أفكار سيشن خطوبة بدون تلامس
لو خطوبتك قربت، وعاوزة تعملي سيشن خرافي لكن بدون تلامس علشان العريس بالنسبة لك شخص غريب. يبقى أكيد هتلاقي أفكار وضعيات مناسبة جدًا في المقال ده عن أفكار سيشن خطوبة بدون تلامس.
أفكار مبتكرة لتصوير سيشن خطوبة بدون تلامس
كل يوم في عالم التصوير والفوتوسيشن بيحصل كتير، وبخصوص أفكار سيشن خطوبة بدون تلامس وأفكار تصوير فوتوسيشن غير تقليدية تعالوا نشوف الأفكار دي:
- التركيز على دبلة العريس والعروسة بأكتر من شوت، زي إنهم يمسكوا الدبلتين بين أصعابهم، وبوكيه الورد في الخلفية. أو إن يظهر تليفون أحد المدعوين وهو بيصور لقطة تلبيس الدبل مع تشويش على الخلفية.
- وضعيات دبلة الخطوبة على ايد العريس والعروسة والفستان اهر، او ضبط شوت خلفية الموبايل على شكل قلب بإيد اصحاب العروسة والدبلتين في الخلفية.
- تصوير وضعية جلوس العروسين مع إبراز الشبكة في إيدهم، مع تأثيرا ضوئية جذابة.
- وضعية العريس واقف بضهره، وفي نظرة للعروسة مع ابتسامة والعروسة تبص للكاميرا مع ابتسامة خفيفة.
- وضعية صورة في الحديقة أو ف مكان مفتوح، او بجانب درابزين السلم والعروسة تمسك الدرابزين، مع إطهار العريس بنظرة وابتسامة للعروسة.
- تصوير شوت للإعلان عن يوم الخطوبة زي إن العروسين يمسكوا يافطة مكتوب عليها التاريخ، واليوم.
- صورة للعرسان وهما ماسكين بوكيه الورد باتجاه الكاميا مع التشويش على صورتهم.
- صورة للعريس والعروسة مع منبه او ساعة للعد التنازلي عن لبس الدبلة.
أفكار تصوير المخطوبين بدون تلامس
في الخطوبة بيكون التركيز على ملامح الشبكة والارتباط المنحصر في الكوشة وبوكيه الورد، والدبل. لكن ممكن نفكر خارج الصندوق ويتم تصوير جزئ من سيشن الخطوبة في مكان مفتوح والجزء الآخر في مكان الحفلة.
- صورة للعروسة وهي واقفة أمام العريس ومدارية وشه بالبوكيه، أو تصميم علامة استفهام مع الدبلة.
- نظرات العريس والعروسة للفضاء في عبير منهم للأمل في حياة جديدة مع ابتسامة حالمة.
- شوت للعروسة وهي قاعدة على الأرض والعريس ميل عليها ومبتسمين للكاميرا.
- تصوير نظرات العروسة وابتسامتها ابريئة مع التشويش على صورة العريس. ويمكن عكس الصورة.
- تصوير بورتريه لكل من العريس والعروسة بشكل منفرد مع ابتسامة خفيفة لكل منهم.
- تصوير الأصدقاء مع العريس والعروسة زي ان اصحاب العروسة يمسكوها وأصحاب العريس يمسكوه ويظهر انهم بيبعدوهم عن بعض مع ضحك بشكل طبيعي.
ومتنساش غن اللقطات العفوية بيكون لها تأثير كبير وبتكون ذكريات جميلة، خصوصا وهي بداية حياة هتكمل للنهاية بإذن الله. علشان كده ممكن نهتم أكتر بوضعيات الصور العفوية بين العروسين زي:
- صورة للعروسين وهما بيجروا ورا بعض بشكل عفوي والتقاط الضحكات العفوية من الجانبين.
- ممكن تطلب من العروسين التصرف بطبيعتهم كأنهم في خروجة لوحدهم، ويتم التقاط اللقطات في أكتر من وضعية وبتكون أفكار جميلة وذكريات أجمل.
ممكن تصوير أصحاب العروسة والأهل في أكتر من صورة بشكل مميز، زي فرحة أصحاب العروسة بيها. أو أصحاب العروسين وهما عاملين ممر للعروسين وطبعا بدون تلامس بين العروسين.
وفيه فكرة جميلة والعروسين ظاهرين واصحابهم حواليهم لكن صورتهم مشوشة كأن الزمن وقف عند اللحظة ال بيرتبط بيها العروسين. كلها أفكار مختلفة لفوتوسيشن الفرح او الخطوبة.
بعد ما نزلنا أفكار سيشن خطوبة بدون تلامس تقدر تستغل كل تفصيلة في اليوم اللذيذ ده، وتحولها لصورة جميلة بداية من الترتيبات للحفلة، وشراء الفستان والبدلة. وحتى البوفيه ووقت تلبيس الدبل وغيرها. الإبداع مالوش حدود.
هل محتوى المقال دة كان مفيد بالنسبة لك؟
نعم، مفيد!لا!
