فيتامينات قبل الزواج للبنات: اهم ٣ فيتامينات للبنات

هو فيه فيتامينات قبل الزواج للبنات؟ وهل هي مفيدة فعلاً وبتجيب نتيجة؟ مرحلة الزواج واحدة من المراحل ال بيتجهزلها الإنسان بداية من ميلاده، وده لأنها سنة الحياة.

وصحيح ان علاقة الزواج بتكون مشاركة بين الشاب والبنت، إلا ان البنت بيكون عليها حِمل أكبر من الشاب.

وده لأنها بتكون عمود البيت، هي الزوجة المطلوب منها نضافة البيت المستمر، والأكل المتنوع كل يوم، وصلة الرحم للاهل وأهل الزوج. وهي الأم ال بتحمل وتولد وتربي. وغيرها من المراحل في الحياة الزوجية وال بتحتاج من البنت صحة سليمة ومتأسسة.

اهم ٣ فيتامينات للبنات

افضل مكمل غذائي للبنات ممكن نجمعه من اهم 3 فيتامينات وهم: المغنيسيوم وفيتامين د واوميجا 3. لانهم بيكملوا بعض وبيدعموا صحة الجسم والنفسية.

فيتامين د – vitamin D

فيتامين د هو واحد من اهم فيتامينات قبل الزواج للبنات لأنه بيساعد في:

• امتصاص الجسم للكالسيوم وبالتالي بيقوي العظام.
• بيقلل من خطر الاصابة بهشاشة العظام ، ودي بتزيد مع الحمل والرضاعة بسبب سحب الجنين للكالسيوم والفيتامين من الدم.
• بيدعم مناعة الجسم والتقليل من الإصابة بالعدوى والامراض المناعية، خصوصًا ان المناعة بتقل في فترة الحمل.

وممكن نحصل على نسبة كويسة من فيتامين د عن طريق التعرض للشمس وده بجهل أهمية فيتامين د وفوائده. ولأن أغلبنا مبنتعرضش الشمس فترة كافية، فلازم نعوض فيتامين د من العناصر الغذائية زي السمك (التونة والسلمون).

ويتواجد في الحليب (اللبن)، وصفار البيض، والحبوب (الفاصولياء، والفول، والبسلة ….). وتقدري تستخدمي فيتامين د من الصيدلية وتاخدي الجرعة المناسب على حسب عمرك واحتياجات جسمك.

ويفضل استخدام أدوية فيتامين د بعد ما تعملي تحاليل طبية تأكد ان عندك نقص فيتامين د علشان زيادته مضرة.

المغنيسيوم

يعتبر المغنيسيوم من اهم ٣ فيتامينات للبنات لأنه بيدخل في كل أنشطة الجسم تقريبًا، فبيساعد على:

• تكوين البروتين، المهم في تكوين العضلات.
• بيدعم صحة العضلات وقوتها.
• التعزيز من صحة الأعصاب.
• تعزيز صحة العظام.
• التحكم في نسبة السكر في الدم.
• تقليل التوتر، خصوصًا في فترات التبويض والدورة الشهرية وفترة الحمل والولادة والرضاعة الطبيعية.
• بيساعدك على النوم بشكل صحي، وبيقلل من الأرق.

ولأن المغنيسيوم مهم جدًا لصحة البنات والشباب، لازم يكون عنصر اساسي في الاكل. في الخضروات الورقية(الجرجير، والفجل، والخس …)، و المكسرات والحبوب الكاملة. وتقدري تحصلي عليه من المكملات الغذائية في الصيدلية.

اوميجا ٣ – omega 3

عنصر اوميجا 3 هي دهون مشبعة بتتواجد في الأسماك الدهنية زي التونة والسلمون. وتعتبر من اهم الفيتامينات المساعدة في دعم صحة الدماغ، وتقوية الذاكرة، وتعديل المزاج وغيرها من الفوائد زي:

• دعم الصحة العامة وتقليل خطر الاصابة بالأمراض المزمنة.
• تقليل الالتهابات.
• تقليل اعراض الاكتئاب.

حمض الفوليك للبنات قبل الزواج

يعتبر الفوليك أسيد، أو حمض الفوليك، أو فيتامين ب9 من اهم فيتامينات قبل الزواج للبنات خصوصًا لو في تخطيط لحمل بعد الزواج على طول. وده لأنه بيساعد في منع العيوب الخلقية للجنين وال بتحصل في الشهور الاولى من الحمل.

بالإضافة ان حمض الفوليك بيقلل من خطر الولادة المبكرة. علشان كده بينصح دكاترة النساء والتوليد باستخدامه لو فيه تخطيط للحمل. وكونك عروسة جديدة فممكن تبدأي تستخدميه كعلاج حباية واحد في اليوم.

بنسبة كبيرة بيتواجد الفوليك اسيد في الأكل والخضروات الورقية زي السبانخ، واللحم البقري، والفراخ (الدجاج)، والفاصوليا، والبرتقال. علشان كده لازم تهتمي بصحتك وبأكل الخضروات بالأخص.

فيتامين ب١٢ للبنات قبل الزواج

تعتبر مجموعة فيتامينات ب زي فيتامين ب٩ (حمض الفوليك) وفيتامين ب١٢ وغيرهم من أهم فيتامينات قبل الزواج للبنات، أو السيدات ال بتخطط للحمل.

وده لأنهم بيساعدوا في تكوين خلايا الدم الحمراء، وهنا بييجي دور فيتامين ب١٢ لأنه بيدعم صحة الخلايا العصبية وبيساعد في تكوينها في الجنين بشكل صحي. وكمان بيساعد فيتامين ب١٢ في انخفاض معدل ولادة جنين قليل في الوزن.

وتقدري تهتمي بمعدل فيتامين ب١٢ في جسمك من خلال أكل صحي، لأنه بيتواجد في المنتجات الحيوانية بنسبة كبيرة زي الحليب، والخميرة، والفراخ، والبيض، والكبد. وتقدري تستخدمي فيتامينات ب١٢ في الصيدلية لدعم الناقص في جسمك.

افضل مكمل غذائي للبنات

لو عاوزة تعرفي ازاي تهتمي بتغذية صحية أثناء التجهيز للفرح؟ فاحنا ممكن نجمع افضل مكمل غذائي للبنات عن طريق الفيتامينات دي:

• فيتامين د.
• فيتامي ب١٢.
• المغنيسيوم.
• الزنك.
• اوميجا ٣.
• الحديد في حالة نقص نسبة الهيموجلوبين في الدم.
• الكالسيوم في حالة نقص الكالسيوم في الدم.

ولأن أغلبنا مش بيعمل تحاليل طبية قبل ما ياخد مكملات غذائية وده طبعًا غلط، فممكن نهتم بطريقة أكلنا، ونركز على الأطعمة وتنوعها، وكمان ممارسة الرياضة ال بشكل كبير بتساعد في امتصاص الجسم للفيتامينات والعناصر الغذائية. والمأكولات الصحية زي:

• الخضروات الورقية ( الجرجير، والفجل، والسبانخ، والبصل الاخضر، والخس)
• اللحوم والدواجن.
• منتجات الألبان.
• البيض.
• الأرز والقمح.
• البقوليات (الفاصوليا، والفول، والبسلة، واللوبيا).
• الفواكه والعصائر الطبيعية ويفضل من غير سكر او بسكر قليل.
• الاسماك الدهنية زي السلمون والتونة.

المصادر:

https://womenshealth.gov/healthy-eating/how-eat-health/vitamins-and-minerals-women