ألوان ديكورات الصيف للأفراح اتعرفوا عليها هنا

ألوان ديكورات الصيف للأفراح حاجة مهم تعرفوها لو بتخططوا لجوازكم في الفترة الصيفية ما بين مايو وسبتمبر.

وأكتر حاجة مميزة في اختيار الألوان دي إنها بتكون مستوحاة من الأيام الصيفية المشمسة، وأجواءه المريحة، ودرجات حرارته الدافية.

وأكتر الألوان اللي بتكون مناسبة لحفلات الأفراح الصيفية هي الألوان الزاهية ومليانة حياة.

والألوان الزاهية والجريئة دي بتضيف لمسة من الحيوية على أجواء الفرح ككل، زي الوردي الفوشيا الساطع والأصفر المبهج والبرتقالي الجريء والأزرق الفاتح المنعش.

ده غير إنكم تقدروا تدخلوا معاها الألوان الباستيلية الهادية الرومانسية والألوان المحايدة العصرية زي الأخضر المريمي والرمادي الداكن أو الطيني والبنفسجي الباهت.

وكمان الموسم الصيفي وقت مناسب أوي عشان ندمج الألوان الترابية في الديكورات، وده لإن أغلب الأفراح في الوقت ده بتتعمل أوبن إير في أماكن خارجية.

ودي زي الجناين والشواطئ والمناطق الجبلية؛ فهتكون الألوان الترابية متناسقة جداً مع المنظر الطبيعي المحيط بالمكان.

ده غير الألوان الخالدة اللي بتعبر طول الوقت عن الألوان الصيفية زي الأزرق الداكن والوردي الخوخي والبنفسجي والأصفر الزبدة الباهت.

وعموماً القاعدة الأساسية في اختيار الألوان لديكور أي فرح إنها تعكس بطريقة خفية جماليات وروح الموسم اللي بتعملوا فيه فرحكم.

وفي المقال ده هنحاول نقدم لكم أفكار في دمج شوية من الألوان الصيفية دي مع بعضها في الديكورات واكسسوارات الفرح.

وده عشان تقدروا تختاروا أكتر تشكيلة تناسبكم وتليق على ذوقكم وتعتمدوها في فرحكم؛ فتابعوا معانا المقال.

ألوان ديكورات الصيف للأفراح بقوس قزح:

لو عاوزين تدمجوا أكتر من لون مع بعض في ديكوراتكم واكسسواراتكم اللي هتستخدموها في فرحكم.

ففي الحالة دي تقدروا تختاروا لوحة الألوان اللي هتعمدوا عليها بألوان قوس قزح، وده هيخليكم تعملوا مزيج من الألوان الباستيلية.

واللي هي زي الفيروزي والبرتقالي والوردي الفاتح والبنفسجي، والألوان دي هتضيف على أجواء الفرح حالة من المرح والبهجة.

البرتقالي والأزرق:

لو عاوزين تدمجوا لونين زي البرتقالي والخوخي، ممكن تشوفوا إن ده صعب ومش هيكونوا لايقين مع بعض.

لكن لو ضفتوا لهم درجات من الألوان الكلاسيكية التانية زي الأزرق الهادي والوردي الفاتح، هيخلي مظهرهم مختلف تماماً.

فالألوان دي في النهاية هتجسد مع بعضها وبتداخلها مع بعض كل درجات غروب الشمس الصيفية الدافية الجميلة.

ألوان ديكورات الصيف للأفراح من درجات البنفسجي:

على الرغم من إن اللون البنفسجي عادة بيعتبر من الألوان التقليدية لأفراح موسم الخريف، إلا إنه في الواقع اختيار ممتاز برضه لأفراح الموسم الصيفي.

وتقدروا تخلوه مناسب فعلاً للأجواء الصيفية بإنكم تنسقوه مع درجات مختلفة تانية من نفس اللون زي الخوخي الفاتح.

وكمان مع اللون اللي مبيخيبش أبداً مع أي لون يدخل عليه، وهو الأبيض، وبكدة الألوان دي مع بعضها هتضيف إشراقة عامة على مظهر الألوان ككل في الديكورات اللي اخترتوها لفرحكم.

الألوان المستوحاة من الحمضيات:

على الرغم من إن عادة الشتا هو موسم فواكه الحمضيات زي الليمون والبرتقال واليوسفي والجريب فروت وغيرهم.

إلا إن في الحقيقة الفواكه دي ألوانها هي أكتر الألوان المناسبة مع الأجواء الصيفية، عشان كدة تقدروا تختاروا ألوان ديكورات الصيف للأفراح بدمجها مع بعض.

والألوان دي زي الوردي والأصفر والبرتقالي، واللي هتضيف لمسة مميزة على فرحكم، وده لإنها زاهية وساحرة ومبهجة.

عشان كدة هي اختيار ممتاز لو عاوزين أجواء احتفالية تدوم طول الليل، ومظهرها هيبقى أحلى أكتر لما يبقى معاها لون زي الدهبي المعدني.

واللون ده تقدروا تدخلوه وتستخدموه في أدوات المائدة اللي هي الملاعق والشوك والسكاكين اللي هتكون محطوطة على الترابيزات مثلاً.

كمان تقدروا تدخلوا معاها لمسات طبيعية من الخشب اللي هيكون موجود بطبيعة الحال في الترابيزات والكراسي، وكمان الجلد اللي ممكن تستخدموه كمفارش على الترابيزات.

ألوان ديكورات الصيف للأفراح بدمج الأخضر والأبيض والنحاسي:

دمج الأخضر والأبيض والنحاسي مع بعض يعتبروا من أكتر الألوان المتنوعة ومختلفة وفي نفس الوقت بتتناغم مع بعضها.

وبيكون مظهرها في النهاية عصري وبسيط وبيناسب كل الأذواق، وبيضيف لمسة من البساطة على المكان.

الوردي الباهت مع الأزرق الترابي:

سواء كنتم عايزين لفرحكم إطلالة ريفية أنيقة أو مظهر كلاسيكي عصري، فاللونين الوردي والأزرق هم دايماً مزيج مثالي.

وبتتميز الألوان دي إنها خفيفة ومريحة وسهل تدخل في كل جزء تقريباً من تفاصيل اليوم.

سواء كان فساتين وصيفات العروسة وصحابها أو مكياجهم أو تنسيقات الورد سواء بوكيه العروسة أو الورد اللي هتستخدموه في الديكورات.

وحتى تفاصيل المفارش والديكورات المستخدمة في الفرح وأدوات المائدة وأي عنصر تزييني صغير عليها.

وفي نهاية المقال نتمنى إننا نكون قدمنا لكم أفكار مختلفة تقدروا تستخدموها وانتم بتختاروا ألوان ديكورات الصيف للأفراح.

ونتمنى لكم فرح سعيد كل حاجة فيه تطلع مظبوطة ويكون بداية مبهجة لحياتكم الزوجية الجديدة مع بعض اللي تدوم للأبد.