ديكورات رومانسية لغرف النوم

خلينا متفقين إن غرفة النوم هي الملاذ الآمن اللي بنرتاح فيه. وطبعًا وجود ديكورات رومانسية لغرف النوم ووجود إضاءات لطيفة هيخلينا نرتاح بشكل أفضل. خاصة لو عرسان وبيدوروا على ديكورات شقق عرسان مودرن فوجود الديكورات هيساعد على تجميل الشقق وتحسين شكلها.

عشان كدا هنقولكم على أفكار ديكورات كتير وأماكن بيعها وإزاي تعملوا ديكورات بأقل تكاليف.

أفكار ديكورات رومانسية لغرف النوم

خلينا متفقين إن في عناصر أساسية بتلعب دور كبير في تحسين شكل وهيئة غرف النوم. ودي كلها تعتبر ضمن الديكورات والمكملات للغرفة، فلازم نهتم بكل عنصر لوحده.

أولًا: الإضاءة

أي أفكار ديكورات رومانسية لغرف النوم هتلاقوا الإضاءة أهم عنصر فيها، سواء ديكورات خشبية للحوائط أو تصاميم في السقف أو غيره. كل دا الإضاءة عامل أساسي فيه، عشان كدا ضروري تستخدموا إضاءة خافتة بألوان هادية زي البرتقالي الفاتح أو الأصفر أو اللبني الفاتح. الألوان دي هتدي دفء للغرفة وهتساعد على الراحة والاسترخاء.

وهي جزء لا يتجزأ من الإضاءة ولكن توظيفها بشكل أساسي هيخلي المكان رومانسي أكثر. يعني مش هتبقى مجرد قطعة شمع فقط، لكن هنشوف أنواع شمع تستخدم في قطع ديكورية مناسبة. بحيث تفضل متواجدة في مكانها كأنها أباجورة.

ثانيًا: الستائر

وهنا منقصدش التركيز على الألوان والتصميم بقدر ما بنركز على الخامة. يعني لو عايزين خامة ثقيلة مفيش مشكلة لكن يكون عليها طبقة شفافة زي الشيفون أو التل. عشان لما نحتاج إضاءة ليلية مثالية نفتح الشباك مع الستائر هيدخل ضوء خفيف رهيب.

ثالثًا: الإضافات الأساسية

ودي بتتمثل في قطع الديكورات الأساسية لغرفة النوم. مثلًا الديكورات في السقف من الجبسمبورد أو الديكورات الخشبية على الحوائط. أو ديكورات خلف السرير أو التسريحة. ودي كلها ديكورات أساسية تقدروا تضيفوها بما يتناسب مع شكل الغرفة.

تنسيق ديكورات رومانسية لغرف النوم مع التصميم الداخلي

ضرورة تنسيق الديكور مع التصميم الداخلي مش مبالغة. بل بالعكس دا أساس بتقوم عليه باقي عناصر الشقة من أثاث وفرش وسجاد. عشان كدا ضروري نراعي تناسق العناصر الديكورية مع التصميم الداخلي والأوان المستخدمة في الغرفة.

يعني عند إضافة لمسات رومانسية من ديكورات نراعي فيها تصميم السرير ولونه وخامته.

ويتنسق معاهم اختيارات المفارش والوسادات إنها تكون برسوم هادية وألوان مناسبة. يعني لو التصميم المتبع كلاسيكي نراعي الألوان المناسبة. ولو عصري نراعي برضو الألوان والتصاميم المناسبة.

طبعًا وجود صور فوتوغرافية في الغرفة ضروري لكن بشكل قليل قدر الإمكان. زي تعليق صورة للفرح أو صورة مميزة للزوجين. ولو في مساحة في الغرفة ممكن نضيف جلسة جانبية لطيفة من مخدات كبيرة أو كراسي بسيطة مريحة ومع تنسيق الإضاءة هتكون من أفضل ديكورات رومانسية لغرف النوم لإنها بسيطة ومتناسقة.

أفكار غير مكلفة للديكورات

مش دايمًا الجمال بيرتبط بالسعر، عادي جدًا إنكم تصرفوا مبالغ بسيطة جدًا في الديكور. ودي مجموعة من الأفكار البسيطة غير المكلفة:

• بدل استخدام ديكورات خشبية مُكلفة نستبدلها بورق حائط فيه لمسات ناعمة أو نقوش بسيطة ورقيقة.
• استخدام نباتات صناعية أو طبيعية لتزيين ركن من أركان الغرفة. لكن ضروري يكون الركن بجانب مصدر إضاءة طبيعية عشان يكون وجود النباتات متناسق مع المكان.
• ممكن نغير في شكل الغرفة بشكل متكرر باستخدام مخدات ملونة ومفارش متناسقة معها. يعني في كل مناسبة أو عيد نستخدم مجموعة معينة متناسقة مع بعضها.

أماكن بيع ديكورات رومانسية في مصر

لو عايزين تشتروا بنفسكم الديكورات تقدروا تشتروها أون لاين أو من خلال أماكن مختصة في بيع الديكورات.

طبعًا عليكم إنتم اختيار ديكورات رومانسية لغرف النوم مناسبة للتصميم والألوان والأرضيات:

• لو أماكن أون لاين هتلاقوا أنواع وأشكال وخامات مختلفة بأسعار متفاوتة في متاجر أون لاين زي أيكيا وجوميا وهوم سنتر.
• لو أماكن معارض فيه متاجر كتير وطبعًا أولهم فروع أيكيا، وفي ديكورات كتير في المرشدي، وأماكن بيع ديكورات في الموسكي والأزهر والتوحيد والنور.

وعمومًا أيًا كان المكان اللي هتشتروا منه ديكورات رومانسية لغرف النوم فلازم تحددوا ميزانية للشراء. عشان تقدروا تختاروا الحاجات المناسبة ليكم ولشخصيتكم ولميزانيتكم.

اقرأ أيضًا: ديكورات شقق عرسان مودرن.

اقرأ أيضًا: تصميم غرف نوم ضيقة تساعد على الشعور بالاتساع.