فرح بالنهار أو عادي! ليه أعمل فرح بالنهار؟ وليه بالليل؟
فرح بالنهار أو عادي؟ مش عارفة تختاري المناسب ليكي؟ تعالي اقولك مميزات كل واحد فيهم، وامتة تختاري الفرح بالنهار وامتة يكون مناسب تختاريه بالليل.
مميزات الفرح بالنهار
بنختار نعمل فرحنا بالنهار علشان اسباب كتيرة متعلقة بالصور، والمعازيم والوقت ال هنقضي فيه الفرح ولازم ناخد بالنا من أخطاء يوم الفرح. علشان كده تعالوا نعرف مميزات الفرح بالنهار:
الاستعداد للفرح
الوقت ال بتقضيه العروسة في انتظار الميكب ارتيست لانها تاخد وقتها في تجهيز نفسها من اختيار تسريحة الشعر، للمكياج والالوان ال هتليق على وشها. وحده اختصارًا لانها تخصص يوم تعمل فيه بروفا على اللوك المناسب.
وقت الفرح
من مميزات الفرح النهاري إن وقت الفرح مش مرتبط بوقت معين، يعني مش لازم نخلص الفرح بسرعة علشان الوقت متأخر.
أو إن المعازيم اغلبهم شباب وفيه بنات وأسرة فيها اطفال فهيكون صعب الاستمرار في الفرح للوقت المتأخر. ودي ميزة الفرح بالنهار ان الوقت مفتوح قدامك لفرحة كبيرة.
صور الفرح
مع اختلاف سيشن الفرح من صور، وريلز للفرح، وفيديوجرافز بيكون الفرح النهاري أفضل من حيث الاضاءة علشان تاخد صور وذكريات جميلة. والوقت بيكون قدامك كبير مش هيتأثر بتأخير الفوتوجرافر، أو تأخيرك في البيوتي سنتر.
كمان إمكانية التصويت في لوكيشن مفتوح طبيعي أو غير طبيعي، ودي ميزة واضحة للفرح بالنهار. وكمان فرصة كويسة لتصوير ذكريات اصحاب العريس والعروسة، واتخاذ وضعيات صور مبتكرة.
انخفاض التكلفة
طبعًا جميع الافراح مكلفة جدًا من بداية التخطيط للفرح وحتى شهر العسل، لكن احتمالية انخفاض التكلفة في الفرح النهاري موجودة. وحده لأن قاعات الافراح بتكون مليانة في فترات الليل وعلشان تلاقي ميعاد كويس خصوصًا في موسم الافراح بيكون صعب والتكلفة عالية.
ولأن القاعات اغلبها متأخر بالنار سيكون امر سهل تلاقي ميعاد، وكمان فرصة تتشاور في الاسعار وتخفيض التكلفة.
التخلص من الإرهاق والتوتر
الفرح النهاري بيتميز إنه بيعطيك وقت لكل شيء ، وبدون ضغط ال6 ساعات بتوع الليل. وحده مفيد جدًا للتخلص من الارهاق و التوتر قبل الزواج.
كمان بيعطي وقت العرسان يقضوا باقي اليوم مع بعض من غير تعب، لأنه كان يوم عادي وطبيعي من بدايته لآخره.
مميزات الفرح بالليل
الفرح العادي أو الفرح بالليل زي ما بيحتمل صعوبات وتحديات كمان بيحتمل مميزات وهي:
الاستعداد للفرح
افراح الليل مفيدة في وقت الاستعداد للفرح خصوصًا لو مكان البيوتي سنتر والقاعة بعيد عن سكن الزواج والمعازيم. وعلشان كده بيكون نهار يوم الفرح ضايع في الاستعداد و تجهيزات العروسة يوم الفرح. وفرصة كويسة لوصول المعازيم بعد الانتهاء من شغلهم.
تصوير الفرح
الليل هو الفترة المناسبة لتصوير رومانسي خصوصًا في الفترة قبل الغروب، توظيف الوقت الرومانسي ده لصور مميزة. وطبعًا مع الاهتمام بتأكيد ميعاد وصول الفوتوجرافر.
دخول الفرح
لحظة دخول للعروسين للفرح الليلي بتكون مميزة وكلاسيكية وسط الأنوار، والنحوم خصوصًا لو القلعة مفتوحة في فصل الصيف.
كمان الفرح بالليل بيعطي افكار مبتكرة الدخول العروسين من ممرات بالشموع، أو الورد وفقرة رقص الاطفال باليه وغيرها. مع رقصة السلو بين العروسين في أجواء رومانسية.
حضور المعازيم
الفرح من غير معازيم ميكونش فرح، وميزة الفرح بالليل إنه بيعطي فرصة لكل الضيوف ال تحب يكونوا معاك في ليلة العمر انهم يتواجدوا.
وكمان لو حطينا احتمالات إن فيه ناس من مدن بعيدة، أو ناس بتخلص شغل متأخر، ومدارس وغيره. علشان كده بيكون قدامهم فرصة النار يوصلوا في وقت الفرح ويقضوا وقت حلو معاكم.
في النهاية، في كل الحالات لو اخترت فرح نهاري أو عادي بالليل، لازم تكون عارف متطلباتك وازاي تكون فرحان في ليلة العمر، وعلى كده هتختار ال يناسبك.
المصادر:
هل محتوى المقال دة كان مفيد بالنسبة لك؟
نعم، مفيد!لا!
ضحى حمادة
المقالات: 17اقرأ اكتر، مقالات مفيدة!
شغالين على حاجة جديدة
وهننطلق قريب اوي … استنونا