نصائح العناية بالبشرة والشعر للعريس

لو فاكر إن العناية بالبشرة والشعر قبل الفرح للعرايس بس. فاسمحلي أقولك أنك بتغلط غلطة كبيرة فحق نفسك،؛ لأن الفرح مش بس عن البدلة والقاعة والمأذون. ده كمان عنك عن شكلك. وعن أول صورة ليك وانت واقف جنبها. وانت مبتسم وبتقول “أخيراً بقت معايا”، يعني ببساطة لازم تبقى في أحسن فورمة. من أول شعرك لحد نضارة وشك. وصدقني العناية بالنفس مش كماليات دي احترام لنفسك أولًا، وشريكتك تانيًا. فلو بقيت أيام وتدخل القفص الذهبي، تعالى أقولك تعمل إيه علشان توصل ليوم الفرح وانت متألق، ومرتاح، وثقتك في السما، ودلوقتي خلينا نقولك عن أهم نصائح العناية بالبشرة والشعر للعريس.

ليه تهتم ببشرتك وشعرك أصلاً؟

أنت العريس يعني الكاميرات هتبقى شغالة عليك زي ما هي شغالة على العروسة بالظبط. والوش الهادي، الشعر المرتب، والريحة النظيفة دول بيكملوا الصورة. وده غير إن أي تعب أو توتر بيبان على وشك. وخليني أقولك سر بشرتك بترد على كل حاجة بتحصل جواك من أكل، نوم، ومشاعر. فلو عملت شوية خطوات بسيطة من دلوقتي، هتشوف فرق كبير وكل الناس هتلاحظه. عشان كدا ركز أوي في الخطوات الجاية. عشان تقدر تنفذ نصائح العناية بالبشرة والشعر للعريس بطريقة سليمة، وتتألق بثقتك في نفسك فليلة العمر.

تجهيزات العريس

١-نظم نومك قبل الفرح بأسبوعين

عارف الهالات السودا؟ والبشرة المطفية؟ والتعب اللي بيخلي صورك تطلع باهتة؟ معظم الآثار دي بتكون من قلة النوم. عشان كدا قبل الفرح بأسبوعين حاول تنام 7–8 ساعات في اليوم. وياريت تنام في معاد ثابت كل ليلة، وياسلام لو تبعد عن الموبايل قبل النوم بساعة، وكمان تشرب كوباية نعناع أو لبن دافي عشان تريح أعصابك، وخليك عارف أن النوم مش رفاهية. دا أقوى ماسك طبيعي لبشرتك.

العناية بالبشرة

٢-أغسل وشك بشكل منتظم بس صح

غسيل الوش من أهم نصائح العناية بالبشرة والشعر للعريس. ورغم أنها معلومة بديهية. وكمان من أبسط صور النظافة الشخصية لكن أغلبنا بينفذها غلط. وهنا لازم نعرف أنه مش أي صابون وخلاص. دا لازم تختار غسول وجه مناسب لنوع بشرتك، وتقدر تختار حسب التصنيفات دي:

• لو بشرتك دهنية: استخدم غسول فيه “salicylic acid”.
• لو بشرتك جافة: استخدم غسول لطيف فيه مرطّب زي الجلسرين.
• لو بشرتك مختلطة أو حساسة: اختار حاجة خالية من العطور والمواد القاسية.

وياريت يا عريس متغسلش وشك بمية سخنة. الأفضل أننا نستخدم مية فاترة، وبلاش أثناء الاستخدام ندعك جامد. لأ الأفضل أننا بنستخدم الغسول برفق عشان منرهقش البشرة. وبالنسبة لمرات الاستخدام كفاية مرة الصبح ومرة بليل عشان تلاحظ الفرق تقريباً بعد خمس أيام.

٣-اهتم بشعرك مش بس بالتسريحة

الشعر مش بس شكله وتسريحته يوم الفرح. لأ دا كمان صحته. عشان كدا مينفعش تدخل الفرح وشعرك ناشف أو باهت. وهنا هنحتاج نمشي على شوية نصائح بسيطة وهي:

• استخدم شامبو مناسب لنوع شعرك (دهني – جاف – عادي).
• ابعد عن الشامبوهات اللي فيها “Sulfates” لأنها بتنشف الشعر.
• ياريت مرتين في الأسبوع حط بلسم أو ماسك شعر بسيط.
• لو في قشرة عالجها قبل الفرح، فيه شامبوهات علاجية كويسة.
• ممكن تعمل حمام زيت جوز الهند أو زيت الأرجان مرة في الأسبوع.
• متقصش شعرك قبل الفرح بيوم خليه قبلها بـ 3–5 أيام علشان شعرك يرتاح وتقدر تزبطه.

٤-رطّب بشرتك ووشك هيشكرك

ترطيب البشرة من أجمل نصائح العناية بالبشرة والشعر للعريس؛ لأن الترطيب هو خط الدفاع الأول ضد المظهر المجهد والبشرة المرهقة. وكل ما كانت بشرتك مرتاحة كل ما كانت ثقتك في نفسك أفضل، وكمان شكلك في الصور هيكون مظبوط والارهاق مش هيكون ليه مكان وسط فرحتك. وعشان نرطب البشرة صح لازم يا عريس تمشي مع الخطوات الجاية:

1. استخدم كريم مرطب خفيف يناسب بشرتك.
2. لو بتطلعلك حبوب اختار حاجة “non-comedogenic” (يعني مش بتسد المسام).
3. خليك ثابت على استخدامه مرتين يوميًا.
4. وفي الصيف ممكن تختار مرطب فيه SPF خفيف علشان تحمي بشرتك من الشمس.

وياريت متحطش المرطب على بشرة ناشفة تمامًا. خليه على بشرة رطبة بعد الغسيل علشان يتشرب كويس.

استعدادات العريس

٥-أكل صحي عشان وشك يبان نضيف

كل حاجة بتحطها في جسمك بتظهر على وشك. وخصوصاً الأكل والمشروبات لأنها أساس الغذاء بتاع الخلايا والبشرة. عشان كدا في الأسبوعين اللي قبل الفرح، حاول تبعد عن الأكل المقلي والمليان دهون. وياريت يا عريس قلل السُكر والغازيات. وكل خضار وفواكه كتير. خصوصًا الجزر، الفراولة، الخيار. ومننساش شرب مية كتير (2 لتر في اليوم على الأقل). وكمان فيتامين C ممتاز جدًا للنضارة ممكن تاخده طبيعي من البرتقال أو كمكمل