مجموعة العناية بالبشرة قبل الزفاف

فرحك قرب؟ خايفة تكون بشرتك مش مثالية؟ محتارة تختاري ايه وازاي في مجموعة العناية بالبشرة قبل الزفاف؟ خايفة المكياج يشقق وتظهر عيوب البشرة؟ أفكار كتير بتشغل بال العروسة مع قرب موعد الفرح ومنها بشرتها، خصوصًا لو أهملتها من فترة بسبب التجهيزات التانية.

علشان كده ممكن تبدأيروتين العناية بالبشرة و روتين العناية بالجسم قبل الفرح بوقت كفاية لنتايج واضحة ومبهرة.

افضل وقت لتنظيف البشرة قبل الزواج

في الفترة الأخيرة انتشرت جلسات تنظيف البشرة بالتقنيات المختلفة لعلاج مشكلات البشرة زي التنظيف بالهيدرافيشيل، أو تقنية النتوياج، أو التقشير الكيميائي. وتعتبر علاجات سريعة للبشرة المتضررة في وقت قليل، علشان كده بينصح بيها العرايس.

ودائمًا يُنصح ان تتم الجلسات زي كده في عيادات جلدية متخصصة على حسب نوع المشاكل ودرجتها في البشرة. ويفضل الابتعاد عن الكوافيرات، أو صالونات التجميل الغير متخصصة في علاج البشرة منعًا لحدوث التهابات في البشرة، أو تأثيرات جانبية مش لطيفة.

وكمان فيه تنظيف للبشرة بالليزر للتخلص من التصبغات، وتفتيح البشرة وتنقيتها من الشوائب العمقة فيها، ويفضل تبدأي أي جلسات من دي قبل 3 شهور، وان كانت فترة 6 شهور قبل ميعاد الفرح فترة كافية.

أما بالنسبة للتنظيف العميق البشرة، ممكن يتم في صالونات التجميل والكوافيرات. وبيكون عبارة عن استخدام كريمات ومنتجات تساعد على ترطيب البشرة، وتنظيفها باستخدام حمامات البخار، واستخراج الرؤوس السوداء وعمل مساج للبشرة. وده بيكون قبل أسبوع من الفرح.

تنظيف البشرة للعروس،تنظيف عميق للبشرة، العناية ببشرة العروسة

العناية بالبشرة قبل الزفاف

طبيعي كعروسة انك تهتمي ببشرتك، وتكتشفي طرق العناية بالبشرة قبل الزفاف. وبالرغم من وجود علاجات كتيرة في صالونات التجميل، والعيادات التجميلية، إلا إنك في البيت تقدري تكوني مجموعة العناية بالبشرة قبل الزفاف من مصادر طبيعية، وروتين بسيط جدًا:

غسل البشرة بماء دافئ صباحًا ومساءً بغسول مناسب، أو صابونة طبية، أو طبيعية وفيه اختيارات متعددة زي: صابونة النابلسي شاهين، وصابونة الغار، وصابونة الكبريت وغيرهم من ال بيساعد في تنظيف البشرة وتفتيح المسام.
بعد غسل البشرة وتنضيفها، استخدمي ماء الورد صباحًا ومساءً كتونر لغلق المسام، مع تدليك بسيط بقطنة أو بأطراف الأصابع.
مرتين في الاسبوع استخدمي بودرة القرفة كمقشر طبيعي، بأطراف الأصابع دلكي البشرة بلطف بنترات من بودرة القرفة.
اختاري كريم مرطب مناسب مع نوع بشرتك قبل النوم، أو زيت طبيعي زي زيت الزيتون، اوزيت الورد. ودي خطوة مهمة لترطيب البشرة.
اشربي سوائل كتيرة.
نامي 6 ل 8 ساعات في الليل علشان تتخلصي من التوتر والهالات السوداء.

ودي خطوات بسيطة علشان تعرفي ازاى تهتمي بنقاء ونضارة البشرة قبل الفرح؟ وازاي تتخلصي من عيوب المكياج المنتشرة بسبب جفاف البشرة أو تقشيرها.

مجموعة العناية ببشرة العروسة

مرحلة اختيار مجموعة العناية ببشرة العروسة قبل الزفاف ممكن تكون مشكلة، خصوصًا لو اختارتي منتجات مش متناسبة مع نوع بشرتك. وده بيسبب مشاكل في البشرة بتحتاج فترة علاج أكتر. علشان كده اعرفي الاول نوع بشرتك، واختاري مجموعة العناية بالبشرة المناسبة.

ازاي اعرف نوع بشرتي؟

لو بتسألي ازاي اعرف نوع بشرتي؟ وايه هي المنتجات ال استخدمها قبل الفرح لبشرة ناعمة ونضرة. فممكن باختبار بسيط تقدري تعرفي نوع بشرتك اتبعي الخطوات دي:

اغسلي وجهك بالماء الفاتر.
جففي الوجه بلطف.
بعد نصف ساعة استخدمي منديل على الوجه وطبطبي بلطف.

إذا لاحظتي:

وجود آثار قشور على المنديل من غير أثر للدهون على الوجه. (بشرة جافة)
ظهور آثار دهنية أو زيت على جميع مناطق الوجه في المنديل. (بشرة دهنية)
وجود آثار دهنية على المنديل مكان الجبهة والأنف والذقن عادة. (بشرة مختلطة)
المنديل جاف ومفيش آثار للدهون، ولا قشور للوجه. (بشرة عادية)

ازاي اختار مجموعة العناية بالبشرة

بعد ما عرفتي نوع بشرتك، تقدري تختاري مجموعة العناية بالبشرة قبل الزفاف. وغالباً بتعتمدي على أربع أنواع أساسية وهي الغسول، والتونر، والمرطب والمقشر، وده بيعتمد في النهاية على نوع كل بشرة:

البشرة العادية

وتعتبر من أفضل أنواع الشرة لأنها الزيوت فيها متوازنة، فبتكون البشرة العادية مش بتعاني من المشاكل المشهورة زي حب الشباب، والمسام الواسعة. وبيسهل الاهتمام بالنوع ده من البشرة لأن بيتناسب معاها أغلب المنتجات.

غسول الوجه: الغسول الجل، والغسول الكريمي، والغسول الرغوي (الفوم)، والغسول الزيتي.
تونر البشرة، وبيستخدم بعد الغسول وبيتناسب مع جميع أنواع البشرة. ممكن تستخدمي ماء الورد، أوخل التفاح، أو ماء الميسيلار.
كريم مرطب متوازن وخفيف لأن البشرة العادية بتحتفظ بنسبة رطوبة جيدة.

البشرة الجافة

من أنواع البشرة ال بتحتاج اهتمام كبير من ناحية الترطيب، منعًا لظهور خطوط الوجه في سن صغير. وكمان بتعاني البشرة الجافة من بهتان وشحوب واضح، علشان كده اختاري المناسب لبشرتك الجافة واعطيها ترطيب أكتر.

غسول الوجه: يتناسب مع البشرة الجافة غسولات كريمية، والزيتية ال أساسها زيوت طبيعية.
تونر البشرة مناسب لجميع الانواع، ماء الورد، او ماء ميسيلار، أو خل التفاح.
كريم مرطب زيتي، ويفضل مع زيوت طبيعية (زبدة الشيا، زيت الاركان، زيت الصبار)

البشرة الحساسة

ودي نوع ماتكلمناش عنه في اختبار البشرة لكنه بيظهر مع احساس الحرقان، أو الاحمرار مع استخدام منتجات معينة للبشرة. ويمكن لأي نوع من أنواع البشرة المذكورة تكون بتعاني من الحساسية. وبشكل كبير بتتناسب مجموعة العناية بالبشرة الجافة مع البشرة الحساسة.