فلل للأفراح في القاهرة إزاي تختارو الأنسب ليكم

ليلة العمر محتاجة تتشاركم في اختيارتكم عشان تبقى أجمل ليلة. وطبعًا اختيار مكان الفرح من أهم الأمور اللي لازم تركزوا فيها عشان فرحتكم تكمل. وهنا هنعرفكم أماكن فلل للأفراح في القاهرة وتختاروا منها اللي يناسب ذوقكم.

إزاي تختاروا الفيلا المناسبة للفرح؟

من بين كل الأماكن اللي هنعرضها هتحتاروا تختاروا ايه، لكن لو حددتم احتياجاتكم هتقدروا تختاروا بسهولة. واحتياجتكم ممكن تحددوها من خلال شوية أساسيات، منها على سبيل المثال:

عدد الضيوف اللي هيحضروا الفرح

أكبر مشكلة هتقابلكم وانتم بتختارو من بين أفضل فلل للأفراح في القاهرة إن مش كل الفلل بتستوعب عدد كبير. فلازم تسألوا عن تفاصيل وأعداد الضيوف اللي متاح يحضروا الفرح، لإن بعض الفيلات بتسمح بدخول عدد أكبر من عدد الكراسي بدون حد أقصى. وبعضها بيأكد على الالتزام بعدد الكراسي فقط دون السماح بأي زيادة في الضيوف أو زيادة في عدد الكراسي.

الخدمات المتوفرة في الفيلا

بتختلف الخدمات المتوفرة حسب احتياجات كل عروسين أو حسب اتفاقهم مع إدارة الفيلا. عشان كدا شوفوا ايه الخدمات اللي ممكن تحتاجوها، سواء في تجهيزات الترابيزات أو الكراسي. أو حتى الأغاني وأجهزة الصوت وتجهيزات الإضاءة، وطبعًا تفاصيل غرف العروسين.

أماكن تصوير السيشن

المفروض حاليًا كل فلل لللأفراح في القاهرة وغيرها من المحافظات بتوفر أماكن للتصوير. بحيث مكان الفرح يبقى نفسه مكان السيشن ومكان استعداد العروسين. وبكدا بيتوفر ليهم الوقت ويرتاحوا من التنقل من مكان لمكان. فلو حابين تعملوا السيشن في الفيلا يبقى ضروري تتأكدوا من توافر أماكن مناسبة وتشوفوها بنفسكم قبل الفرح.

فلل للأفراح في القاهرة – العبور

معروف إن معظم الفلل بتكون في مساحات بعيدة عن المناطق السكنية، عشان موسيقى الفرح متسببش إزعاج. فللأسف بتكون بعيدة عن الأهل والأصدقاء، فعند اختيار المكان اختار المنطقة الأقرب للمعازيم. ودلوقتي هنقولك فلل للأفراح في القاهرة في نطاق العبور وما حولها.

• فيلا فري بيرد: في منطقة العبور مساحتها كبيرة جدًا، فيها أكثر من مكان لحفل الزفاف. تستوعب من 300 وحتى 500 فرد مع خدمات شاملة حسب الاتفاق. متاح فيها إقامة الفرح بجوار حمام السباحة، ولكن مع تحذيرات بعدم وجود أطفال أو بضوابط معينة.
• فيلا دايموند: موجودة في بوابة 5 العبور، وبتوفر مكان لإقامة الفرح في حديقة، وداخل مكان مقفول، وجانب حمام السباحة. بتستوعب حوالي 300 فرد على الترابيزات، ولكن السعة العامة 500.

فلل للأفراح في القاهرة – 6 أكتوبر

• فيلا روز: مكان جميل جدًا ومساحته واسعة، تقدرو تعملو فيه فرح مميز. خاصة وإن فيه حديقة واسعة لفرح في الهواء أو تختارو قاعة داخلية. وفيها خدمات إضافية كتير زي تنسيق الزهور بشكل خاص لديكور الفرح أو كتب الكتاب. الفيلا في الحي المتميز في أول 6 أكتوبر لو من ناحية المحور.
• فيلا دريم: من أكثر الفلل اللي عليها إقبال في 6 أكتوبر. بسبب مساحتها وتنسيقها الرائع وبتقدم خدمات متعددة منها تصوير داخلي وسيشن الفرح. مكانها قريب من ميدان جهينة في منطقة الحزام الأخضر.

فلل للأفراح في القاهرة – المريوطية

من أول وأشهر المناطق اللي بدأت فيها إقامة حفلات الزفاف في فيلا أو مساحات مفتوحة. وعشان كدا هتلاقو فيها عدد كبير جدًا من الفلل للأفراح تختارو منها الأنسب.

• فيلا الريفيرا: جوها هادي وطبيعي ومميز جدًا. وطبعًا أهم حاجة إن مساحتها واسعة وتستوعب عدد كبير. وفيها كمان قاعة داخلية ودي مناسبة جدًا للأفراح في الشتاء. سهل الوصول ليها في منطقة المريوطية.
• فيلا النخيل: دي بقى للي عايز أجواء طبيعية وفخمة في نفس الوقت. ديكوراتها فخمة وتفاصيلها جميلة وخدماتها متكاملة. والمساحة تساعد على إقامة أفراح كبيرة سواء في القاعة أو الحديقة الخارجية. موجودة في منطقة المريوطية على طريق سقارة السياحي.

دلوقتي اختيار أفضل فلل للأفراح في القاهرة يعتمد عليكم، لازم تعاينو المكان وتشوفو الخدمات وموقعه قبل الاتفاق.

اقرأ أيضًا: أماكن لفرح على النيل الموقع والأسعار.

اقرأ أيضًا: أماكن بيع بدلة الفرح في القاهرة والجيزة.