قاعات كتب كتاب بمساجد بتوفر أماكن للسيشن

كتب كتابكم قرب وعايزين تختاروا قاعات كتب كتاب بمساجد تميز يومكم وتكمل فرحتكم؟ هنساعدكم هنا باستعراض أفضل أماكن في مناطق متفرقة في مدينة نصر و6 أكتوبر ومصر الجديدة. وهنحاول نوضح السعر التقريبي لكل قاعة بحيث تختاروا اللي يناسب ميزانيتكم.

قاعات كتب الكتاب بالمساجد إزاي تختاروا اللي يناسبكم؟

خلينا متفقين إن مش كل الأماكن زي بعضها، ولا كل العرسان زي بعضها. لذلك طبيعي يكون لكل عروسين متطلباتهم واحتياجتهم، واللي ضروري تراعوها عند الاختيار.

عشان كدا هنوضح أمور لازم تاخدوها في الاعتبار عند اختيار القاعة أو ساحة المسجد.

أولًا: سعة القاعة

أول وأهم حاجة عند اختيار القاعة هي السعة. يعني من حيث العدد اللي هتستوعبه القاعة، ودا بيرتبط بعدد الأقارب والأصدقاء المدعوون، وبناءً على العدد هتختاروا القاعة لإن سعة القاعات بتختلف جدًا. في قاعات تتسع لــ 100 فرد، وفي قاعات تتسع لـ 500 فرد أو زيادة شوية.

ثانيًا: موقع القاعة

بنتأكد إن مكان القاعة مناسب للمعازيم اللي المفترض إنهم هيحضروا الفرح. وهنا نقصد الأقارب المباشرين يعني القاعة تكون قريبة من الجميع في موقع متوسط بينهم. لو على سبيل المثال معظم الأقارب في مدينة نصر مينفعش أختار قاعة في 6 أكتوبر.

ثالثًا: مستوى النظافة والخدمات

من أهم المعايير اللي هتحدد اختياركم لـ قاعات كتب كتاب بمساجد سواء في مدينة نصر أو أي مكان تاني هو مستوى النظافة والخدمات. ودا بيرتبط بسعر القاعة، على سبيل المثال في قاعات فخمة جدًا ولكنها أكيد مكلفة. وفي قاعات عادية جدًا ولكن مستوى نظافتها كويس وسعرها كويس.

وهنا هتحتاجوا تروحوا القاعة قبل الحجز وتشوفوا بنفسكم مستوى النظافة والخدمات، وطبعًا شكل الديكورات ونظام الصوت والتفاصيل دي.

قاعات كتب كتاب بمساجد مدينة نصر

طبعًا مدينة نصر من أول الأماكن اللي بدأ فيها الاحتفال في قاعات المناسبات أو الساحات بالمساجد. عشان كدا كتير من العرسان بيدورا فيها لإن القاعات فيها مناسبة وجميلة ومنظمة.

• مسجد الرحمن الرحيم: من المساجد اللي فيها قاعات مميزة جدًا. ومساحتها كبيرة وخدماتها متنوعة، والسعر بيبدأ فيها تقريبًا من 5 آلاف جنية وبيزيد مع الخدمات اللي بتطلبوها.
• مسجد السلام: ودا يعتبر مستوى متوسط ولكنه حلو جدًا لو بندور على حاجة ميزانيتها منخفضة أو متوسطة. السعر بيبدأ من 4 آلاف وبيزيد حسب الخدمات.
• مسجد المشير: ودا يعتبر من بين أهم قاعات كتب كتاب بمساجد على مستوى مصر. ويعتبر في مدينة نصر وفي التجمع في نفس الوقت لأنه في منطقة وسط بين الاتنين. والأكيد إن سعره الأغلى ولكن يتناسب مع فخامة القاعات ومستوى الخدمات، والسعر فيه بيبدأ من 9 آلاف تقريبًا.

قاعات كتب كتاب بمساجد 6 أكتوبر

مع الكثافة السكانية في 6 أكتوبر أصبح الطبيعي إن عدد قاعات المناسبات بالمساجد تزيد. عشان تتناسب مع الزيادة في عدد المناسبات.

• مسجد الحصري: وهو أشهر مكان لكتب الكتاب في المنطقة. والقاعة فيه واسعة وبتتسع لعدد كبير من المعازيم، وأسعاره بتبدأ من 6 آلاف وتزيد حسب الخدمات.
• مسجد الشرطة: وطبعًا بيتميز بديكور حلو جدًا، والقاعة تستوعب عدد كبير. والأسعار بتبدأ من 4500 وتزيد حسب الخدمات.

قاعات كتب كتاب بمساجد مصر الجديدة

طبعًا هنا الديكور المميز والأصالة والطراز الإسلامي القديم، هنلاقي إن في مصر الجديدة المساجد مميزة فعلًا.

• مسجد عمر بن عبد العزيز: يضم واحدة من بين أجمل القاعات في مصر الجديدة، ومستواها رائع جدًا، وسعرها بيبدأ من 6 آلاف جنيه.
• مسجد الفتح: ودا يعتبر للمستوى المتوسط، سواء من حيث السعة أو السعر. وأسعاره بتبدأ من 4 آلاف جنيه.
• مسجد الثورة: وهو يعتبر من أفضل المساجد اللي في نطاق مصر الجديدة. وبتتوفر فيه كل الخدمات اللي يحتاجها العروسين وسعره بيبدأ من 5500 جنيه ويرتفع حسب الخدمات أو تغييرات من طلب العروسين.

أخطاء نتجنبها عند اختيار القاعات

في أكيد أخطار ممكن نقع فيها عند اختيار قاعات كتب كتاب بمساجد ولكن نلفت نظركم عشان تتجنبوها:

• التركيز يكون على السعر والخدمات، يعني تركزو إن السعر يكون مناسب لمستوى الخدمة.
• التأكد فعليًا من سعة القاعة، متكتفوش بالوصف لازم تشوفوا المساحة بنفسكم.
• لو هتقدموا حاجات في القاعة اختاروها بنفسكم.

ومن المميز في قاعات كتب كتاب بمساجد إنها بقت بتوفر خدمات تانية زي التصوير للسيشن. أو حتى تصوير سيشن للعروسين زي مسجد الشرطة ومسجد المشير.

اقرأ أيضًا: إدارة ميزانية تجهيزات الفرح بكل تفاصيلها.

اقرأ أيضًا: أرخص أماكن شهر العسل خارج مصر.