قاعات افراح في القاهرة

 لو فرحك قرب وبتدور على قاعات افراح في القاهرة، فاحنا بنختصر عليك الوقت، وهنساعدك ونجمع لك قائمة كبيرة ومتعددة الخيارات ما بين القاعات الفخمة والرخيصة، اللي تناسب ميزانيتك.

عارفين طبعًا إن محافظة القاهرة مساحتها كبيرة جدًا، وفيها تنوع بين المستويات والثقافات. فمثلًا في قاعات افراح رخيصة وبسيطة، وفي قاعات افراح فخمة زي قاعات الفنادق الكبيرة.

وخلينا نفكرك إن المهم نحس بالفرحة وسط حبايبنا وأهلنا وأصحابنا، حتى لو كان الفرح في البيت. المهم إن اللي حوالينا يكونوا فرحانين بينا والفرحة ظاهرة في عنيهم. وما تنسوش إن الفخامة رفاهية ممكن نستغنى عنها.

وعلشان نوفر عليك البحث والتعب، هناخدك في جولة ونقدملك خيارات مختلفة تناسب ذوقك وميزانيتك.

قاعات افراح فخمة في القاهرة

إليك قائمة بأجمل فنادق القاهرة، ومنها فنادق 5 نجوم، واللي تحتوي على قاعات افراخ فخمة.

فندق تولين جولدن بلازا

الفندق موجود في القاهرة، على بعد 5 دقائق من سيتي ستارز، وكمان قريب من استاد القاهرة وقصر بارون امبان.

بيقدملك الفندق قاعة افراح فخمة، تستوعب حوالي 1000 ضيف. كمان موجود فريق بيساعدك على التخطيط لكل تفاصيل الفرح زي ديكورات القاعة، وشكل التورتة، وأنواع الورود وألوانها وأماكن توزيعها. وبيقدملك خيارات متعلقة بمعدات الصوت والصورة، في حالة رغبتك في استخدام ألعاب نارية مميزة.

الفندق كمان بيوفرلك فوتوغرافر وفيديوغرافر، علشان يسجل لحظات يومك المهمة. وطبعًا ما ننساش غرفة العروسة وأصحابها، بتكون مزينة بشكل جميل وراقي، تعرف تاخد فيها صور مميزة.

فندق جراند نايل تاور

لو كان حلمك تعمل فرحك على النيل، فالفندق دا الخيار المناسب، لأ فيه قاعات متعددة ومختلفة، فأكيد هتلاقي اللي يناسب ذوقك. وتعتبر قاعة ” فرحتي” الموجودة في الدور الخامس، أكبر قاعات الفندق بمساحة 1254 متر مربع، وتستوعب حوالي 900 ضيف.

ومهما كان عدد معازيمك وضيوفك، فهو مصمم لاستيعاب أعداد كبيرة من الأهل والأًصدقاء، وتقديم كل أشكال الرفاهية المطلوبة، علشان يحسوا بالتميز.

قاعة الفندق مميزة، تحتوي على طاولات جميلة وورود رائعة وطبيعية، وبالطبع قوائم طعام فخمة.

فندق ريتز كارلتون النيل

لو أنت من اللي بيحبوا لمسات الماضي العريق، ففندق ريتز كارلتون النيل الخيار المناسب، لأن فيه قاعات خارجية تطل على المتحف المصري الكبير. يعني تخيل معايا إن فرحك بالليل يكون تحت النجوم ونسيم الهواء الطلق، مع إطلالة عريقة تذكرك بأمجاد الماضي.. بالتأكيد شعور ساحر.

قاعات الفندق مصممة بشكل يحتوي أكثر من 1000 ضيف، وفي أكتر من قاعة زي:

جاردن سيتي: قاعة مفتوحة لو حابب فرحك يكون في الهواء الطلق ووسط الطبيعة، لأنه بيحتوي على حديقة جميلة جدًا، كلها أشجار وورود مميزة.

ألف ليلة وليلة: ودي طبعًا من أشهر قاعات افراح القاهرة، ومن أكثر من 50 سنة في آلاف الأفراح اتعملت فيه.

قاعة القاهرة: أكبر قاعة حفلات في وسط القاهرة، وبتتميز بديكورها الجميل زي النافورة الموجودة في مدخل القاعة، والإضاءة المميزة، وديكور الجدران الرائع. القاعة ممكن تستوعب 1200 ضيف من الأهل والأصدقاء.

فندق انتر كونتيننتال سيتي ستارز

قاعة السرايا الموجودة في الفندق أجمل قاعات القاهرة، ومصممة علشان تستوعب 2200 ضيف. القاعة متصلة بجناحين مخصصين للعرايس، بتوفر لهم الخصوصية والراحة والفخامة والرقي.

يتميز كل جزء من القاعة وخارجة بالفخامة زي السلالم الرخامية، والمدخل الواسع والفاخر، اللي يضمن لك زفة أسطورية تفتكرها طول العمر.

فندق فيرمونت نايل سيتي

لو حلمك تعمل فرحك في مكان فخم يجمع بين الطراز الكلاسيكي والعصري، والرومانسي، فطبعًا بنرشح لك قاعات فندق فيرمونت نايل سيتي. الفندق موجود على ضفاف النيل وكمان بيطل على الأهرامات وعلى أعلى حمام سباحة في القاهرة ” سكاي بول”.

ننصحك باختيار قاعة “ماجنتا”، اللي إطلالتها علي النيل، وكمان مزودة بتراس علشان تناسب كل الأذواق.

دا غير إن ممكن تعمل حفلة الفرح في أي مكان داخل الفندق، وموجود فريق تنظيم علشان يساعدك في تلبية رغباتك ويحقق أحلامك. وأهم نقطة، إن ممكن تعزم عدد كبير، فالمكان بيستوعب 3000 آلاف ضيف، وركن 500 عربية. والقائمين على التنظيم بيقدموا أعلى وأفضل خدمة للضيوف.

قاعات افراح رخيصة

نقدم لك قاعات افراح في القاهرة رخيصة وتناسب الفئات محدودة الدخل. وبتوفر لك كل أجواء الاحتفال والفرحة مع مساحات تستوعب كل معازيمك، وكمان ديكورات مميزة. في منها إطلالته على النيل، ومنها على يخوت، ومنها فلل للإيجار للأفراح في القاهرة.

فيلا الرماية

لو حابب يكون فرحك في فيلا مع مساحة خضراء وحمام سباحة، بحيث تكون الطاولات موزعة على العشب حوالين حوض المياه، فطبعًا بنرشحلك فيلا الرماية. الفيلا موجودة في شارع يوسف الدجوي في مصر القديمة، ومجهزة علشان تستوعب من 100 إلى 300 ضيف.

يعتبر سعرها منخفض مقابل اللي بيقدمه لك القائمين عليها من مساحة وديكورات، وكمان مكان للتصوير.

قاعة قطر الندى

القاعة موجودة على باخرة نيلية، خلف حديقة الأندلس، ويمين كبري قصر النيل. لو حلمك يكون فرحك وسط النيل وميزانيتك محدودة، فأكيد هي الخيار الأنسب. تخيل أن يكون أجمل يوم في حياتك وسط النيل تحت النجوم، رومانسية لا يمكن نسيانها.

سعر القاعة منخفض جدًا، ويتضمن ( كوشة، دي جي، تصوير فيديو، شاشة عرض، مسرح بإضاءة خاصة، وشربات العروسين ). وممكن تضيف تورتة، زفة معينة على حسابك الخاص. القاعة ممكن تستوعب 200 شخص.

فيلا الأميرة

الفيلا من أفضل قاعات افراح المريوطية، مساحتها معقولة، وفيها أشجار نخيل وحمام سباحة. كمان بيقدم لك القائمين عليها كل مستلزمات الفرح زي الكوشة والديكورات، دي جي، تصوير فيديو، مؤثرات صوتية ومرئية، وضيافة الفرح.

قاعة اللؤلؤة

افضل قاعات افراح مدينة نصر، وهي واحدة من قاعات ضيافة البنك الأهلي. القاعة جميلة ومناسبة لميزانيتك المحدودة، بتتميز بديكوراتها الرائعة وممر للعروسة مفروش بالسجاد الأحمر، يشبه ممر الملكات.

كمان موجود فريق خاص بتنظيم الأفراح بيساعدوك في اختيار أدق تفاصيل يومك زي الديكورات، الضيافة، الدي جي، منصة رقص، مؤثرات صوتية ومرئية. والأهم إن فيها أوضة للعروسة، وأوضة لاستقبال الضيوف.

 قاعة فيلا محمد جبر

من أجمل قاعات أفراح في القاهرة، الحديقة مصممة بشكل طبيعي، في نصها بركة مياه شبه البحيرة. والفيلا فخمة ومميزة، بتضيف على احتفالات الفرح روعة وتميز. كمان ممكن تعملوا فيها فوتو سيشن كله إطلالات تشبه الحكايات، بسبب النخيل الملفت للنظر وتصميم الفيلا الفريد من نوعه.

دا غير إن الحديقة عبارة عن قسمين على جانبي البركة، وكل قسم يتسع 150 شخص، وله مرافق خدمية خاصة به زي، المطبخ، التواليت.

قاعة كريستال

هي واحدة من قاعات دار ضيافة البنك الأهلي، بتستوعب 300 شخص. وبتحتوي على نفس خدمات قاعة اللؤلؤة، بالإضافة لديكورها المختلف والمميز، خاصة وجود ثريا ضخمة تزين السقف، وستائر ملكية وأعمدة مزينة بالديكور، وأرضية فاخرة من الرخام.

قاعة ليالي

مناسبة للمناسبات الصغيرة زي الخطوبة وكتب الكتاب، وبتستوعب 100 شخص فقط. ديكوراتها وخدماتها جيدة، وبتحتوي علي كوشة للعروسة، دى جي، تصوير فيديو، ليزر وشاشة عرض.

القاعة سعرها منخفض للغاية، لكن لو عندك رغبة في إضافة تعديلات أو أشياء خارج الخدمات المتوفرة السعر بيرتفع.

اقرأ أيضًا: تجهيزات العروسة يوم الفرح 2024