كيفية اختيار ويدينج بلانر مناسب يخطط لفرح يفوق التوقعات

قرار الاستعانة بـ Wedding Planner في الفرح خطوة مهمة هتخفف عنكم ضغط وتوتر تجهيز الفرح. لكن الأهم هنا إنكم تتمكنوا من اختيار ويدينج بلانر مناسب لاحتياجكم عشان الاختيار الخطأ هيزيد من التوتر والضغط خاصة لو نفذ تفاصيل مش شبهكم وتأثر على فرحتكم. عشان كدا هنساعدكم في اختيار الويدينج بلانر اللي يناسبكم وإزاي تقدروا تحددوا إذا كان مناسب أو لأ.

أول خطوة في اختيار ويدينج بلانر مناسب

في البداية لازم تحددوا احتياجاتكم، تتكلموا وتحددوا محتاجين إيه بالظبط في الفرح من فقرات وتجهيزات، وطبعًا تحديد الميزانية عشان تشوفوا هتقدروا تنفذوا ايه. وممكن تقسموا المرحلة دي بطريقة بسيطة، على سبيل المثال:

• نوع المساعدة المطلوبة: هل اختيار ويدينج بلانر مناسب ضروري عشان يقوم بوظيفة معينة بشكل احترافي، ولا هتعتمدوا عليه طول الفرح وتنسيق اليوم أو التنسيق في مكان الفرح. ولا من الأساس محتاجينه في حجز المكان والفوتوجرافر وخلافه، لازم الأول تحددوا احتياجكم بدقة.
• تحديد ميزانية الويدينج بلانر: تحديد مبلغ معين هيساعدكم في تحديد نوع المساعدة المطلوبة، والفئة السعرية المناسبة. يعني من خلال المبلغ المتاح هتختاروا إما شخص ينفذ كل احتياجاتكم لكن في فئة سعرية منخفضة، أو تقليل احتياجاتكم مع اختيار شخص في فئة سعرية مرتفعة.
• ستايل الفرح: من خلاله هتحددوا شكل الفرح والاستايل اللي هيتعمل عليه سواء كلاسيك أو مودرن أو فرح بسيط. ومن خلال اختيار ويدينج بلانر مناسب هتقدروا تنفذوا ستايل الفرح بسهولة لإنه أكيد عنده خبرة بكل أنواع الأفراح.

نصائح للمقارنة قبل اختيار ويدينج بلانر مناسب

بعد تحديد الاحتياجات والميزانية وكمان تحديد ستايل الفرح هتبدأوا البحث عن أفضل ويدينج بلانر متاح لتنفيذ اختياراتكم. ودا تقدروا تعملوه بشكل بسيط جدًا من خلال النقاط التالية:

طرق للمساعدة في اختيار ويدينج بلانر

بداية البحث هتكون مع تحديد موعد الفرح، بحيث تتفقوا مع المُنظم على نفس الموعد وتتأكدوا من تفرغه في الوقت دا. وبعدين نتجه لمرحلة البحث عن الشخص المناسب لتنفيذ المهمة دي، وممكن نوصل للويدينج بلانر من خلال عِدة طرق منها على سبيل المثال:

• البحث عن حسابات تخص ويدينج بلانر على مواقع التواصل الاجتماعي زي انستجرام وتيك توك. من خلال المواقع دا هيكون متاح صور وفيديوهات وتفاصيل كثيرة عن شغلهم.
• توصيات الأقارب والأصدقاء اللي استعانوا قبل كدا بمُنظم لتنظيم الفرح، وبالطبع التجربة دي أكيد حد منكم حضرها بنفسه وشاف إذا كان العروسين تمكنوا من اختيار ويدينج بلانر مناسب ولا لا.
• البحث في دليل أفراح، بقى فيه مواقع كثيرة مهتمة بجمع بيانات الفوتوجرافرز والويدينج بلانرز وكل الأشخاص اللي ممكن تحتاجوهم في الفرح. المواقع دي هتساعدكم في الاختيار لإنها بتعرض كل التفاصيل والبيانات الشخصية وكمان نماذج الأعمال.

نقاط المقارنة قبل الاختيار

أثناء البحث هتبدأوا تحددوا أفضل الأشخاص اللي يناسبوا احتياجاتكم، وبعدها تعملوا بينهم مقارنة من خلال:

• نماذج أعمالهم من صور وفيديوهات تنظيمية لأفراح سابقة أشرفوا على تنظيمها.
• تحديد أفضل الأشخاص اللي نفذوا ستايلات فرح تناسب احتياجاتكم وأفكاركم.
• مقارنة بين أراء العملاء وتقييمات العرسان السابقين اللي نظموا أفراحهم.
• الاستقرار على 3 إلى 5 منظمي أفراح هم الأكثر قربًا من احتياجاتكم.

مرحلة اختيار ويدينج بلانر مناسب

في المرحلة دي هتقابلوا العدد اللي استقريتوا عليه في النهاية، عشان تعرفوا الشخص النهائي دا مناسب ولا لأ. والاختيار هيكون من خلال مقابلتهم والتعرف عليهم وعلى خبراتهم، وتفاصيل تانية هتساعدكم في الاستقرار على اختيار نهائي.

أسئلة المقابلة الشخصية:

المقابلة دي هتكون مع كل المنظمين اللي استقريتوا عليهم، وفي النهاية هتساعدكم على اختيار ويدينج بلانر مناسب بدون ندم:

• سؤاله عن خبراته وطريقة شغله نقطة بنقطة.
• التأكد من التركيز على فرحكم فقط في وقت التحضير.
• سؤاله عن طريقة تواصله مع العروسين في فترة تنفيذ الأفكار.
• سؤاله عن خططه البديلة في حالة حدوث أي مشكلة يوم الفرح.
• وهل عنده عدد مناسب من المساعدين يتناسب مع عدد الأفكار اللي هتتنفذ.
• كمان نركز إذا كان عنده شبكة موردين كبيرة، لإن دا هيخلي تنفيذ الأفكار أسهل.

قراءة بنود التعاقد وتفاصيلها:

لو عديتوا مرحلة الأسئلة وارتاحتوا للشخص المناسب هتيجي مرحلة التعاقد. ولازم تخلوا بالكم فيها من كل التفاصيل دي:

• لازم تكون تفاصيل العقد الخاصة بالمواعيد واضحة جدًا، زي معاد الفرح أو وقت السيشن وغيره.
• وضوح تكاليف التعاقد وتقسيم بنوده وكل بند فيه الفكرة ومقابلها التكلفة.
• قراءة سياسة الإلغاء عشان لو حصل ظرف والفرح اتلغى متلاقوش نفسكم قدام شروط جزائية مركزتوش فيها وقت التعاقد.

من أهم الأمور النهائية اللي هتساعدكم في اختيار ويدينج بلانر مناسب يحقق احتياجتكم ويخفف من توتر الفرح إنكم ترتاحوا للشخص وتحسوا معاه بالثقة وإنه قادر على تنفيذ كل أفكاركم.

اقرأ أيضًا:

أخطاء في تجهيزات الفرح إزاي تتجنبوها.

تنظيم حفل زفاف صغير بتكاليف أقل وجودة أعلى.