أحدث تصاميم بوكيه الفرح لإطلالة مميزة

بوكيه الفرح مش مجرد مجموعة ورد تكمل إطلالتك يوم الفرح، هو فعلًا أهم لمسة هتعبر عن ذوقك وشخصيتك. فلو بتدوري على أحدث تصاميم بوكيه الفرح تكمل إطلالتك وتعبر عن ذوقك وشخصيتك في نفس الوقت هنقولك على تصاميم متنوعة وعصرية هتديكي إطلالة رائعة. كمان هنقولك إزاي تختاري البوكيه المناسب ليكي والأماكن اللي تقدري تشتريه منها. ومقترحات لتنسيق الاكسسوارات واختيارات تساعدك على الظهور بأحلى طلة تبهر كل اللي يشوفك.

إزاي تختاري تصاميم بوكيه الفرح المناسبة؟

أول حاجة هتحتاكي تركزي عليها إن البوكيه يتناسب مع الفستان، ودا تقدري تحدديه من خلال نقاط أساسية.

أولًا: لون بوكيه الورد

لو الفستان لونه أبيض هتحتاجي ورد ألوانه ناعمة زي الوردي أو الأبيض الكريمي. ولو الفستان أوف وايت أو مائل للكريمي يبقى تختاري ألوان قوية زي الأحمر الفاتح أو البنفسجي الفاتح.

ثانيًا: شكل البوكيه

لو الفستان بسيط جربي بوكيه كبير في ورود مختلفة بألوان قوية وناعمة في نفس الوقت. أما لو الفستان في تطريز وتفاصيل كتيرة هتحتاجي بوكيه ناعم جدًا بألوان هادية أو لون واحد.

ثالثًا: نوع الورود

أفضل حاجة إنك هتلاقي احتياجك متوفر في الورد الطبيعي أو الصناعي. كل الأماكن المتخصصة في بيع بوكيه العروسة بتوفر كل اللي تحتاجيه، تقدري تختاري ما بين الورد الجوري، أو التوليب، أو الأوركيد، أو الورد البلدي لوحده.

أماكن متميزة في تصاميم بوكيه الفرح

في القاهرة أو أي مكان تاني في مصر هتلاقي أماكن كتير جدًا متخصصة في تصميم بوكيه الورد للعروسة. هتلاقي احتياجاتك عندهم بسهولة، وعلى سبيل المثال من أشهر الأماكن في القاهرة:

• فلاور هاوس: في التجمع الخامس، وتقدري تطلبي منه البوكيه أون لاين. بيتميز بتصاميم دقيقة جدًا، وبيتابع أحدث التصاميم والتريندات بينفذها بكل دقة.
• فلوريستا: من أجمل أماكن ممكن تختاري منها بوكيه الفرح، لأنهم بيركزوا جدًا على نقاء الورود وجودتها.
• شارع الحسين: هناك تقدري تلاقي محلات كتير بتبيع بوكيه ورد صناعي جاهز، أو تختاري تصميم بنفسك.

تنسيق الاكسسوارات مع تصاميم بوكيه الفرح

لو اخترتي الاكسسوارات قبل البوكيه هتحتاجي تنسيقي البوكيه معاه أو العكس. المهم إن تكون كل مكملات فستانك متناسقة عشان تكون الطَّلة أحلى ما يمكن.

• على حسب حجم البوكيه وتصميم الفستان هتختاري التاج، يعني لو تصميم الفستان فخم وملكي هتحتاجي بوكيه رقيق وبسيط ومعاه تاج ملكي فخم. كدا كل التفاصيل هتكون واخدة حجمها المناسب في الظهور ومفيش حاجة هتغطي على التانية.
• الهيلز بشكل عام مش هتكون باينة إلا لو الفستان رقيق وبسيط وهنا هتحتاجي تكون الهيلز مطرزة أو فيها فصوص عشان تظهري أناقتها. وفي الحالة دي هتحتاجي تضيفي فصوص مماثلة لبوكيه الورد.
• إضافة بسيطة للدمج بين البوكيه والطرحة، إنك تضيفي في طرف من طرفي الطرحة فصوص رقيقة بلون الورد.

تصاميم بوكيه الفرح ممكن تنفذيها بنفسك

لو بتحبي الأعمال اليدوية وعايزة تنفذي بوكيه الفرح بنفسك ممكن تنفذيه بكل سهولة. لكن ضروري تكوني متعودة على الأعمال اليدوية لإن دا هيساعدك تخرجيه بشكل متميز.

• حددي التصميم اللي محتاجه تنفذيه سواء زهور طبيعية أو صناعية.
• اكتبي قائمة بالخامات الخاصة بالتصميم عشان يخرج بشكل نهائي متميز.
• حددي الأماكن اللي هتتوفر فيها الخامات بأفضل جودة عشان الجودة أهم عامل في تنفيذ التصميم.
• عند التنفيذ اختاري فيديو يوضحلك بدقة خطوات تجميع الخامات وصولًا للشكل النهائي للتصميم.

وبكدا هتكوني نفذتي مش بس أحدث تصاميم بوكيه الفرح بل هتكوني نفذتي أجمل وأهم حاجة هتكمل إطلالتك وتميز يومك.

اقرأ أيضًا: ديكورات تصوير بوكيه الورد للخطوبة أو الفرح.

اقرأ أيضًا: ديكورات تصوير لدبلة الفرح تقدروا تنفذوها بنفسكم بدون فوتوجرافر.