نصائح جهاز العروسة | 10 حاجات ملهاش لازمة لبيتك..

أي عروسة بتحاول يكون جهازها كامل ومش ناقص أي حاجة، لكن وسط الاندفاع في الشراء والتجهيز، بنشتري حاجات كتير بنتفاجئ بعد كده انها مكانش ليها لازمة وغيرها يلبي الغرض. في المقال ده بنقدملك قائمة نصائح جهاز العروسة فيها أكثر 10 حاجات ملهاش لازمة، وده عشان نساعدك توفري من غير ما تحسي إن فيه نقص أو تقصير.

قائمة نصائح جهاز العروسة … أجهزة غير مهمة

1. غسالة الأطباق

رغم إنها عملية في بعض البيوت، لكنها في أغلب البيوت بتكون مجرد جهاز تقدري تستغني خصوصًا في بداية الزواج لما بيكون عدد الأفراد قليل ومفيش أطفال.

كمان بتحتاج نوع معين من المنظفات ومساحة في المطبخ. تقدري تستغني عنها بجهاز تاني يوفر عليكي جهد حقيقي في عمل الطعام.

2. أجهزة كهربائية عديدة لها نفس الاستخدام

كتير بنات بتقع في خطأ باهظ ومكلف وغير مدروس في شراء الاجهزة. على سبيل المثال، من غير الطبيعي شراء كيتشين ماشين ومضرب كهربا وعجان رغم إن الكيتشين ماشين فيه كل ده. في النهاية هتلاقي إن عندك أكتر من حاجة بتعمل نفس الغرض.

مثال آخر، فرن كهربائي كبير مع وجود ففرن البوتوجاز والمايكرويف!!!!.لذلك بننصحك تشتري حاجة واحدة متعددة الاستخدام.

اعرفي أكتر عن معارض الأجهزة الكهربائية القريبة ليكي وتقيماتها من منصة إيجي ويدينج.

قائمة نصائح الجهاز… قطع غير مهمة

3. أطقم تقديم متعددة

كتير من البنات في جهاز العروسة بيصرفوا كتير جداً على شراء أطقم منفصلة وكاملة للشربات والعصير والخشاف والجلي والحلويات، على الرغم من آن البديل الذكي لكل ده هو طقم تقديم واحد متعدد الاستخدام و متنوع في أحجام القطع.

على سبيل المثال، طقم زجاج أو أكريليك فيه كاسات للعصائر، وممكن طقم بوبلات تنفع لتقديم الجلي أو الأيس كريم. أما بخصوص الجاتوهات تقدري تستعملي أي أطباق صغيرة عندك من الطقم الصيني او البورسلين، وأي صنية تقديم أنيقة.

ده هيكفي معاكي الغرض جداً، ومش هتحتاجي تجيبي طقم كامل لكل وظيفة.

ركزي على الأطقم المتعددة الوظائف هتوفر معاكي كتير.

زوري منصة إيجي ويدينج عشان تعرفي أكتر عن محلات الرفايع القريبة ليكي وتقييماتها من هنا

4. أطقم صيني كبيرة ومتعددة

من أهم نصائح جهاز العروسة اللي لا خلاف عليها هي إن طقم صيني واحد صغير كافي، إنتي مش مضطرة نهائي تجيبي طقم صيني 100 قطعة، ولا أكتر من طقم صيني.

اعرفي إن الاستخدام الأساسي للطقم الصيني في الالمناسبات وعزائم بس، لذلك مش هعملي وهيكون مجرد قطعة ديكور في النيش ملهاش لازمة.

خلي اهتمامك بالقطع العملية في استخدامك اليومي زي الميلامين أو البورسلين.

5. صواني تقديم متعددة

خطأ كبير بتقوم بيه كتير من البنات في التجهيز هو شراء أنواع متعددة من صواني التقديم، ما بين استانلس وخشب و زجاج!!! نصيحتنا ليكي هو طقم واحد أو 2 بالكتير أوي بس اللي هتستخدميهم. اختاري طقم واحد أنيق ويتحمل وشيك ومتنوع الأحجام.

8. أدوات الضيافة الغالية

كتير من البنات بتحب تشتري أدوات فخمة وغالية ذات الاستخدام المحدود لوقت العزومات أو للعرض، زي مثلا الكريستال الغالي، لكن من الأفضل تركزي على طقم تقديم شيك وأنيق وسهل التنظيف دون مبالغة او تكاليف عالية. طقم الصيني المحدود القطع ممكن يؤدي الغرض معاكي.

قطع أثاث غير مهمة

7. وسائد الديكور الكثيرة

على رغم كونها فكرة لطيفة بالنسبة للبعض على سبيل الديكور والزينة، إلا أنها متعبة في ترتيبها خصوصاً لو كانت على الأرض. لذلك تقدري تستخدمي 2-3 بالكثير منها لو لزم الأمر ويُفضل يكونوا على الأثاث فقط.

6. أوضة الأطفال

ليه ممكن تصرفي على تجهيز أوضة الأطفال وإنتو لسه في بداية الزواج!!! الحقيقة أوضة الأطفال في بداية الزواج هي مصاريف ممكن تتأجل خصوصاً إنها ممكن مش تُستخدم لفترة كبيرة قد تصل ل 5 سنين أو اكتر. وبالتالي بتكون معرضة لحدوث تلفيات قبل الاستعمال الحقيقي ليها.

لذلك من اهم نصائح جهاز العروسة إنك تخلي أوضة الأطفال خطوة مؤجلة، أو تستنبدليها بسرير عملي لضيوفك من أهلك أو أي زيارات طارئةة لحين استخدامها للأطفال.

9. النيش

بوجه عام، فكرة النيش التقليدي المليان بالصيني والقطع الغالية أصبحت غير عصرية. وده لأن كتير من البنات بدأت تبقي واعية لأنه بيتحول لقطعة ديكورية ملهاش لازمة وغير عملية. تقدري تستخدمي النيش بقطع زخرفية فقط وده بيكون أشيك وبيعكس زوق عالي عن النيش التقليدي.

10. المفروشات المتعددة

أي عروسين في بداية الزواج مش محتاجين ل 10 أطقم فوط أو 20 طقم ملاية ولا 10 بطاطين. اشتري على قد احتياجاتك ومفيش داعي لتكاليف ملهاش لازمة في بداية حياتكو.

واخيراً، نقدر نقول إن المبالغة في الشراء بتعود بالسلب على العروسين وأهاليهم. حياة فردين في 2025 مش محتاجة التفكير التقليدي في الجهاز. شراء القطع العملية والاستغناء عن أي حاجة ملهاش لازمة وتقدري تستبدليها بحاجة تانية هو فكر عصري ومناسب جداً لتحديات العصر.

اعرفي أكتر عن:

تجهيز شقة مينيماليزم جهد أقل أناقة أكثر

مفروشات أساسية للعروسة هتحتاجي تعرفيها لو بتجهزي
جهاز العروسة | نصائح لفخامة بأقل تكاليف.