نصائح طبية لازم تعرفيها قبل الزواج لصحة أفضل

“الوقاية خير من العلاج” هي مش مجرد مقولة بتتقال من زمان وخلاص، لأنها أسلوب حياة، ولو فكرتي فيها كويس حتلاقي أن فيها المشكلة وحلها. في المقال دة حنقولك على نصائح طبية مهمة ليكي في كل مراحل حياتك لازم تكوني عارفاهم. 

ما هي التحاليل الخاصة بكِ اللي لازم تعمليها قبل الزواج؟

في فحوصات قبل الزواج كتير مشتركة بينك وبين شريك حياتك علشان تطمنوا على صحتكم، ولكن في تحاليل خاصة بالمرأة لازم تعملها علشان تطمن على صحة جسمها، وخصوصا علشان المستقبل لأنك حتكوني أم، وحنتكلم عن جزء منها. 

تحليل الهرمون المحفز للغدة الدرقية TSH

هو تحليل لقياس مستوى هرمون الغدة الدرقية، ولو مستواه طبيعي فكدة مفيش مشكلة، لكن لو فيه ارتفاع في نسبة الهرمون أو انخفاضه، في الحالة دي بيكون فيه مشكلة في أداء وظيفة الغدة الدرقية ولازم تتعالج فورا. 

ما هي أعراض ارتفاع وانخفاض مستوى هرمون TSH عند المرأة؟

• عدم انتظام الدورة الشهرية، وكميتها كل شهر متغيرة. 
• توقف عملية التبويض (التبويض هو خروج البويضة من المبيض). 
• في حالة الحمل: تؤثر بالسلب على صحة الجنين. 
• هشاشة العظام بسبب الارتفاع الشديد لهرمون الغدة الدرقية. 
• الاكتئاب. 
• فقدان الوزن. 

تحليل البروجسترون

هو تحليل لقياس مستوى هرمون البروجسترون في الجسم، وهو مسؤول عن التحكم في انتظام الدورة الشهرية، وفي حالة الحمل يهيئ الجسم لوجود الجنين، بالإضافة لكده فهو غير كافي للكشف عن وجود أمراض معينة، ولازم يتعمل معاه تحاليل تانية. 

تحليل البرولاكتين

هرمون البرولاكتين هو الهرمون المسؤول عن تكوين اللبن في جسم الأم، ويرتفع مستواه في فترة الحمل. 

متى يتم إجراء تحليل البرولاكتين؟

• تغيرات في انتظام الدورة الشهرية.
• في بعض الحالات يتم إفراز اللبن في حالة عدم الحمل والرضاعة. 

أسباب ارتفاع هرمون البرولاكتين

• بعض الأدوية. 
• بعض الأمراض على سبيل المثال: خمول الغدة الدرقية، وأمراض الكلى. 
• بعض الأورام الحميدة في الغدة النخامية (وهي الغدة المسؤولة عن إفراز معظم هرمونات الجسم). 

نصائح طبية للتغذية السليمة 

• تناول الخضراوات بشكل يومي يحمي جسمك من الأمراض المزمنة على سبيل المثال: السكر وارتفاع ضغط الدم والسمنة والأمراض السرطانية. 
• تجنب تناول الأطعمة التي تحتوي على الدهون المهدرجة مثل: الأكل السريع fast food. 
• الاهتمام بالأطعمة التي تحتوي على الكالسيوم على سبيل المثال: الألبان. 
• تناول أطعمة تحتوي على الحديد مثل: اللحوم الحمراء والبقوليات. 

 تناول المكملات الغذائية

نصيحة طبية عن الفوليك أسيد

لو قررتي الحمل، فمن الضروري تناول الفوليك أسيد 400 ميكروجرام يوميا لمدة 3 – 6 شهور على الأقل، لأن الفوليك أسيد يؤثر على تكوين الجهاز العصبي للجنين، ويقلل خطر حدوث العيوب الخلقية في الدماغ والعمود الفقري. 

نصيحة طبية عن الأوميجا 3

احرصي على تناول الأوميجا 3 الموجودة في بعض أنواع الأسماك زي الماكريل والتونة، وموجود كمان في بذور الكتان، وممكن تشتريه من الصيدلية لو حابة تاخديه على هيئة كبسولات.

أوميجا 3 له الدور في الحفاظ على صحة القلب والأوعية الدموية لكي، وفي حالة الحمل يحافظ على مستوى هرمونات الجسم وتنظيم ضغط الدم والجهاز الهضمي. 

نصائح طبية لتجنب حدوث الأمراض

• الأنيميا من الأمراض المنتشرة بسبب قلة التغذية، فلازم تهتمي بعمل تحليل صورة الدم الكاملة CBC وتحليل مخزون الحديد، لأن الأنيميا بتأثر على صحة جسمك بشكل كبير على سبيل المثال: عدم انتظام الدورة الشهرية، واللي يترتب عليها أمراض كتيرة.
• اهتمي بعمل تحليل فيتامين د كل 3 شهور (خاصة لو أخدتي علاج) علشان تطمني على مستواه في جسمك، وخصوصا أنه له علاقة بمستوى الكالسيوم في العظام بشكل قوي.

اقرأ أيضا: نصائح للعروسة المقبلة على الزواج