استغلال المساحات الضيقة .. أفكار مبتكرة

لو عريس وعروسة فرحكم قرب والشقة ال وقع عليها الاختيار صغيرة إلى حد ما. فلازم تدور على كيفية استغلال المساحات الضيقة بطرق غير تقليدية وأفكار مبتكرة هنقدمها في مقالنا النهاردة.

ممكن تفكر في اختيار ديكورات الشقة، والعفش من غرفة النوم لغرفة المعيشة أو الانتريه. وإيه الافضل والعملي وال مياخدش مساحة؟ انتريه ولا ركنة؟ وكمان شكل المطبخ والأرفف، وتصميم الحمام.

كيف يمكن استغلال مساحة غرفة نوم صغيرة

في شقة صغيرة اكيد غرف النوم هتكون صغيرة علشان كده تعالى اقولك كيف يمكن استغلال مساحة غرفة نوم صغيرة لشخصين:

اختار مكونات مودرن وبسيطة لغرفة النوم، زي سرير مودرن تستغل أسفل السرير لتصميم ادراج مخفية يمكن وضع البطاطين والألحفة وخيارات السرير داخلها. مع ادراج صغيرة لوضع الشرابات وغيرها من الملابس.

اختيار مراية تلتصق على الجدار لتوفير مساحة المراية وأدراجها. مع وضع ارفف على الجدران بشكل تدريجي لوضع البرفانات والميكب وفرش الشعر وما إلى ذلك. كما يمكن أن تفيد في وضع الديكورات والتحف.

اختار دولاب مودرن بباب جرار بمساحة مناسبة مع الجدار بجانب السرير أو أمامه. وابعد عن الدولاب بأبواب مفتوحة للخارج لتوفير المساحة. أو دولاب مفتوح بتصميم الدريسينج رووم.

اختار لون غامق لجدار واحد في الغرفة وليكن الجدار خلف السرير وادمجه مع لون فاتح في الثلاث جدران الباقية. وده هيعطي مساحة وشكل واسع للغرفة الضيقة.

استغلال المساحات الضيقة في المطبخ الصغير

المطابخ الصغيرة منتشرة جدًا خصوصًا لو في شقة في مدينة زي القاهرة أو المدن غير الريف. علشان كده محتاجين نعرف حيّل استغلال المساحات الضيقة في المطبخ الصغير. وازاي اتفادى الكركبة ال بتحصل في المطابخ الصغيرة والضيقة.

اختاري تصميم مفتوح لمطبخ أمريكي لو أمكن لأنه هيوفر في مساحة المطبخ، ويعطيكي احساس بالوسع والبراح. وإن مكانش ممكن اختاري تصميم مطبخ الوميتال بسيط من غير زحمة على حسب المساحة المتوفر عندك.

وعلشان التهوية مهمة جدًا في المطابخ الصغيرة بالذات، فلازم تتأكد من وضع شفاط جداري بفتحة مناسبة في المطبخ وتحته شباك للتهوية.

وانتي كعروسة اختاري القطع المهمة والعملية اكتر في المطابخ الصغيرة زي البوتاجاز المسطح ال هيوفر معاكي في المساحة، وفي اختيارات كتيرة بأسعار متفاوتة من شركات ممتازة. والفرن built in أو الفرن المعلق هيكون أفضل في حالة المطابخ الضيقة. واختاري بين الفرن أو الميكرويف متجيبيش الاتنين.

في حالة المطبخ الأمريكي، تقدري تستخدمي الرخامة لتقديم الاكل والمشروبات بديل لترابيزة المطبخ. كمان ممكن توفر في مساحة اكسسوارات المطبخ زي طقم التوزيع مثلا، والاجهزة البسيطة زي الخلاط وسخان الشاي.

وفي المطبخ التقليدي تقدري تستغلي مساحات زي إن تصميم الادراج يكون بشكل طولي ويتم تقسيمه انه ياخد حاجات أكتر. والثلاجة في حالة كان لها مكان ميأثرش على مساحة المطبخ ممكن تضيفيها بعيد عن البوتاجاز طبعًا.

وإن مكانش ممكن نختار غرفة قريبة من المطبخ ونحطها هناك، ونستفيد من استغلال مساحة الشقة الصغيرة بطرق فنية وابتكارية.

الغسالة اختاريها اتوماتيك في حالة المطابخ الضيقة لأنها هتاخد من مساحة المطبخ هي وسبت الغسيل أثناء غسيل الملابس. وتقدري تحطي الغسالة الاوتوماتيك في الحمام مع الحفاظ عليها تكون بعيدة عن الماية وده هنتكلم عليه تحت.

استغلال المساحات الضيقة في حمام صغير

في حالة الحمام كان صغير الحجم، يبقى الshower room هتكون أفضل من البانيو كمان علشان الأبواب تكون عازل للماية ال ممكن توصل للغسالة الاوتوماتيك وتسببلها بروما.

اختاري ألوان بلاط فاتح يعطي وسع ف المساحة ويكون سهل التنظيف. وطبعًا التهوية مهمة جدًا في الحمام فلازم يكون فيه شفاط على الحائط مع شباك لتهوية كويسة.

وفي النهاية تقدري تختاري الحاجات الأساسية فقط والعملية زي الركنة مثلًا عملية وبتاخد مكان أقل من الانتريه أو الصالون. كمان متاح أن يتواجد جنبها سفرة صغيرة 6 كراسي أو 4 للأكل بدون نيش لأن مالوش لازمة وتكلفة في الفاضي. اتعلمي ازاي استغلال المساحات الضيقة بفن.

https://www.realhomes.com/design/small-bathroom-shower-ideas

https://www.idealhome.co.uk/kitchen/kitchen-advice/galley-kitchen-ideas-181969