فساتين سهرة لضيوف الخطوبة أفكار تساعدك في اختيار اللي يناسبك

فساتين سهرة لضيوف الخطوبة من أكتر الحاجات اللي بتحير أي واحدة بتتعزم في حفلة خطوبة حد من صحابها أو قرايبها هي سؤالها الدايم: طب هلبس ايه؟

واحنا هنا مش بنهتم بالعريس والعروسة بس، وإنما حتى ضيوف الحفلة لازم نساعدهم في اختياراتهم ونقدم لهم اقتراحات تناسبهم.

في النهاية الحفلة سواء كانت خطوبة أو فرح مش هتخرج بشكلها الجميل الرائع اللي كلنا عايزينه إلا لو كل حد فيها كان مظهره جميل ومرتاح خلالها.

وأكيد اللي هتلبسيه في حفلة خطوبة حد من معارفك أو قرايبك لازم يكون مثير وممتع.

ففي النهاية ده أول احتفال ليكي معاهم بعلاقتهم الرسمية وإنهم خلاص داخلين على جواز.

وعشان كدة فيه حاجات لازم تحطيها في اعتبارك وانت بتختاري فستانك، زي مكان الحفلة، ووقتها خلال اليوم بالنهار ولا بالليل.

ده غير موضوع الحفلة لو هم مقررين يختاروا موضوع معين واستايل معين.

فده أكيد هيأثر على شكل اختيارت المعازيم في هدومهم عشان تتوافق معاه.

وعلى الرغم من إن قواعد اللبس الرسمية بتفضل إنك تختاري فستان سهرة.

إلا إنك تقدري تختاري برضه إنك تلبسي فستان كاجوال شيك على ذوقك لو ده اللي بتفضليه.

وعادة الخيارات الكلاسيكية بتكون عبارة عن فستان أسود قصير، أو فستان ضيق شيك.

أو فستان صيفي كاجوال للحفلات النهارية والأوبن إير، بس احنا هنا في المقال ده ماكتفيناش بالخيارات الكلاسيكية المعتادة.

وقررنا نجمع لك كل الأفكار المتاحة اللي تقدري تختاري منها فساتين سهرة لضيوف الخطوبة اللي تناسب ذوقك.

فتابعي معانا المقال.

فستان ميدي مكشكش:

الفساتين المكشكشة هي موضة جداً في الفترة دي، وخصوصاً لما تكون على فستان ميدي بيظهر جمال رجلك مع الكشكشة.

وتقدري تختاريه يكون بقصة ضيقة تبرز جمالك مع طبعات من الزهور والورود بألوان مبهجة.

أو ممكن يكون فستان واسع وتبقى الكشكشة في منطقة الرقبة والصدر بدل ما تكون في نهايته عند الرجل.

وممكن يبقى مع أكمام منفوخة رقيقة، أو الأكمام دي تبقى كم واحد ويبقى فستان بكتف واحد.

وده هيكون مناسب جداً في فساتين سهرة لضيوف الخطوبة الأوبن إير، خصوصاً لو الحفلة كانت في أوقات الصيف أو الربيع.

وكذلك بداية الخريف، وفي أي وقت من النهار أو على شط البحر أو النيل.

فساتين سهرة لضيوف الخطوبة ملفوفة:

الفساتين الملفوفة معروفة بإنها بتناسب أي واحدة، وده لإن لفها حوالين جسمك بيخليكي تضيقيها وتوسعيها براحتك على حسب مقاسك.

وبالتالي متشيليش هم انها تطلع ضيقة أو انك تطخني عليها أو تخسي؛ فمتبقاش على مقاسك، مهما اتغير شكل جسمك تحت أي ظرف فستانك هيفضل لايق عليكي.

والجميل فيها إنك تقدري تختاري بين أشكال وألوان وأنواع أقمشة مختلفة، وحتى لو الحفلة في الشتاء؛ فتقدري تختاري فستان منها بقماش القطيفة الشيك اللي يدفيكي طول الحفلة.

فستان الترتر:

أي مقال هيتكلم عن فساتين سهرة لضيوف الخطوبة أو الفساتين اللي ممكن تحضري بيها أي مناسبات احتفالية بشكل عام مش هيقدر يتغاضى عن فستان الترتر.

مهما مرت السنين وجت موضات وراحت هيفضل الترتر متربع على عرش الاحتفالات، والفساتين الترتر بتتميز انها متاحة بأشكال وألوان مختلفة تقدري تختاري منها اللي يناسب ذوقك.

فتقدري مثلاً تختاري فستان قصير ضيق شيك بحمالات يبرز جمال جسمك، أو لو محجبة أو بتحبي الاحتشام فهتقدري تختاريه مقفل وبأكمام طويلة.

كمان تقدري تختاري اللون اللي يناسبك سواء دهبي أو فضي أو أسود، أو إنه يكون بألوان متدرجة بحيث يدي مظهر إنه من لونين مختلفين أو أكتر في نفس الوقت.

وممكن ميبقاش الفستان من الترتر بس ولكن كمان يدخل معاه في تطريزه الكريستالات والخرز اللي يدوله مظهر مبهر أكتر ويخليكي تخطفي الأنظار طول الحفلة.

فساتين سهرة لضيوف الخطوبة من الأورجانزا:

قماش الأورجانزا من القماش المناسب جداً لفساتين السهرات، ويمكن مبيكونش متاح إننا نقدر نلبسه كتير في الأوقات العادية.

فدي فرصة حلوة انك تستمتعي بشياكة وأناقة مظهر الأورجانزا على فستانك اللي هيزيد جمالك أضعاف.

وطبعاً ميزة الأورجانزا إنها بتوفر تطريزات جميلة على قماشها؛ فتقدري تختاري فستانك يكون مطرز بالزهور والورود الرقيقة.

وتقدري تختاريه بأكمام أو من غير، وإنه يكون برقبة وضهر مكشوف أو مقفل على حسب ذوقك وتفضيلاتك.

وفي نهاية المقال نتمنى إننا نكون قدمنا لكم أفكار تساعدكم في اختيار فساتين سهرة لضيوف الخطوبة تقضي على حيرتكم وتخليكم تظهروا بأجمل وأشيك مظهر.

ونتمنى لكم وقت سعيد في الحفلة وعقبالكم كلكم.