أفضل وسيلة لمنع الحمل بعد الزواج 2025

عدد كبير من الأزواج بيكونوا في حيرة. ودا لأنهم قرروا تأخير قرار الإنجاب. لأسباب هم مقتنعين بيها، وقرارات متفقين عليها. لكن بتفضل الحيرة موجودة. لأنهم مش عارفين أفضل وسيلة لمنع الحمل بعد الزواج. والحقيقة أن وسائل منع الحمل كتير، وكل وسيلة ليها ظروف وتأثير. وفي المقال دا هنساعدكم تتخلصوا من الحيرة، وهنعرض ليكم أفضل وسيلة لمنع الحمل بعد الزواج، وكمان هنوضح ليكم معلومات عنها.

ما هي أفضل وسيلة لمنع الحمل بعد الزواج ؟

كتير مننا بيكون فاكر أن وسيلة منع الحمل بعد الزواج هي جهاز أو منتج معين. لكن الحقيقة أنها متوفر منها أنواع كتير وبصور مختلفة، ولكل نوع أو وسيلة استخدام. وكمان نسبة الأمان في استخدامهم مختلفة. وطبعاً بتختلف الأعراض الجانبية ليها، وعشان كدا هنوضحها ليكم بالتفاصيل في الفقرات الجاية.

الواقي الذكري.. ونصائح عند استخدامه

١-حبوب منع الحمل

الحبوب والعقاقير الطبية هي أشهر وسيلة لمنع الحمل بعد الزواج، وبيتوفر منها نوعين. حبوب مركبة بتحتوي على إستروجين وبروجسترون، وحبوب بتحتوي على بروجسترون بس، وتأثير حبوب منع الحمل هو منع الإباضة، وتغيير بطانة الرحم عشان تمنع انغراس البويضة المخصبة، وتخلي مخاط عنق الرحم أكثر سماكة، ودا بيصعب حركة الحيوانات المنوية.

٢- اللولب الرحمي IUD

لولب الرحم هو تاني أكثر وسيلة لمنع الحمل بعد الزواج شهرة، وهو عبارة عن جهاز حجمه صغير بيتم تركيبه في الرحم، وبيتوفر منه نوعين معترف بيهم طبياً. النوع الأول هو اللولب النحاسي، وده بيمنع الحمل بدون إفراز الهرمونات. أما النوع التاني فهو اللولب الهرموني، ودا بيمنع الحمل بإفراز الهرمونات، واللولب وسيلة طويلة المدى؛ لأنه بيمنع الحمل لمدة من خمس لعشر سنين، وبيكون ليه أعراض جانبية ذي النزيف المؤقت، وألم أسفل البطن. ولازم هنا نتابع مع طبيب مختص.

٣- الواقي الذكري والأنثوي

الواقي الذكري أو الأنثوي هو حاجز بيتم تركيبه بسهولة. ودا بيساهم في منع الحمل. لأنه بيمنع دخول الحيوانات المنوية للرحم. وكمان ليه فوائد طبية تانية. لأنه بيتم استخدامه للوقاية من الأمراض الجنسية، وميزة الواقي أنه وسيلة منع فورية، ومش بيعتمد على إطلاق الهرمونات. وكمان مش بيسبب أعراض جانبية، وهو وسيلة ممتازة لمنع الحمل فترة قصيرة.

التهابات المهبل..تعرفي على الأسباب والعلاج

٤- حقن منع الحمل

حقن منع الحمل هي وسيلة منع كويسة. لكن بتحتاج متابعة. لأنها بتتاخد في فترات محددة من شهر لتلات شهور. حسب تشخيص الطبيب، والحقن دي فعالة لمنع الحمل؛ ودا لأنها بتفرز هرمونات تأثر على الرحم، وتمنع عملية الإباضة، وهي وسيلة مناسبة لمنع الحمل فترة متوسطة. لكن ليها تأثير ملحوظ، ذي عدم انتظام الدورة الشهرية، وكمان تأخير استعادة الخصوبة. لمدة سنة مثلاً بعد التوقف عن استخدام الحقن. وبنأكد أن استخدام الحقن مش آمن، عشان كدا لازم تتم تحت إشراف طبي، ويكون في متابعة مستمرة.

٥- الغرسة تحت الجلد

الغرسة تحت الجلد هي طريقة بتمنع الحمل بعد الزواج لكن غير مشهورة. بالرغم من أنها فعالة جداً؛ لأنها بتفرز هرمونات تمنع التبويض، وكمان بتساعد في زيادة سمك الجدار، وبكدا يكون صعب أن الحيوانات المنوية تنجح في التخصيب، والوسيلة دي مناسبة لمنع الحمل من تلات سنوات لخمس سنوات، بيكون ليها تأثير في البداية ذي الصداع والنزيف المؤقت، وكمان التقلبات المزاجية الحادة، وطبعاً لازم تتم تحت إشراف طبي.

أقراص منع الحمل

هل استخدام وسائل منع الحمل بعد الزواج يسبب العقم ؟

كتير من الأزواج بيستغنوا عن خطة تأجيل الإنجاب. رغم حاجتهم ليها وتأثير القرار عليهم؛ ودا لأنهم بيخافوا من حدوث العقم لواحد منهم؛ بسبب تأثير وسائل منع الحمل، لكن حسب التقارير الطبية فدا صعب يحصل، وكل الوسائل المذكورة آمنة، وليها تأثير بينتهي في وقت محدد، لكن المهم أن يكون الاستخدام بحرص، وتحت إشراف طبي عشان نحافظ على سلامتنا.