أسباب التهابات المهبل وعلاجها وتأثيرها على العلاقة الزوجية

أسباب التهابات المهبل كتير. ومعظمها معروف وليه علاج، لكن بالرغم من كدا بنهمل الالتهابات دي. ومش بنفكر نعالجها صح ونتعافى منها. غير لما بنقرب للجواز؛ ودا لأننا بنخاف أنها تأثر على العلاقة الزوجية، وتسبب مشاكل منقدرش نحلها، وعشان كدا هنعرض كل سبب لالتهاب المهبل، وكمان هنعرفكم طرق فعالة للعلاج. ونوضح ليكم تأثيرها على العلاقة الزوجية.

ما هي أسباب التهابات المهبل ؟

عشان نقدر نعالج التهابات المهبل لازم الأول نعرف الأسباب. لأن كل سبب ليه علاج واضح، وللأسف الأغلبية بتكون فاكرة أن الالتهاب نوع واحد بس، ودا بيسبب أخطاء وقت العلاج ليها تأثير سلبي جداً. عشان كدا ضروري نركز في الأسباب عشان نختار العلاج الصح، وأسباب التهابات المهبل هي:

١- التهابات العدوى البكتيرية

العدوى البكتيرية هي أشهر أسباب التهاب المهبل، وهي عبارة عن التهابات متوسطة الدرجة، ودي بتحصل بسبب اختلال توازن في نسبة البكتيريا الطبيعية داخل المهبل، ومع الوقت بتنمو ويزيد تأثيرها؛ عشان كدا لازم تتعالج بمجرد ظهورها.

٢-العدوى الفطرية (الكانديدا)

فطريات الكانديدا ممكن تسبب التهابات المهبل، ودي بتحصل بسبب خلل جوا المهبل. بتكون نتيجته فرط في نمو الفطريات الطبيعية، ومنها فطر الكانديدا سبب الالتهابات، وفرط النمو ده بيحصل بسبب ضعف المناعة. أو الإصابة بمرض السكري. أو الاستخدام المفرط للمضادات الحيوية.

٣-الأمراض المنقولة جنسياً

في بعض الأمراض ممكن تتنقل جنسياً، ومنها الكلاميديا، السيلان، أو داء المشعرات، ودي من مسببات التهاب المهبل، لكن مش هنقدر نتعرف عليها غير بتشخيص طبي؛ ودا لأنها بتحتاج تحاليل، والنوع دا من الأسباب مش منتشر لكن موجود، ومش خطير وسهل أنه يتعالج تحت إشراف طبي.

٤-التهاب المهبل التحسسية

الالتهاب التحسسي المهبلي من أنواع التهابات المهبل المنتشرة جداً. لدرجة أن الأطباء قالوا إن ليها تأثير في كل بيت، ودا بسبب العادات الصحية الغلط. ذي استخدام العطور، أو الاستحمام بصابون غير صحي، أو الاعتماد على أدوات عناية غير صحية، والنوع ده بيكون تأثيره بسيط، لكن لو استهترنا بيه بيسبب خطورة كبيرة.

٥-التهاب جفاف المهبل

جفاف المهبل مش من الأسباب المعروف أنها بتسبب الالتهابات، ودا لأنه مش منتشر. لكن عند بعض الحالات بيسبب تأثير بالغ، ودا لو صادف أنه حصل عند حالة بتعاني من التهابات جلدية. أو تحسس من الأملاح، وبيكون علاجه بسيط لو تم اكتشافه في بدايته.

التهابات المهبل..تعرفي على الأسباب والعلاج

أعراض التهابات المهبل

بعد ما عرفنا سبب التهابات المهبل. محتاجين نعرف بعض الأعراض؛ لأنه بمجرد ظهورها لازم نستشير طبيب، والأعراض هي الشعور برغبة متكررة في حك منطقة المهبل، وأننا نلاحظ زيادة في إفرازات المهبل، أو لونها يتغير عن الطبيعي، أو نلاحظ احمرار وورم بالمنطقة دي.

تأثير التهابات المهبل على العلاقة الزوجية

من الضروري أننا نتعامل مع التهابات المهبل؛ لأنها هتسبب مشاكل كتير في العلاقة الزوجية، ذي الألم الشديد بعد الجماع، وكمان انخفاض الرغبة الجنسية، وكمان هتسبب إزعاج للزوج، أو أنه يمتنع عن العلاقة عشان راحتك، وكمان العلاج بسيط جداً، فمش طبيعي أننا نهمل علاج الالتهابات.

التهابات المهبل

علاج التهابات المهبل

علاج التهاب المهبل بسيط، والميزة أن تأثيره سريع، وطبعاً كل علاج بيختلف حسب سبب الالتهاب، عشان كدا لازم نزور طبيب مختص، وبلاش نجرب علاج من المذكور إلا بعد استشارة طبيب، والعلاج هو مضادات فطريات مثل كلوتريمازول أو ميكونازول، وأقراص مثل فلوكونازول، ونصيحة نحاول نلبس ملابس قطنية مريحة.