علاج الشعر الخفيف والمتساقط

بتبتدي رحلة البحث عن علاج الشعر الخفيف والمتساقط عند اللحظة ال بتظهر فيها فراغات في فروة الرأس، أو الإحساس بإن الشعر خفيف. ومن الحاجات ال بتضايق البنت قبل الفرح هو الشعر الخفيف.

وتساقط الشعر، لأن مظهر العروسة بيتأثر بالشعر الخفيف. وبيمتد التفكير لبعد الفرح وظهورها قدام جوزها لأن كل بنت تحب تبان في أحسن صورة في عيون زوجها.

وضروري نعرف إن من الطبیعي إنك تخسري شویة شعر كل یوم ده جزء من دورة نمو الشعر الطبیعیة، یعني الشعر بیطلع ویقع في نفس الوقت. حتى لو بتعملي روتين العناية بالشعر الصحي.

ومعظم الناس لما الشعر یقع یرجع ینمو عندھا تاني، وده بیخلي فروة الرأس فيها شعر كتير، لكن في بعض الأحیان، بيحصل تغيرات وأسباب تأثر على دورة ظهور الشعر، وده بيتسبب في تساقط الشعر بزيادة من غير ما يطلع شعر جديد.

اسباب تساقط الشعر

أغلب الناس ممكن یفقدوا لحد 100 خصلة شعر في الیوم، وده شيء طبیعي لأن الشعر بیطلع من تاني عشان یعوض الشعر المتساقط. لكن لو بدأت تلاحظ إن الشعر بیتساقط بشكل أكتر من الطبيعي، أولازم تعرف الأسباب وتعالجها.

والتساقط ده مش مقتصر على النساء فقط، لكن ممكن یحصل للرجال والأطفال كمان. وفيه أنواع وأسباب مختلفة لتساقط الشعر لازم نعرفها قبل علاج الشعر الخفيف والمتساقط، وأشهرها:

• العامل الوراثي: زي ما تقول “الجینات بتلعب دور، يعني لو فيه تاريخ عائلي لحد من الأهل كان بيعاني من تساقط الشعر، ممكن تكون سبب تساقط شعرك بغزارة، خصوصًا لو كان صلع وراثي.
• العدوى الفطریة في فروة الرأس: وال بتحصل لما الفطریات تأثر على الشعر وتخليه یتساقط.
• تسریحات الشعر المشدودة: زي الضفائر أو الوصلات أو دیل الحصان الضیق، الحاجات دي ممكن تسبب تساقط الشعر مع الوقت.

• المعالجات الكیمیائیة: زي تمویج الشعر أو تفتيحه، وكمان في حالة استخدام مواد قاسیة كتیر على الشعراية. وده ممكن يتسبب في ضرر فتلة الشعر.
• التغیرات الھرمونیة: زي الحمل، الولادة، أو انقطاع الطمث، الھرمونات لیھا دور كبیر في تساقط الشعر.
• العلاجات الطبیة: زي العلاج الكیمیائي أو بعض الأدویة، واللي ممكن تؤدي لتساقط الشعر.
• نقص التغذیة: خصوصًا لو مش بتاخد كفایتك من الحدید أو البروتین، ده ممكن یأثر على صحة الشعر.
• الضغط النفسي بسبب فقدان شخص عزيز، أو حدوث صدمة نفسية لأي سبب ممكن تأثر بشكل كبير في تساقط الشعر.

أعراض تساقط الشعر المرضي

التساقط بیظھر بطرق مختلفة، ونسب متفاوتة على حسب السبب، ولازم نعرف أعراض تساقط الشعر المرضي زي الصلع الوراثي قبل البحث عن علاج الشعر الخفيف. والأعراض بتكون:

• تراجع خط الشعر: وده غالبًا بیظھر في الصلع الذكوري.
• تساقط الشعر في كل الرأس: ده بیكون غالبًا في تساقط الشعر عند النساء، والصلع الوراثي عندهم.
• تساقط الشعر في بقع صغیرة: ممكن تلاحظ أماكن معینة في فروة الرأس شعرھا مش موجود.
• تساقط الشعر من الرأس والجسم: ده بیحصل في بعض الحالات ال بتحتاج كشف وفحوصات ضرورية لمعرفة السبب.

علاج الشعر الخفیف عند البنات في المنزل

في بعض الأحیان، الشعر ممكن ینمو لوحده تاني، لكن لو الموضوع مش بیتحسن. فلازم تلجأ لـ علاج الشعر الخفیف والمتساقط عشان یساعد في تقلیل التساقط أو یحفز النمو. وفيه خیارات كتیر لعلاج الشعر الخفیف عند البنات في المنزل زي:

• المینوكسیدیل (روجین): ده علاج الشعر الخفيف الأشهر، خصوصًا في بدایات المشكلة، وبتحط المینوكسیدیل على فروة الرأس مرة أو مرتین في الیوم.
• العلاج باللیزر المنزلي: عن طريق استخدام أجھزة زي القبعات والأمشاط اللیزریة اللي ممكن تشتریھا وتستخدمھا في البیت. ورغم إن الدراسات في الموضوع ده قلیلة، إلا إن النتائج كانت ممتازة.
• استخدام الديرما رول: وهو جھاز بیحتوي على إبر صغیرة بتمشيها على فروة الرأس لتحفیز نمو الشعر، وعلاج الشعر الخفيف. اه ووىلب

إجراءات طبیة لزیادة كثافة الشعر الخفیف

رغم سھولة العلاجات اللي ممكن نستخدمھا في البیت، إلا أن فیھ إجراءات طبیة بتبقى نتیجتھا أسرع وأفضل، ومنھا:

• حقن الكورتیكوستیرویدات: بیقوم الدكتور بحقن المادة دي في الأماكن المتأثرة علشان تساعد في تحفیز نمو الشعر. وده بیكون مفید بشكل كبیر في حالات الثعلبة البقعیة.
• زراعة الشعر: لو فیه مناطق في الشعر خفیفة أو صلعاء بسبب الصلع الوراثي، ممكن الدكتوى یوصي بزراعة الشعر.

• العلاج باللیزر: لو مش عایز تستخدم المینوكسیدیل یومیًا، ممكن العلاج باللیزر یكون أفضل لیك. وده بيقرره مختص الجلدية.
• البلازما الغنیة بالصفائح الدمویة (PRP): ده علاج بیشمل سحب دمك، وفصل البلازما وحقنھا في الأماكن المتأثرةعلشان تساعد في نمو الشعر.
• أدویة علاج الشعر الخفیف والمتساقط والمتقصف.

وفي النهاية، علاج الشعر الخفیف والمتساقط بیعتمد بشكل كبیر على إنك تعرف السبب وتبدأ تعالجه بالطریقة الصحيحة. وسواء كان الموضوع وراثي، أو هرموني، أو بسبب عادات غلط دایمًا فيه حلول تقلل التساقط وتساعد شعرك یرجع ینمو من جدید.

المهم تھتم بشعرك وفروة راسك، وتستخدم منتجات مناسبة، وتبعد عن أي حاجة ممكن تضره على المدى الطویل. ولو المشكلة استمرت أو زادت، مفیش أحسن من إنك تروح لدكتور مختص عشان تختار العلاج المناسب لحالتك.

المصادر:

.https://my.clevelandclinic.org/health/diseases/21753-hair-loss

https://www.aad.org/public/diseases/hair-loss/treatment/diagnosis-treat