الاهتمام بالشعر قبل الفرح في 12 خطوة للعريس

من المهم اهتمام العريس بأناقته وشكله، والبداية بتكون من الاهتمام بالشعر ولمعانه وجماله. النهاردة حنقولك خطوات تعملها قبل الفرح ويوم الفرح أيضا.

الاهتمام بالشعر قبل الفرح

 1- عالج مشاكل شعرك أولا

في البداية لازم تبدأ تهتم بشعرك قبل الفرح ب 3 شهور على الأقل، وتبدأ تشوف ايه المشاكل اللي عندك، وبناءا عليه تحدد هل حتعالج نفسك ولا محتناج تروح لدكتور الجلدية؟

2- الاهتمام بالشعر يبدأ من معرفه طبيعته!

الشعر أنواع زي الجاف والدهني والهايش والناعم والخشن، وعلى حسب كل نوع لازم تعرف تتعامل معاه كويس وتستخدم المنتجات المناسبة معاه.

3- قشرة الشعر

لو عندك قشرة في شعرك عالجها باستخدام شامبوهات ضد القشرة سواء طبية أو تجميلية على سبيل المثال:

• Nizapex shampoo.
• Nizoral shampoo.
• Foltene anti-dandruff shampoo.

ومشكلة شامبو القشرة أنه بينشف الشعر، ولازم تستخدم مرطب قوي لشعرك، وهنقولك عليهم دلوقتي.

4- ترطيب الشعر

من الخطوات المهمة جدا للاهتمام بالشعر، ومع الترطيب المستمر هتلاقي شعرك بقى ناعم ولامع ومش محتاج لأي منتجات كتير تستخدمها عشان تحسن من مظهرك، والمنتجات دي زي:

• زيوت طبيعية على سبيل المثال: زيت الأرجان وزيت الجوجوبا.
• Biopoint marrow hair mask.
• L’oreal hair serum.

5- تساقط الشعر

مشكلة التساقط يعاني منها شباب كتير بسبب قلة التغذية أو مشكلة وراثية على سبيل المثال: الصلع الوراثي واللي بيتم علاجها بعدة طرق زي:

• استخدام منتجات للتساقط وجرعات استخدامها حسب حالتك وممكن تسأل الطبيب أو الصيدلي علشان تعرف الطريقة المناسبة لك في الاستخدام. فمثلا ممكن تستخدم:

1. Capixy vials.
2. Capixy hair cream.
3. Ecrinal ANP hair lotion for men.
4. Clary shampoo.

• زراعة الشعر لو الصلع بدأ يزيد بشكل أكبر من الأول.

6- الاهتمام بالشعر الأبيض

في بعض الأحيان في شباب بيكون شعرها أبيض وغالبا بيكون السبب وراثي، والحل هو عمل صبغة أو حنة للشعر بلون شعرك أو لون مختلف كستايل جديد ليك، والمهم أنك تستخدم منتجات جودتها عالية ومش بتسبب تساقط الشعر.

7- التغذية المناسبة

حاول تتناول أكل صحي وبيتي مليان بالفيتامينات والمعادن والألياف الطبيعية على سبيل المثال: الخضراوات والفواكه، وتناول البروتينات بشكل يومي ومنتظم.

8- الماء والاهتمام بالشعر

خللي شرب الماء هو روتين أساسي في يومك، وحاول تشرب من 2 -3 لتر يوميا، وحتلاحظ تحسن كبير في صحتك وشكل جسمك.

9- تناول الفيتامينات المناسبة

في حالة أن تغذيتك ضعيفة وغير كافية لجسمك ممكن تستعين بالمكملات الغذائية اللي بتساعد على الحفاظ على صحة شعرك على سبيل المثال:

• Hair tonic capsules.
• Limitless man max.
• Perfectil.
• Limitless omega 3 capsules.

الاهتمام بالشعر يوم الفرح

1- اختار قصة الشعر المناسبة لشكلك

حاول تختار قصة لشعرك مناسبة ليك ولايقة على ستايل بدلة الفرح، وحاول تستعين بموقع زي pinterest علشان تعرف الجديد في ستايلات الشعر يوم الفرح.

2- استشوار الشعر

ممكن تعمل مكواة للشعر أو استشوار حسب المناسب لستايل شعرك، ولكن خللي بالك لازم تستخدم اسبراى بيحمي الشعر من الحرارة، وحاول متخليش درجة حرارة الجهاز المستخدم مرتفعة، والأفضل تكون متوسطة.

3- اعمل ماسك مناسب لنوع شعرك

اعمل حمام زيت أو حمام كريم لترطيب شعرك قبل أي خطوة، ودة حيبين لمعان شعرك بقوة وحيديك ثقة أعلى في مظهرك واستايلك.

والنصيحة الأخيرة هي أن مش شرط أن يكون الاهتمام بالشعر للبنات والعرايس بس، ولكن لازم أنت كمان تهتم بمظهرك واستايلك؛ لأنه هيفرق معاك جدا نفسيا، وصحيا، وفي مظهرك بشكل كبير.

اقرأ أيضا: تنظيم حفل زفاف صغير بتكاليف أقل وجودة أعلى.