وضعيات صور عرايس محجبات من غير لوكيشن تصوير

كل عروسة بتسعى إن صور فرحها تكون مثالية، خاصة لو العروسة محجبة بتكون محتارة شوية في الوضعيات المناسبة ليها ولفستانها. عشان كدا هنقولك على وضعيات صور عرايس محجبات بدون لوكيشن حتى. صور بسيطة ومميزة تقدري تتصوريها في أي مكان يوم الفرح، بين الأصحاب أو مع العريس.

وضعيات صور عرايس محجبات في الطبيعة

استغلي أي مكان فيه منظر طبيعي واتصوري فيه، يعني لو مكان الفرح في حديقة أو فيلا هتبقى فرصة مثالية جدًا تتصوري في أماكن طبيعية كتير.

وضعيات هادية ومريحة

الطبيعة قدامك انطلقي واتصوري براحتك، لكن خلي بالك إن الصور تكون هادية ومريحة عشان تتناسب مع المنظر الطبيعي. وخاصة لو في شجر أو زهور تتصوري صور تظهر فيها تفاصيل الطرحة وتفاصيل الفستان. المساحة الواسعة في الطبيعة هتخليكي براحتك وهتحسسك بالراحة.

صور في الطريق

لو مش موجود حديقة للمكان فعلى الأقل هتلاقي طريق مرصوف وعلى جوانبه زرع وزهور. هيكون مناسب تتصوري فيه وإنتي بتتمشي بخطوات بطيئة مع العريس، ومع وجود خلفية للطريق والزرع هتكون الصور حيوية جدًا.

وضعيات صور عرايس محجبات مع العريس

طبيعي إنك تهتمي بإن كل صور فرحك تكون مميزة، خاصة لو مش هتعملي سيشن كامل في لوكيشن مخصص. وعشان تقدري تتميزي بالصور ممكن تنفذي بعض الأفكار، على سبيل المثال:

• اهتمي هنا بلحظات التواصل مع عريسك، سواء وإنتم واقفين مع بعض أو قاعدين.
• التركيز على صور للدبلة مع العريس تظهر فيها الدِبل بشكل مميز.
• نظرات العيون بتكون أجمل ما يمكن تصوريه في اليوم دا.
• صورة رائعة تانية  وهي إن العريس يكون في الخليفة والتركيز عليكي أو على بوكيه الورد.
• ممكن تتصوري وإنتي بتلعبي في الطرحة وبتحركيها، وياخد المصور الصورة دي من زوايا كتير.
• استغلي أي ديكور موجود في المكان واقترحي على المصور الصور اللي تشوفيها مناسبة.

وضعيات صور عرايس محجبات بفساتين ملكية

أهم حاجة في الفرح هو فستان العروسة، يعتبر أكثر حاجة بتوضح شخصيتها وزوقها. وعشان تفاصيل الفستان تبقى واضحة لازم تاخدي الصورة من على مسافة كبيرة توضح الفستان كله. هتحتاجي هنا إن المكان يكون واسع ولو مفيش أي ديكور مش مهم لإن الفستان نفسه هو أهم عنصر في الصورة.

نقدر نستغل كمان الأبواب، أي خلفية فيها باب هتكون مناسبة مع صورة بالفستان الملكي. ونحدد مكان العريس بناءً على وضعية الفستان، يعني لو مهتمة بإظهار كل تفاصيل الفستان يبقى العريس مكانه قصادك أو في الخلف ورا الفستان.

استغلال الإضاءة في وضعيات صور عرايس محجبات

لو مساحة مكان الفرح محدودة وعايزة صور مميزة يبقى لازم تركزي إن الفوتوجرافر يستغل كل مصدر إضاءة، وفي أفكار كتير جدًا منها على سبيل المثال:

• تصويرك مع العريس واحد منكم واضح في الصورة والثاني واضح انعكاسه على الحائط.
• تقدري تتصوري وإنتي واقفة جنب باب أو شباك وخارج منه مصدر إضاءة طبيعي أو صناعي، مع التركيز على ظلك.
• تمسكي البوكيه برقة وبوضعيه توضح إنعكاسه على الحائط.
• إنتي والعريس ضهركم لبعض وكل واحد موجه وشه ناحية مصدر إضاءة.

وضعيات صور عرايس محجبات غير تقليدية

لو عايزة صورك مميزة وغير تقليدية استغلي كل حاجة متوفرة في المكان سواء ديكورات متوفرة أو باستخدام الأصحاب. يعني الصور الجماعية هي فرصة العروسة إن الصور تبقى مميزة.

ممكن نستخدم الأصحاب مرة تانية إنهم يتواجدوا في اتجاه مقابل ليكي وانتي بترمي ليهم الورد. وببساطة لفي بالفستان كتير وسيبي المصور ياخد لقطات كتير هتتفاجئ بصور لطيفة جداً.

المهم وإنتي بتحددي وضعيات صور عرايس محجبات شوفي الوضعيات المناسبة ليكي وتقدري تنفذيها بسهولة. لإن الصورة هتطلع حلوة لو كنتي على راحتك بدون ما تتصوري صور صعبة عليكي.