هدوم مثيرة لشهر العسل 6 أفكار هتاخدي ايه معاكي منهم في شنطتك؟

هدوم مثيرة لشهر العسل أكيد دي الحاجة اللي بتفكري في تجهيزها لأول أيام جوازك.

وبتخططي لها من بدري عشان تكون في شنطتك اللي هتسافروا بيها لرحلة شهر العسل.

تخيلي كل ترتيبات الفرح تمت وكل ضغوطه اختفت وبقيتوا لوحدكم خلاص، وجه الوقت اللي كنتم مستنينه من زمان.

وهتروحوا مع بعض أول رحلة رومانسية ليكم كزوجين؛ فكل ده يستلزم منك شوية تخطيطات عن هتاخدي ايه معاكي في شنطة سفرك لشهر العسل.

وبغض النظر عن كل الأساسيات اللي طبيعي بتاخديها معاكي في كل سفرية.

لازم متنسيش تركزي في الحاجات الصغيرة اللي هتخلي وقتكم أمتع لوحدكم في أوضتكم الخاصة.

وسواء كنت بتفضلي اللانجري الأنثوية المثيرة زي حمالات الصدر الدانتيل وفساتين البيبي دول.

أو بتحبي بدل الجسم الشفافة اللي بتكشف كل حاجة.

فاحنا هنا في المقال ده حاولنا نجمع لك إطلالات مختلفة مش هتندمي لما تحطيها في شنطتك وهتبسط جوزك.

فتابعي معانا المقال.

بدلة دانتيل:

النوع ده من البدل بيكون عبارة عن بلوزة رقيقة مطرزة بالدانتيل الشفاف من قدام وبرضه من الظهر بخط رقبة من غير أكمام، والجزء السفلي منها عبارة عن شورت ستان رقيق قصير.

وده بيخليها رقيقة مثيرة وعصرية في نفس الوقت، واللون المنتشر منها هو اللون الأبيض.

وعشان كدة هي مناسبة لأول ليلة ليكم اللي عادة العرايس بيحبوا يلبسوا فيها هدوم مثيرة لشهر العسل باللون الأبيض وكإنها امتداد لفستان الفرح.

قميص شيفون أسود:

طبعاً مينفعش شنطة عروسة جديدة في شهر عسلها ميكونش فيها قميص نوم أسود، زي ما بيقولوا الأسود ملك الألوان.

وأغلب الرجالة بيحبوا اللون الأسود، وخصوصاً لو كان جسمك أبيض؛ فالأسود هيكون مثير عليكي جداً.

فمتنسيش أبداً وانت بتحضري شنطة هدوم مثيرة لشهر العسل إن يكون فيها قميص شيفون أسود.

وطبعاً مش محتاجين نقولك إنه يكون قصير عشان يبين جمال جسمك أكتر.

وهيكون أحلى لو داخل فيه الدانتيل الشفاف من ناحية الصدر والضهر.

هدوم مثيرة لشهر العسل بريش النعام:

وده عادة بيكون عبارة عن قميص نوم شفاف قصير جداً شبه الكورسيه كدة لكن بينزل على واسع.

وحوافه في الآخر بتكون متزينة بريش النعام الطري الناعم، وبيغطي الصدر بزخارف بأشكال نباتات على قماشه.

وده بيدي لمظهرك نعومة وإثارة جوزك ميقدرش يقاومها.

تيدي مفتوح من الدانتيل:

ودي حاجة هتخلي جوزك فاتح بقه أول ما هيشوفك فيها، وهتدي ليلتكم اللي هتلبسيها فيها لمسة من الإثارة والشغف.

وفي منها ألوان وأنواع مختلفة؛ فممكن تشتري منها كذة واحدة بلون أو شكل مختلف عشان تبقى من ضمن هدوم مثيرة لشهر العسل اللي هتاخديها معاكي.

ففي منها السادة سواء أبيض أو أسود وبتعتمد بس على فتحات الدانتيل اللي بتديه زخرفات مختلفة على الجسم.

وفي برضه أنواع تانية بيكون داخل فيها ألوان تانية بتشكل رسومات لورود وأزهار وده بيديها شكل وإثارة مختلفة.

فستان حرير أحمر ضمن هدوم مثيرة لشهر العسل:

زي ما الأسود ملك الألوان فالأحمر ملك الإثارة، ومفيش رجل يقدر يقاوم اللون الأحمر.

فلو عاوزة تستمتعي بلحظات رومانسية حميمية مع جوزك في شهر عسلكم لازم يكون الفستان ده في شنطة هدومك.

وعشان تزودي الإثارة والجاذبية ممكن تجيبيه بفتحة جانبية على طوله كله وبتتقفل بأربطة خفيفة وشفافة.

فستان قصير باللون الوردي الفاتح:

أما لو حابة تضيفي أجواء من البراءة والطفولية على لياليكم الحميمية؛ فممكن تحطي في وسط هدومك فستان بالمواصفات دي.

والفستان ده كونه قصير وبحمالات فده هيخليه يظهر جسمك بشكل جميل ومثير وفي نفس الوقت لونه الهادي هيديكي مظهر بريء طفولي وكإنك مش ناوية على أي حاجة خالص.

وفي نهاية مقالنا نتمنى إننا نكون فدناكي وساعدناكي تعرفي هتحضري ايه في شنطتك من هدوم مثيرة لشهر العسل.

ونتمنى لك رحلة سعيدة مليانة حب وإثارة، وبداية حياة جديدة كلها فرح وهنا، وحياة زوجية سعيدة ليكم انتم الاتنين.