أفكار تصميم جلسة بلكونة مميزة ومريحة وعملية

تعتبر البلكونة من أكثر الأماكن المميزة في كل بيت، ومن أفضل طرق الاستمتاع بيها تصميم جلسة بلكونة مميزة بحيث تكون مكان لقضاء وقت لطيف في ليالي الصيف الحارة، أو نهار الشتاء لجلسات مريحة في الشمس.

دلوقتي هنساعدك تختاري تصميم جلسة بلكونة مميز يناسب مساحتك سواء صغيرة أو كبيرة. هنركز على تفاصيل كثيرة تساعدك على تصميم مساحة رايقة ومميزة وتناسب احتياجك.

إزاي تحددي تصميم جلسة بلكونة مناسب لاحتياجك؟

أم نقطة عند تصميم البلكونة إنك تحددي الغرض من استخدامها، وطبعًا دا تقدري تحدديه بناءً على احتياجك، يعني محتاجها مكان لراحة أو تستغليها في وظيفة عملية. من أغراض تصميم البلكونة على سبيل المثال:

• جلسة للمذاكرة أو العمل: ودي هتكون وظيفة عملية أكثر منها وظيفة للراحة، هيكون الاهتمام فيها بأثاث عملي ومناسب للشغل أو المذاكرة.
• جلسة شتوية: دي طبعًا التركيز فيها على كراسي قطنية أو فايبر بحيث تدي شعور بالدفا، ومعاها هنحتاج ستائر ثقيلة.
• جلسة صيفية: جلسة الروقان تمامًا، هتحتاج كراسي من أي نوع، مع إضاءات جانبية.
• منطقة زراعة: طبعًا نقدر نستغل البلكونة كلها أو جزء منها في زراعة نباتات وأعشاب أو حتى نباتات زينة.

إزاي تختاري الأثاث المناسب للبلكونة؟

طبيعي أثاث البلكونة هتحدديه بناءً على الغرض، وبما إنك المفروض حددتي الغرض فنختار الأثاث بناءً على احتياجنا.

أثاث لـ تصميم جلسة بلكونة للعمل

سواء كانت المساحة صغيرة أو كبيرة هتحتاجي إنك تركزي على أثاث عملي وخفيف، وسهل التخزين. ومن الخيارات المتاحة بوفرة في الأسواق على سبيل المثال:

• الكراسي البلاستيك أو الخشب القابلة للطي.
• الطاولات المُثبتة على الحائط وقابلة للطي والفتح.
• خامات مقاومة للعوامل الجوية سواء الحرارة الشديدة أو البرودة.
• ممكن استخدام خشب معالج أو حديد مطلي مقاوم للصدأ.
• اضافة أرفف خشبية للكتب أو التزيين.

أثاث لـ تصميم جلسة بلكونة مريحة

• استخدام ألوان دهانات فاتحة ومبهجة لتحسين شكل البلكونة.
• استخدمي خامات مريحة للكراسي سواء وسادات قطنية أو فايبر.
• لو المساحة كبيرة استخدمي كنب كبير ومريح، أو ركنة صغيرة.
• استخدمي طاولة وسط للمشروبات، وطاولة جانبية لنباتات الزينة.
• ضيفي على الأرضية طبقة من الفوم أو النجيلة الصناعية.

تزيين البلكونة بالنباتات

لو عايزة تكون البلكونة مكان أخضر مميز تقضي فيه وقت راحتك وفي نفس الوقت تستغلي كل ركن لزراعة النباتات ممكن تنفذي أفكار كثيرة، منها على سبيل المثال:

• تشتري أحواض زرع مستطيلة عشان متاخدش حيز كبير من البلكونة.
• ممكن تستخدمي أرفف مثبتة على الحائط وعليها أصص زرع صغيرة.
• في ركنيات مخصصة للزراعة في البلكونة بتكون جدار كامل من أحواض الزرع ودي مثالية لزراعة النباتات الورقية والأعشاب.

عند تصميم جلسة بلكونة خلي بالك

• خلي بالك من المساحة وحددي هتستغليها إزاي عشان ممكن تشتري أثاث وحاجات متكونش مناسبة للمساحة.
• خلي بالك من التكلفة، لإن ممكن تصميم جلسة بلكونة يحتاج تكلفة كبيرة جدًا لو ركزتي في شكل التصميم بدون حساب التكاليف.

وأخيرًا عند تصميم جلسة بلكونة مميزة متنسيش تنسيق الألوان بين لون الجدران والكراسي وحتى أحواض الزرع عشان تكون النتيجة النهائية مميزة.

اقرأ أيضًا: تصميم مطبخ صغير للمساحات الضيقة هياخد كل أدوات المطبخ.

اقرأ أيضًا: ديكورات مطبخ جديدة لتنظيمه وترتيبه.