فساتين فرح محجبات رقيقة أفضل تصاميم واكسسوارات

مفيش أهم من يوم الفرح للعروسة وخاصة فستان الفرح، فلو بتدوري على فساتين فرح محجبات رقيقة ومحتاجة تعرفي أماكن بيع وتفصيل وكمان أماكن بيع مكملات فساتين الفرح هنقولك على كل دا بالتفصيل.

أماكن بيع فساتين فرح محجبات رقيقة في مصر

في مصر هتلاقي فساتين رقيقة جدًا تبدأ من 5 آلاف جنية وحتى أكثر من 500 ألف جنية. على حسب مكان البيع أو المصمم اللي هتشتري منه الفستان، فعلى حسب الميزانية أو التصميم اللي تحبيه هتحددي المكان اللي هتشتري منه.

أماكن بيع في عباس العقاد

في شارع واحد فقط هتلاقي أكثر من 100 محل متخصص في بيع فساتين فرح محجبات رقيقة جدًا. بكل التصاميم الجديدة الكلاسيكية والمودرن، ولو ليكي تصميم معين أو موديل محدد هتلاقيه بكل سهولة. ومن أشهر محلات فساتين فرح في عباس العقاد سواء ملكية أو رقيقة وبسيطة محل إيليت للمحجبات.

مصممين أزياء لفساتين محجبات

في مصممين كتير جدًا في مصر بيقدموا تصاميم راقية ومميزة تناسب المحجبات وغير المحجبات. لكن بما إنك بتدوري على فستان محجبات هتلاقي اللي تحتاجيه مع مصمم الأزياء كريم زافا ومكانه في الزمالك. كمان المصمم الشهير إسلام سعد وهاني البحيري بيقدموا فساتين محجبات ولكن أكيد هيكون سعرها مرتفع.

أماكن بيع فساتين سعر الجملة

في أماكن هتلاقي فيها فساتين محجبات رقيقة جدًا ولكن ممكن خامتها أقل من فساتين عباس العقاد. وممكن تلاقي فساتين سوري أو تركي في منتهى الرقة على حسب المتوفر في المحلات المتواجدة في الموسكي والوكالة في الشوارع الخاصة ببيع فساتين زفاف وخطوبة.

أماكن تفصيل فساتين فرح محجبات رقيقة

لو في تصميم في دماغك محتاجة تنفذيه بشكل دقيق جدًا يبقى نتجه لورش تفصيل فساتين الفرح، ودي منتشرة جدًا في أماكن متفرقة في مصر. لكن هنركز بشكلٍ أساسي على ورش التفصيل في القاهرة الكبرى.

• دار أزياء فادي: ودا من الأماكن اللي ليها أسم في مجال تفصيل فساتين الزفاف والمناسبات، ومكانه في وسط البلد.
• محلات الجمل: من أقدم محلات متخصصة في تفصيل وبيع وتأجير فساتين الزفاف في مصر، له فروع كتير ولكن الورش هتلاقيها في منطقة العتبة.
• أتيليه عادر رزق: متخصص في تفصيل فساتين الزفاف وخاصة اللي فيها تطريزات كتير. بيوفر للعروسة خامات تطريز وخامات فساتين متنوعة تختار منها الأنسب ليها، ومقره في شارع شهاب بالمهندسين.

أفكار تطريز فساتين فرح محجبات رقيقة

لو محتارة في نوع التطريز اللي هتختاريه للفستان هنساعدك تتعرفي على أنواع التطريز واستخداماته، عشان تحددي الأنسب ليكي ولذوقك:

• اللؤلؤ الناعم: حجمه صغير وبيدي إضاءة نعمة غير ملفتة، يستخدم لتطريز الوسط والظهر، أو الأكمام، أو في طرحة العروسة.
• الأزهار: ومعروفة بالتطريز الفلوري، بيكون متخيط في الفستان باستخدام فص لؤلؤ صغير. الشكل النهائي مبهر جدًا خاصة مع استخدامه على صدر الفستان أو على الداتنيل في الأطراف.
• فصوص ذهبية: متوفرة بأشكال كتير هتناسب الفساتين اللي لونها كريمي أو أوف وايت، بيستخدم لتطريز أطراف الفستان أو طرف الطرحة، بيزيد من فخامة ورقي ورقة الفستان.

مكملات أساسية لفساتين الفرح وأماكن بيعها

عشان تقدري تكملي أناقتك يوم فرحك هنقولك على أساسيات مكملات الفستان وتقدري تشتريها منين:

• الطرحة: لو مش متوفرة مع الفستان اللي هتشتريه ممكن تختاري اللي يناسبك من طرح دانتيل أو تُل، من محلات كتير زي حجاب فاشون في طلعت حرب في وسط البلد.
• التاج والاكسسوارات: سواء هتلبسي تاج أو هير بيس تقدري تختاري كل اللي تحتاجيه من محلات النمرسي المنتشرة في أماكن كتير في القاهرة زي العتبة ووسط البلد ومدينة نصر. أو محلات بلاتينوم في مول العرب هتلاقي عندهم تشكيلة متنوعة وراقية من الاكسسوارات.
• الأحذية: عشان تختاري حذاء مناسب لستايل فستانك هتلاقي تصاميم كتير في شارع طلعت حرب في وسط البلد وتقريبًا في كل مول أو منطقة حيوية في القاهرة. ممكن تختاري من محلات ديكازا في عباس العقاد، أو بيكسي، أو غيرهم.

كل التفاصيل البسيطة في فساتين فرح محجبات رقيقة هتكمل إطلالتك وهتساعدك تكوني أجمل عروسة.

اقرأ أيضًا: فساتين زفاف ملكية للمحجبات لتكوني ملكة متوجة

اقرأ أيضًا: ديكورات تصوير لدبلة الفرح تقدروا تنفذوها بنفسكم بدون فوتوجرافر.