ما هي استخدامات الليزر للعروسة؟

كل عروسة بتحاول تحل مشاكل البشرة قبل الفرح علشان تظهر في أحسن شكل، وبثقة أعلى. والمقال ده حيتكلم عن الليزر وازاي تستخدميه وتحذيرات استخدامه.

ما هي الطريقة التي يعمل بها الليزر على البشرة؟

• يعمل على تجديد نسيج البشرة عن طريق إزالة النسيج الميت.
• توجيه الحرارة على البشرة بأعماق مختلفة حسب غرض استخدامه، وبالتالي يتم تحفيز إنتاج الكولاجين ومعالجة المشكلة.

استخدامات الليزر

1- علاج التصبغات

وفي الحالة دي يتم استخدام الجهاز المناسب مع لون بشرتك لأن لو تم استخدام جهاز غير مناسب هيسبب خطر كبير على الجلد.

2- إزالة الشعر

وهو أشهر استخدام للليزر في الوقت الحالي، ومعروف أن فيه أجهزة مختلفة حسب نوع البشرة ولونها، ومهم جدا أنك تروحي عيادة معروفة ومضمونة لضمان سلامة الاستخدام.

مميزات الاستخدام في إزالة الشعر

• سهولة الاستخدام.
• تأخر نمو الشعر.
• نتيجة فورية (بعد عدة أيام) على عكس الكريمات وباقي الطرق.
• ممكن تعملي الخدمة الذاتية في كتير من العيادات حاليا لضمان الخصوصية، ولازم تعرفي تعليمات الاستخدام كويس من المختصين.
• إمكانية شراء جهاز ليزر منزلي وتعمليه في البيت، وكل الأجهزة شبه بعض. الاختلاف بيكون في عدد النبضات في كل جهاز.

تعليمات بعد الاستخدام في إزالة الشعر

• بلاش تحطي مزيل عرق بعد الجلسة مباشرة لتقليل الالتهابات أو استخدام أي غسولات نسائية أو منتجات عطرية على بشرتك.
• يفضل عدم عمل إزالة شعر بالسويت في منطقة الجلسات علشان ميأثرش سلبا.

3- فراكشنال ليزر

وهو ليزر علاج مشكلات البشرة المتضررة على سبيل المثال: أثار الشمس وعلاج التجاعيد وتقشير الجلد الميت وعلامات وندبات حب الشباب.

4- الزوائد الجلدية

يعالج أيضا الزوائد الجلدية الموجودة في الوجه أو فروة الرأس اللي ظهرت حديثا أو مشكلة مولودة بيها، ودي تعتبر عملية جراحية صغيرة.

5- علاج الغدد الدهنية

في بعض الحالات تظهر الغدد الدهنية بشكل واضح في منطقة الأنف، وفي بعض الحالات بتكون في حالة تضخم ويلزمها تدخل جراحي، وبيكون الليزر هو الأداة المستخدمة.

6- علامات تقدم العمر

يعالج ظهور الخطوط الواضحة أو التجاعيد في الجبهة أو حول العين والفم.

أهمية اختيار جهاز الليزر المناسب للبشرة

فمثلا لو البشرة الداكنة استخدمت نوع غير مناسب بيسبب التهابات وتغير في لون الجلد. وعشان كدة ابتكر الأطباء مقياس لسهولة اختيار نوع الجهاز المناسب وهو مقياس من رقم 1 إلى رقم 6، وحسب المقياس ده بيكون مقياس البشرة الداكنة من 5 إلى 6.

الليزر والعمليات الجراحية

تعليمات قبل العمليات الجراحية

في حالة عمل عملية فيها استخدام الليزر زي إزالة الزوائد الجلدية لازم توقفي بعض الأدوية زي أدوية السيولة، وكمان لازم توقفي التدخين علشان بيأخروا التئام الجروح.

تعليمات بعد العملية الجراحية

اتباع تعليمات الطبيب وتناول الأدوية زي المضادات الحيوية لتقليل نمو البكتريا.

نصائح بعد استخدام الليزر

• عدم التعرض للشمس، ولو اتعرضتي للشمس استخدمي واقي الشمس واسع المجال بمعامل حماية 30 فأكثر ويحتوي على نسبة 7% فأكثر من مادة أكسيد الزنك zinc oxide.
• الابتعاد عن حرارة الشمس خصوصا من الساعة 10 صباحا حتى 2 مساءا.
• ارتداء كاب ونظارة شمسية.
• تجديد استخدام واقي الشمس كل ساعتين.
• عدم استخدام أي مقشرات لمدة يحددها الطبيب زي الجلايكوليك أسيد glycolic acid والرتينول retinol.
• استخدمي قطعة غيار للجهاز خاصة بيكي في كل مرة وعقميها كويس.

امتا مينفعش تستخدمي الليزر؟

1. وجود تجاعيد عميقة على سطح الجلد.
2. الحمل والرضاعة (يجب استشارة الطبيب).
3. وجود حب شباب على سطح البشرة.
4. الأمراض المناعية وضعف المناعة.

مضاعفات استخدام الليزر

• حروق.
• ندبات.
• تغير في صبغة الجلد.
• في بعض الأحيان عدوى بكتيرية.

 ولكن المضاعفات دي قليل حدوثها ونادرة.

اقرأ أيضا: أفضل أفكار حفلات الخطوبة في البيت.