أفكار لهدايا العريس من صحابه المقربين

أفكار لهدايا العريس ممكن يبقى شيء محير لصحابه، ممكن متبقوش عارفين تختاروا له ايه؟

ده غير إن زحمة تجهيزات الفرح ومستلزماته وسحلتكم مع صاحبكم مش مخلياكم عارفين تفكروا في حاجة تانية أو تاخدوا قرار معين.

فطبعاً هتكونوا مسحولين في التخطيط لحفلات الشباب الأخيرة لتوديع العزوبية وتساعدوه في اختيار اللي هيلبسه وتفاصيل الاكسسوارات.

وهتكونوا موجودين معاه لآخر لحظة وهو بيستلم عروسته من باباها وتحتفلوا معاه باللحظة دي طول الفرح.

بس قبل ما توصلوا للحظة دي ممكن تفاجأوه بهدايا ممتعة تحسسه قد ايه هو مهم عندكم وبفرحتكم بجوازه وانكم مهتمين بالحاجات اللي بيحبها.

ولو بتواجهوا مشكلة في اختياركم للهدية؛ فاحنا هنا عشان نساعدكم، وأهم نصيحة نقدر نديها لكم في الموضوع ده إنكم تختاروا هدايا متعلقة بحاجات هو بيحبها فعلاً.

فسواء كان من محبي الأنشطة الخارجية أو بيحب الطبيخ وتحضير الأكل وليه ميول فيه أو بيحب النباتات والزراعة.

وكذلك لو بيحب الأعمال اليدوية وبيبدع في صناعة الأدوات المنزلية أو عنده مزيج من كل ده أو غيره؛ فأكيد هتلاقوا حاجات بيحبها ويفضلها أكتر من غيرها.

وعشان كدة في المقال ده احنا هنشارك معاكم مجموعة من الهدايا المميزة اللي تقدروا تختاروها لصاحبكم كعريس مميز.

فتابعوا معانا المقال.

شنط جلد في أفكار لهدايا العريس:

لو صاحبكم من الرجالة اللي بيحبوا يشيلوا شنط يحطوا فيها حاجتهم وهم ماشيين في مشوارهم المختلفة.

أو برضه لو بيسافر كتير وبيحتاج شنط صغيرة معاه يشيل فيها متعلقاته الشخصية مثلاً أو أدوات العناية الشخصية الخاصة بيه.

وده عشان تبقى مفصولة لوحدها وقدامه على طول ميقعدش يدور عليها كتير وتتوه منه وسط شنط السفر الكبيرة.

فتقدروا تجيبوا له مجموعة من شنط الجلد الصغيرة بأحجام مختلفة تناسب احتياجاته المتغيرة.

وتقدروا تختاروها باللون اللي على ذوقه وبيحبه سواء بني أو أسود أو أحمر أو غيرهم على حسب تفضيله والمتوفر في السوق.

وكمان فيه أنواع من الشنط دي بتكون محفور عليها حرف واحد على اعتبار إنه يكون الحرف الأول من اسم الشخص.

فتقدروا تختاروا شنطة عليها أول حرف من اسمه، أو تطلبوا إنه يتحفر له مخصوص، وفي الحالة دي ممكن تطلبوا حفر الاسم كامل كمان.

وبكدة هتبقى هدية بلمسة شخصية مميزة تخليها تفضل ذكرى معاه للأبد واستحالة ينساها.

روب حمام فخم:

عريس جديد بقى وهيقضي وقت كتير الأيام الجاية في البيت وهيستحمى كتير، وعشان كدة هتكون من أفكار لهدايا العريس المميزة إنكم تجيبوا له روب حمام فخم.

وبكدة هتقدروا تساعدوه إنه يقضي وقته مع عروسته وهو في منتهى الأناقة والشياكة قدامها وفي نفس الوقت في راحة واسترخاء.

وطبعاً أفخم أنواع الروبات دي اللي بتكون مصنوعة بالكامل من القطن من غير ما يدخل فيها أي ألياف صناعية تانية.

وده بيساعد إن يكون ليها قوة امتصاص عالية تخليها تمص كل المية من على الجسم بعد الاستحمام عشان ينشف بسرعة.

وده يخليها مريحة أكتر لدرجة إن عريسكم مش هيبقى عايز يقلعها طول اليوم.

أفكار لهدايا العريس عبارة عن جزم مريحة من جلد الغزال:

طبعاً هتبقى هدية فاخرة جداً لو جبتوا له جزمة جلد طبيعي من جلد الغزال، وحتى لو كنتم ضد استخدام جلد الحيوانات في الحاجات دي أو كان سعرها أعلى من ميزانيتكم.

فتقدروا تستبدلوها بالجلد الصناعي وبرضه هتفضل هدية شيك وقيمة، وخصوصاً لو فرحه في الشتا؛ فهتبقى هدية مناسبة للموسم.

وممكن يستخدمها في فرحه نفسه أو في الاحتفالات السابقة أو اللاحقة عليه، خصوصاً إن النوع ده من الجزم عادة بيكون متوفر له بطانة فرو مريحة من جوة.

نباتات الزينة:

أما لو عريسكم من محبي النباتات ومهتم بزراعة أعشاب طبيعية يستخدمها في الأكل وبيحب منظر الخضرة الطبيعية حواليه.

فتقدروا تستثمروا ده في أفكار لهدايا العريس بإنكم تجيبوا له هدية فريدة من نوعها عبارة عن حديقة إلكترونية داخلية.

الهدية دي بتكون عبارة عن جهاز إلكتروني زراعي بيوفر أعشاب خضرة طازة طول السنة من خلال نظام زراعة وري إلكتروني.

فهي فيها إضاءة آلية وسماد عضوي وبتتظبط على إعدادات الري، وتشتغل بقى هي لوحدها طول السنة وتهتم بالنباتات اللي فيها.

وبكدة نكون وصلنا لنهاية المقال ونتمنى إننا نكون قدمنا لكم أفكار لهدايا العريس مفيدة ليكم تقدروا تستغلوها وتفرحوا صاحبكم بيها.

ونتمنى له بداية حياة زوجية سعيدة، وإنكم تستمتعوا كلكم بفرح جميل في النهاية يفضل ذكرى حلوة دايماً معاكم.