذكرى لأحلى بداية في حياتكم.
هل محتوى المقال دة كان مفيد بالنسبة لك؟
نعم، مفيد!لا!
