في 4 خطوات فقط… ازاي تختاري المرطب المناسب لبشرتك؟

شكلك ومظهرك عامل أساسي ومهم في ثقتك بنفسك سواء قبل الفرح وبعده، ودة بيبدأ من الاهتمام ببشرتك أنها تكون في نضارة وترطيب مستمر. وفي المقال دة هنتكلم عن المرطب الخاص بالبشرة، وازاي تعرفي أنك بتستخدمي النوع المناسب. 

مرطب البشرة

هو مستحضر طبي وتجميلي، وهو لا غنى عنه في روتين يومك، والغرض منه الترطيب في حالة جفاف البشرة، وبعض الحالات المرضية اللي هنتكلم عنها في باقي المقال. 

أسباب جفاف البشرة

• بعض الأمراض الجلدية على سبيل المثال: الأكزيما والصدفية والتهابات الجلد الشديدة بسبب حرارة الشمس أو البشرة المعرضة للحبوب. 
• جفاف الجو أو الرطوبة المرتفعة.
• غسل الوجه باستمرار. 
• استخدام منتجات غير مناسبة لنوع بشرتك، واللي تؤدي لتدمير حاجز البشرة. 

فائدة المرطب لبشرتك

• احتفاظ طبقات بشرتك بالماء وعدم تبخرها بسهولة، لأن تبخرها يؤدي إلى جفافها. 
• إصلاح حاجز البشرة المتضرر. 

ازاي تختاري المرطب المناسب لبشرتك ؟

ودة أهم سؤال في المقال، وده له عوامل كتيرة على سبيل المثال:

• الجو والموسم زي الصيف أو الشتاء. 
• مكونات المرطب اللي قررتي تستخدميه. 
• مرطب يحتوي على معامل حماية من الشمس SPF ويكون 30 فأعلى. 
• نوع البشرة وده اللي هنتكلم عنه دلوقتي. 

أنواع البشرة

العادية: وهي بشرة لا تعاني من أي مشكلة سواء جفاف أو زيوت. 

الدهنية: هي البشرة اللي مليئة بالزيوت، وبتلاحظي وجود لمعان فيها، وغالبا بتكون معرضة للحبوب. 

المختلطة: وفيه جزء منها دهني وهي منطقة الجبهة والأنف والذقن وتسمي أيضا ب T zone وبيكون فيه لمعان، وباقي البشرة يكون عادي أو جاف، وفي الغالب معرضة للحبوب أيضا. 

الجافة: وبتكون بشرة باهتة، وممكن تلاحظي وجود لون أبيض على سطحها؛ لأنها تفقد الماء على سطحها معظم الوقت. 

خللي بالك من الخطأ ده! 

مفيش نوع بشرة اسمها البشرة الحساسة؛ لأنها بتكون صفة لنوع البشرة الأصلي اللي قولناها من شوية. 

اختيار نوع المرطب المناسب

إذا كانت بشرتك عادية: ممكن تستخدمي كل أنواع مرطب البشرة من غير ما يحصل أي مشكلة. 

لو بشرتك دهنية أو مختلطة أو معرضة للحبوب acne prone skin: استخدمي المرطب اللي في شكل چيل gel لأنه خالي من الزيوت اللي بتسد المسام، وبالتالي ممكن تتكون الحبوب.

وافضل مرطب للبشرة الدهنية: يحتوى على الهيالورونيك أسيد hyaluronic acid و مرطب للبشرة المختلطة: يحتوي على الدايميثيكون dimethicone. 

لو بشرتك جافة: استخدمي المرطب على شكل كريم cream واللي بيكون ملمسه تقيل شوية. 

مثل: زبدة الشيا shea butter، والسيراميد ceramide، والجلسرين

glycerin، والزيوت الطبيعية.

مثل: زيت جوز الهند وزيت بذور العنب وزيت الزيتون والفازلين. 

لو بشرتك حساسة: استخدمي منتج خالي من العطور fragrances ويحتوي على مواد طبيعية. 

مثل: چيل الصبار أو الكاموميل. 

فيه سؤال مهم بنات كتير بتسأل عليه وهو عن كريمات السيكا أو cica cream: 

ما هو كريم السيكا؟

هو مستحضر علاجي لعلاج وترميم حاجز البشرة المتضرر سواء من الشمس أو استخدام منتجات غير مناسبة للبشرة وعلاح الأكزيما والصدفية والحبوب والندبات. 

مميزات منتجات السيكا

• أصلها طبيعي من نبات centella asiatica (السنتيللا). 
• مناسبة للبشرة الحساسة. 
• تعمل على استعادة كولاجين البشرة وبنائه مرة أخرى. 

تعليمات استخدام مرطبات البشرة 

• خللي بشرتك مبللة قليلا عند استخدامه. 
• استخدمي غسول مناسب لنوع بشرتك قبل الاستخدام المرطب؛ لأن الاتنين لا غنى عنهما. 
• استخدمي المرطب مرتين يوميا. 

ونصيحة مهمة لازم تحطيها في الاعتبار وهي أن مفيش قاعدة عامة للمرطب ودة لأنه يختلف حسب كل شخص ونوع كل بشرة.

يعني على سبيل المثال: مش شرط صاحبتك استخدمت نوع مرطب كويس وجاب نتيجة معاها أنه هيجيب نفس النتيجة معاكي. 

اقرأ أيضا: خمس حاجات تزود جمالك قبل الفرح.