هدايا منزلية للعروسين للاحتفال بعشهم الجديد 6 أفكار تساعدكم على اختيار هديتكم

عندكم عروسين جداد اتجوزوا أو بيستعدوا لجوازهم ومش عارفين تجيبولهم ايه هدية تعبروا لهم فيها عن فرحتكم بيهم؟ الخيارات كتير وممكن تحتاروا فيها لكن أكتر هدية ممكن تكون مناسبة في الحالة دي هي إنكم تهادوهم هدايا منزلية للعروسين تساعدهم في تأثيث عشهم الجديد وتفضل معاهم أطول وقت يفتكروكم بيها كل ما يشوفوها قدامهم، وإنكم قد ايه ساعدتوهم وكانت هديتكم مفيدة ليهم.

وسواء كانت الهدية اللي هتقدموها لحد من قرايبكم أو أصدقائكم المقربين أو حتى هدية واجب لحد من معارفكم البعاد أو زملاء العمل الرسميين.

فالمميز في النوعية دي من الهدايا إنه هيكون مناسب لكل أنواع العلاقات.

تقدروا بس تختاروا منها اللي يناسبكم ويناسب ميزانيتكم وتكونوا مقتنعين بيه وانتم بتقدموه.

وعشان كدة احنا هنا في المقال ده جمعنا لكم كل أنواع الهدايا اللي ممكن تقدموها لعروسين جداد في بيتهم.

سواء من الديكورات البسيطة اللي على الرغم من بساطتها إلا إنها ممكن تضيف لمسة من السحر والجمال على عشهم الجديد.

ولحد الأدوات والأجهزة الحديثة اللي ممكن ميزانيتهم البسيطة كعروسين جداد لسة بيبدأوا حياتهم متسمحش إنهم يشتروها دلوقتي.

فهتبقى هدية مميزة منكم لما تقدموهالهم؛ فتابعوا معانا المقال.

مكنسة كهربائية ذاتية التنضيف:

طبعاً أي حد بيأسس لبيت جديد أكيد هيجيب ضمن جهازه مكنسة كهربا.

بس النوع اللي عادة منتشر بين الناس هو النوع اللي بيحتاج حد يمشي بيه بنفسه ويحركه ويكنس بيه بنفسه، وده طبعاً بيحتاج وقت وتفرغ من اللي هيقوم بمهمة التنضيف دي.

وده أكيد شيء مش عملي في زحمة الشغل والارتباطات الحياتية الكتيرة.

وبالنسبة لعروسين جداد فهم أكيد محتاجين أي وقت فراغ يقضوه مع بعض أهم من إنهم يقضوه في التنضيف.

عشان كدة هيكون من المناسب جداً إنكم تجيبوا هدايا منزلية للعروسين عبارة عن مكنسة كهربا ذاتية التنضيف بتحكم خارجي.

وده بحيث إنهم يقدروا يشغلوها من خلال تطبيقات التحكم الإلكترونية.

ويسيبوها تنضف لوحدها في حين يشوفوا هم حاجاتهم الأهم اللي وراهم.

هدايا منزلية للعروسين محبي القهوة:

أما لو كان العروسين اللي هتجيبوا لهم الهدية من مدمني القهوة.

فهتكون ماكينة صنع القهوة الفرنسية الفورية هدية مناسبة ومريحة جداً بالنسبة لهم.

وكمان تقدروا تضيفوا لهديتكم أو تقدموا هدية منفصلة عبارة عن أكواب قهوة فنية تضيف مظهر جميل للمكان اللي بيشربوا فيه قهوتهم كل يوم وهي في ايدهم أو على الترابيزة.

ولو بيحبوا القهوة العربي والقعدات التراثية القديمة.

فممكن تجيبوا لهم طقم كنكة نحاس بستايل قديم مع سبرتاية تشاركهم ليالي السهر والقعدات العربي اللي بيحبوها.

لوح تقطيع للمطبخ:

طبعاً في حياتهم الجديدة هيستعدوا لكتير من الطبخ والتقطيع، وأكيد هيكونوا محتاجين لوح تقطيع للمطبخ يقطعوا عليه الخضار واللحم.

وعلى الرغم إنكم ممكن متبقوش متأكدين إذا كانوا اشتروه فعلاً ولا لا.

لكن بحيلة بسيطة تقدروا تخلوهم حتى لو اشتروا واحد يركنوه على جنب ويفضلوا هديتكم عليه.

وده بإنكم تحفروا على جنب منه أساميهم وتاريخ جوازهم.

وبكدة مش هيبقى مجرد لوح تقطيع عادي للمطبخ، وإنما هدايا منزلية للعروسين مينسوهاش أبداً.

أدوات للراحة:

عروسين جداد يبقى أكيد هيقضوا ليالي كتير جاية سهرانين مع بعض بيتفرجوا على أفلام بيحبوها أو بيحكوا مع بعض برومانسية.

والليالي دي محتاجة لمسات رومانسية خفيفة لو حبوا يقضوها برة أوضة النوم وكانوا في الصالة أو في البلكونة أو جنينة البيت لو عندهم جنينة.

واللي ممكن يشاركهم اللحظات دي ويخليها أكتر راحة هي بطانيات ناعمة ومريحة وخداديات يفرشوها على الأرض وشمع رومانسي بروايح معطرة وهم بيقضوا ليلتهم برومانسية مع بعض براحتهم.

فلو فكرتم في هدايا منزلية للعروسين من النوع ده هتكون هدية متتنسيش أبداً، وهتكونوا في بالهم دايماً وبيشكروكم على أوقاتهم الحلوة اللي قضوها مع بعض.

جرس منزلي بالفيديو:

في وقت انتشر فيه السرقات والحرامية، وكون أغلب العرسان الجداد بيضطروا ياخدوا شقق في عمارات في المناطق السكنية الجديدة لانها إلى حد ما بتكون أرخص.

بس في نفس الوقت في المناطق دي الناس متعرفش بعض كويس ومش كل الشقق مسكونة وممكن ميببقاش حواليهم جيران كتير يحسوا بيهم لو في أي خطر حصل عندهم.

عشان كدة لزيادة الأمان هيكونوا محتاجين يكونوا مطمنين قبل ما يفتحوا الباب لأي حد؛ فلو قدمتوا لهم هدايا منزلية للعروسين عبارة عن جرس باب مزود بكاميرا فيديو يشوفوا من خلالها مين على الباب.

فدي هتكون هدية عظيمة جداً بالنسبة لهم تحسسهم بالأمان في عشهم الجديد ويشكروكم على الإحساس ده اللي كنتم السبب فيه.

هدايا منزلية للعروسين للترحيب بضيوفهم:

أول حاجة بتستقبل الضيوف وهم جايين زيارة لأي حد هي لوحة التعريف اللي عليها أسامي أصحاب البيت والسجادة اللي على عتبة الشقة اللي بينضفوا فيها جزمهم قبل ما يدخلوا.

فتقدروا تختاروا إن هديتكم تكون حاجة من الاتنين دول أو الاتنين مع بعض، واللي غالباً أي عرسان جداد بينسوها في زحمة تحضيراتهم لحاجات ليها أولوية أعلى بالنسبة لهم.

وفي نهاية المقال نتمنى إننا نكون فدناكم وساعدناكم تقدروا تختاروا هدايا منزلية للعروسين اللي هتباركوا جوازهم قريب.

وطبعاً متنسوش تحطوا مع هديتكم كارت جميل تتمنوا لهم فيه حياة زوجية سعيدة وان ربنا يديم حبهم للأبد.